Crime News: धक्कादायक! 13 वर्षाच्या मुलावर अल्पवयीन मुलाकडूनच अत्याचार, बाणेरमध्ये गुन्हा दाखल

पुण्यात वाढले गुन्हेगारीचे प्रमाण 
अल्पवयीन मुलावर अत्याचार 
पोलिसांनी दाखल केला गुन्हा

पुणे: राज्यभरासह पुणे शहरात देखील गुन्हेगारीचे प्रमाण मोठ्या प्रमाण वाढल्याचे पाहायला मिळत आहे. पुण्यात अशीच एक धक्कादायक घटना घडली आहे. पुण्यात एका शाळकरी मुलावर अत्याचार झाल्याची घटना घडली आहे. शाळेतून घरी निघालेल्या एका १३ वर्षीय मुलाला अडवून त्याच्या ओळखीतील एका अल्पवयीनाने अत्याचार केल्याची धक्कादायक घटना उघडकीस आली आहे. या प्रकरणी एका १७ वर्षीय अल्पवयीन युवकाविरुद्ध बाणेर पोलिसांनी गुन्हा दाखल केला.

याबाबत मुलाच्या आईने बाणेर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, अल्पवयीनाविरुद्ध बालकांचे लैंगिक अत्याचारांपासून संरक्षण कायद्यान्वये (पोक्सो) गुन्हा दाखल करण्यात आला आहे. अल्पवयीनांवरील अत्याचाराच्या घटना शहरात वाढीस लागल्या आहेत. अल्पवयीनांवरील अत्याचाराचे १०० पेक्षा अधिक गुन्हे शहरातील वेगवेगळ्या पोलीस ठाण्यात गेल्या आठ महिन्यात दाखल झाले आहेत.

पोलिसांनी दिलेल्या माहितीनुसार, पीडित १३ वर्षीय मुलगा ११ सप्टेंबर रोजी दुपारी साडेचारच्या सुमारास शाळेतून घरी निघाला होता. त्यावेळी आरोपी अल्पवयीनाने त्याला अडविले. खेळायला जाऊ अशी बतावणी केली. त्यानंतर मुलाला शाळेच्या परिसरात एका झाडाजवळ नेऊन त्याला पैसे देण्याचे आमिष दाखविले. मुलावर त्याने अत्याचार करण्याचा प्रयत्न केला. मुलाने त्याला विरोध केल्यानंतर त्याला मारण्याची धमकी देऊन त्याच्यावर अत्याचार करण्यात आल्याचे फिर्यादीत म्हटले आहे. पोलीस उपनिरीक्षक सानप तपास करत आहेत.

तरुण बुधवार पेठेत गेला अन् पेमेंट अ‍ॅपचा पासवर्ड विसरला

पुण्यातील बुधवार पेठे परिसरात एका तरुणाला मारहाण झाल्याची घटना समोर आली आहे. ही घटना शुक्रवारी रात्री लालबत्ती भागात वेश्यागमनासाठी गेलेल्या एका ३९ वर्षीय तरुणासोबत घडली. तेथील तीन महिलांनी पैश्यांच्या व्यवहारातून त्याला बेदम मारहाण केल्याचे समोर आले आहे. मिळालेल्या माहितीनुसार, ही घटना १२ सप्टेंबर रोजी रात्री सुमारे १० वाजता घडली. फिर्यादी तरुण एका इमारतीत गेला आणि तमन्ना शाहरुख मुलांना (वय ३२, रा. दत्तवाडी) हिच्याशी व्यवहार ठरला. ठरल्याप्रमाणे ऑनलाइन पेमेंट करायचे होते, मात्र पासवर्ड विसरल्याने रक्कम जमा होऊ शकली नाही. त्यावरून वाद झाला आणि मारहाण झाली.

Pune Crime: तरुण बुधवार पेठेत गेला अन् पेमेंट अ‍ॅपचा पासवर्ड विसरला, ‘पैसा नही तो इधर कायकु आया’ म्हणत तिघींनी केली बेदम मारहाण

नेमकं काय घडलं?

पोलिसांनी दिलेल्या माहितीनुसार, फिर्यादी तरुण एका बुधवार पेठेतील इमारतीत गेला आणि तिथे तमन्नाशी बोलणी झाली. ठरल्याप्रमाणे पैशांचा व्यवहार ऑनलाइन पद्धतीने करायचा होता. मात्र, पेमेंट ऍपचा पासवर्ड आठवत नसल्यामुळे तरुणाकडून रक्कम जमा होऊ शकली नाही. त्यावरून तरुण आणि तमन्ना यांच्यात मोठा वाद सुरु झाला सुरुवातीला तमन्नाने शिवीगाळ केली. “पैसा नाही तर इकडे कशाला आलास?” असे म्हणत तिने संताप व्यक्त केला. नंतर तिच्या मदतीला तनुजा हकीमअली मौल्ला (वय ३४) आणि सोनिया गुलाम शेख (वय ३२, रा. बुधवार पेठ) या दोघी तिथे आल्या.