फोटो सौजन्य - Social Media
हावर्ड विद्यापीठ (Harvard University), अमेरिकेतील केम्ब्रिज, मॅसॅच्युसेट्स येथे स्थित असून जगातील सर्वात प्रतिष्ठित विद्यापीठांपैकी एक मानले जाते. हे आयव्ही लीगमधील एक अग्रगण्य संस्थान असून येथे प्रवेश घेणे अत्यंत कठीण मानले जाते. फक्त ४ टक्के अर्जदारांना प्रवेश मिळतो. हे विद्यापीठ अत्यंत प्राचीन असून याने अनेक यशस्वी नेते, उद्योगपती आणि कलाकार घडवले आहेत. खाली अशा काही भारतीय माजी विद्यार्थ्यांची यादी दिली आहे, जे हावर्डमधून शिक्षण घेऊन पुढे यशस्वी जीवन जगत आहेत.
रतन टाटा
रतन टाटांनी Campion School, Cathedral & John Connon School, Bishop Cotton School आणि Riverdale Country School या शाळांमध्ये शिक्षण घेतले. त्यांनी Cornell University मधून आर्किटेक्चरमध्ये पदवी घेतली आणि नंतर Harvard Business School मधून Advanced Management Program पूर्ण केला. ते टाटा समूहाचे माजी अध्यक्ष असून एक यशस्वी उद्योगपती व दानशूर व्यक्ती म्हणून ओळखले जातात.
आनंद गोपाळ
आनंद गोपाळ महिंद्रा यांचे शालेय शिक्षण Lawrence School, Lovedale येथे झाले. त्यानंतर त्यांनी Harvard University मधून Film Making आणि Architecture या विषयांत पदवी घेतली. MBA साठी त्यांनी Harvard Business School मध्ये प्रवेश घेतला. सध्या ते महिंद्रा समूहाचे अध्यक्ष आहेत आणि भारतातील अग्रगण्य उद्योगपतींपैकी एक मानले जातात.
राहुल बजाज
राहुल बजाज यांचे शालेय शिक्षण Cathedral and John Connon School, मुंबई येथे झाले. पुढे त्यांनी St. Stephen’s College, दिल्ली आणि Government Law College, मुंबई येथून पदवी घेतली. उच्च शिक्षणासाठी त्यांनी Harvard Business School मध्ये प्रवेश घेतला. ते बजाज समूहाचे अध्यक्ष एमेरिटस होते आणि एक प्रभावी उद्योगपती म्हणून ओळखले जात होते.
सुहेल सेठ
सुहेल सेठ यांचे शालेय शिक्षण St. Joseph’s College, नैनीताल येथे पूर्ण केल्यानंतर त्यांनी Jadavpur University मधून इंग्रजी विषयात पदवी व आंतरराष्ट्रीय संबंध विषयात पदव्युत्तर शिक्षण घेतले. नंतर त्यांनी Harvard University मधून Advanced Management Program पूर्ण केला. ते Equus Redcell Advertising चे सह-संस्थापक आणि Counselage India चे मॅनेजिंग पार्टनर म्हणून कार्यरत आहेत.
आशीष नंदा
आशीष नंदा IIT दिल्ली येथून Electrical Engineering मध्ये पदवीधर आहेत. नंतर त्यांनी IIM अहमदाबाद मधून Post Graduate Diploma in Management पूर्ण केला. त्यानंतर त्यांनी Harvard University मधून Economics मध्ये मास्टर्स केली. त्यांनी IIM अहमदाबादचे संचालक म्हणूनही काम पाहिले असून सध्या ते एक प्राध्यापक आणि व्यवसाय अर्थतज्ज्ञ आहेत.
कपिल सिब्बल
कपिल सिब्बल यांचे शालेय शिक्षण St. John’s High School मध्ये झाले. त्यांनी पुढे St. Stephen’s College, दिल्ली येथून पदवी घेतली आणि University of Delhi मधून कायद्यात पदव्युत्तर शिक्षण घेतले. नंतर Harvard Law School मधून त्यांनी LLM पदवी प्राप्त केली. ते एक ज्येष्ठ वकील, राजकारणी आणि सध्या राज्यसभेचे सदस्य आहेत.
पी. चिदंबरम
पी. चिदंबरम यांनी Madras Christian College Higher Secondary School मध्ये शिक्षण घेतले. पुढे त्यांनी University of Madras मधून पदवी आणि Loyola College मधून MA पूर्ण केले. MBA साठी त्यांनी Harvard University मध्ये शिक्षण घेतले. ते सध्या राज्यसभेचे सदस्य असून एक ज्येष्ठ वकील आणि काँग्रेस पक्षाचे नेते आहेत.
सुब्रमण्यम स्वामी
सुब्रमण्यम स्वामी यांचे शालेय शिक्षण विशिष्टरित्या ज्ञात नाही. त्यांनी Delhi University मधून BA, Indian Statistical Institute मधून MA, आणि नंतर Harvard University मधून PhD in Economics पूर्ण केली. ते एक अर्थशास्त्रज्ञ, राजकारणी व IIT दिल्लीमध्ये Mathematical Economics चे प्राध्यापक राहिले आहेत.
अशोक वरधान
भारतीय वंशाचे अशोक वरधान हे Goldman Sachs या जागतिक वित्तसंस्थेचे एक वरिष्ठ कार्यकारी आहेत. त्यांनी Harvard Law School मधून शिक्षण घेतले आहे आणि सध्या अमेरिकेतील वित्तीय क्षेत्रात मोठ्या पदावर कार्यरत आहेत.
