बाप नव्हे तु राक्षस...., रोज रात्री स्वत:च्या 14 वर्षीय मुलीवर बलात्कार, अत्यंत संतापजनक घटना समोर (फोटो सौजन्य-X)
Faridabad Crime News Marathi: प्रत्येकाच्या आयुष्यात आई आणि वडील या दोन्ही शब्दांचं महत्व अनन्यसाधारण असतं. आयुष्याच्या प्रत्येक मोठ्या वळणावर आपल्या मुलांचं भलं व्हावं यासाठी खचता खाणारा असतो तो बाप. मुलांच्या मागे खंबीरपणे उभा राहणारा असतो तो बाप. कितीही केलं तरी बापाचं प्रेम हे दुर्लक्षितच राहतं. त्याच्या असण्याने घराला घरपण असतं. पण हरियाणाच्या फरीदाबादमध्ये नात्याला काळिमा फासणारी घटना समोर आली. पत्नी घर सोडून गेल्यानंतर वडील दररोज रात्री स्वत:च्या १४ वर्षीय मुलीवर बलात्कार करत असल्याची घटना समोर आली. या घटनेनंतर अल्पवयीन मुलगी आजारी पडल्यानंतर हे प्रकरण उघडकीस आले.
हरियाणाच्या फरीदाबाद जिल्ह्यातील बल्लभगड येथे एका ४२ वर्षीय ऑटो-रिक्षा चालकाने स्वत:च्या १४ वर्षांच्या मुलीवर वारंवार बलात्कार केल्याबद्दल अटक करण्यात आली आहे. आरोपी वडिलांना अटक करण्यात आली असून त्यांना न्यायालयीन कोठडीत पाठवण्यात आले आहे. गेल्या दोन महिन्यांपासून एक वडील आपल्या १४ वर्षांच्या मुलीवर बलात्कार करत होता. पोलिसांनी शुक्रवारी या ४२ वर्षीय ऑटोरिक्षा चालकाला म्हणजेच वडिलांना अटक केली. या प्रकरणाशी संबंधित तपासकर्त्यांनी सांगितले की, पीडिता, सातवी इयत्तेत शिकणारी, दारूच्या व्यसनामुळे होणाऱ्या रोजच्या भांडणांना आणि हिंसाचाराला कंटाळली होती. आई त्यांच्या सहापैकी दोन मुलांना तिच्यासोबत चरखी दादरी येथील तिच्या बहिणीच्या घरी घेऊन गेली. मुलगी तिच्या वडिलांसोबत तिच्या लहान भावंडांसह राहत होती
पोलिसांनी सांगितले की, बुधवारी सकाळी मुलगी आजारी पडली आणि शेजारच्या एका वृद्ध महिलेकडे उपचारासाठी गेली तेव्हा हे प्रकरण उघडकीस आले. तपासात सहभागी असलेल्या एका वरिष्ठ अधिकाऱ्याने सांगितले की, मुलीला पोटदुखी आणि ताप येत होता. त्यानंतर शेजारी तिला डॉक्टरकडे घेऊन गेले तेव्हा अल्पवयीन मुलगी मंगळवारी रात्री तिच्यावर झालेल्या अत्याचाराबद्दल सांगितले. महिलेने ताबडतोब पोलीस नियंत्रण कक्षाला माहिती दिली, त्यानंतर तपास पथक पीडितेपर्यंत पोहोचले.” अशी माहिती शेजारांकडून सांगण्यात आले.
समुपदेशनादरम्यान, पीडितेने उघड केले की, जवळजवळ दररोज रात्री दारू पिऊन घरी येणारे तिचे वडील गेल्या दोन महिन्यांपासून तिच्यावर बलात्कार करत होते. पोलीस अधिकाऱ्यांनी सांगितले की, पत्नीच्या जाण्याने संतप्त झालेल्या संशयिताने त्याच्या मोठ्या मुलीला लक्ष्य केले. घाबरलेल्या मुलीने तिचा आजार असह्य होईपर्यंत शांतपणे अत्याचार सहन केला.
फरिदाबाद पोलिसांचे जनसंपर्क अधिकारी यशपाल यादव म्हणाले की, पीडितेच्या जबाबानंतर, लैंगिक गुन्ह्यांपासून मुलांचे संरक्षण (POCSO) कायद्याअंतर्गत गंभीर लैंगिक अत्याचाराचा गुन्हा दाखल करण्यात आला आहे. आरोपीला गुरुवारी अटक करण्यात आली आणि शुक्रवारी न्यायालयीन कोठडीत पाठवण्यात आले. यादव म्हणाले की, अधिकारी आता त्या पुरूषाच्या इतर तीन अल्पवयीन मुलींचे समुपदेशन करत आहेत जेणेकरून त्यांच्यावरही लैंगिक अत्याचार किंवा छळ झाला आहे का हे ठरवता येईल.
