बीड: बीडच्या आष्टी तालुक्यातील वाकी परिसरात वाळू माफियांनी दहशत माजवल्याचे समोर आले आहे. नऊ जणांच्या टोळक्यांकडून शेतकऱ्यावर तसेच त्याच्या घरासह वाहनांवर हल्ला करण्यात आल्याचे समोर आले आहे आहे. या प्रकरणात एकूण नऊ जणांविरोधात आष्टी पोलीस ठाण्यात गुन्हा दाखल करण्यात आलाय.
नेमकं काय घडलं?
बीडच्या आष्टी तालुक्यातील वाकी परिसरात असलेल्या सीना नदी पात्रात अवैधरित्या वाळू वाहतूक सुरू होती. याच दरम्यान नदी शेजारील असलेल्या एका शेतकऱ्याने हा प्रकार रोखला. त्यामुळे संतप्त झालेल्या टोळक्याने दोघा शेतकऱ्यांवर हल्ला चढवला. हल्लेखोर यावरच थांबले नसून शेतकऱ्याच्या घरावर पाण्याच्या प्लांटवर आणि वाहनांवर लाठ्या काठ्याने हल्ला चढविण्यात आला. या प्रकरणात एकूण नऊ जणांविरोधात आष्टी पोलीस ठाण्यात गुन्हा दाखल करण्यात आला आहे.
शेतकऱ्याची मागणी काय?
या घटनेत वाळू माफियांच्या दहशतीमुळे परिसरात भीतीचे वातावरण निर्माण झाले आहे. या घटनेतील आरोपींना अटक करून न्याय द्यावा अशी मागणी हल्ला झालेल्या शेतकऱ्याने केली आहे.या प्रकरणी सध्या पोलीस अधिक तपास करत असून आरोपींचा देखील शोध पोलीस घेत आहे.
पहिल्या पत्नीचा जाब विचारताच पतीचा संताप, धारदार वस्तऱ्याने कपाळावर केला वार
बीड येथून एक धक्कदायक घटना समोर आली आहे. पतीने पत्नीच्या कपाळावर धारदार शस्त्राने वार केल्याचे धक्कादायक घटना समोर आले आहे. यात ती गंभीर जखमी झाली आहे. पोलिसांनी या प्रकरणी चौघांविरुद्ध केज पोलीसात गुन्हा दाखल केली आहे.
Sangli Crime: सांगलीत मुळशी पॅटर्न! वाढदिवसाच्या दिवशीच दलित महासंघाच्या अध्यक्षांची निर्घृण हत्या
क्रांतीनगर येथील रहिवासी सतीश लांडगे आणि त्यांची पत्नी अंजना लांडगे यांच्यात चार महिन्यांपूर्वी किरकोळ भांडण झाले होते. त्यामुळे अंजना लांडगे या क्रांतीनगर येथील त्यांच्या मुलाच्या घरी राहत होत्या. याच काळात सतीश लांडगे यांनी दुसऱ्या महिलेशी लग्न करून तिच्यासोबत राहण्यास सुरुवात केली. नवऱ्याच्या दुसऱ्या लग्नाची माहिती मिळताच अंजना लांडगे यांनी पतीकडे विचारणा केली. तेव्हा सामान आणि घर बांधण्यासाठी दिलेले २ लाख रुपये परत मागितले असता, सतीश लांडगे यांनी त्यांना घराबाहेर हाकलून दिले. या घटनेनंतर अंजना लांडगे यांनी पोलीस ठाण्यात धाव घेत पती सतीश लांडगे, अलका मुजमुले, किरण मुजमुले आणि कुणाल मुजमुले या चौघांविरुद्ध केज पोलीस ठाण्यात फिर्याद दिली.
त्यांनतर ७ नोव्हेंबर रोजी सकाळी साडेआठ वाजता अंजना लांडगे यांचा मुलगा आणि सून ऊस तोडण्यासाठी साखर कारखान्यावर गेले होते. त्यावेळी अंजना लांडगे घरी एकट्या असल्याची संधी साधून पती सतीश लांडगे यांच्यासह अलका रोहिदास मुजमुले, किरण रोहिदास मुजमुले आणि कुणाल रोहिदास मुजमुले हे चौघेजण त्यांच्या घरात घुसले. त्यावेळी या चौघांनी अंजना लांडगे यांना शिवीगाळ करून लाथाबुक्क्यांनी बेदम मारहाण केली. एवढेच नाही तर, जीवे मारण्याची धमकी सुद्धा दिली. त्यानंतर, सतीश लांडगे याने अंजना लांडगे यांच्या कपाळावर धारदार वस्त्राने वार करून त्यांना गंभीर जखमी केले आहे. याप्रकरणी पुढील तपास पोलीस करत आहेत.
Ans: आष्टी
Ans: नऊ
Ans: वाळूवाहतूक
