Crime News: भाईंदरमध्ये वाढतंय गुंडांचं वर्चस्व , एका आरोपीला अटक, पोलिसांचा कडक कारवाईचा इशारा

मीरा भाईंदरमध्ये मद्यधुंद तरुणांनी दारुच्या नशेत सोसायटीत गाडी घुसवली . या प्रकरणी पोलिसांनी तात्काळ या घटनेची दखल घेत गुन्हा नोंदवला आहे. या घटनेत एक आरोपी अटक करण्यात आले असून अन्य दोघांचा शोध सुरु आहे. 

Follow Us:

Follow Us:

भाईंदर/ विजय काते: मीरा भाईंदरमध्ये मंगळवारी सकाळी काशीगाव पोलिस स्टेशनच्या हद्दीतील जेपी नॉर्थ बर्सिलोनी सोसायटीत एक घातक घटना घडली. काही गुंड मुलांनी सोसायटीतील गार्डला धक्काबुक्की करून गोंधळ घालण्याचा प्रयत्न केला. या गुंडांनी गाडीत बसलेल्या वॉचमनला अरेरावी केली आणि सुरक्षा रक्षकाला धमकावले, ज्यामुळे तीन जण जखमी झाले. पोलिसांनी तात्काळ या घटनेची दखल घेत गुन्हा नोंदवला आहे. या घटनेत एक आरोपी अटक करण्यात आले असून अन्य दोघांचा शोध सुरू आहे.

घटना कशी घडली?

मंगळवारी सकाळी, जेपी नॉर्थ बर्सिलोनी सोसायटीच्या गेटवर एक काळ्या रंगाची स्कॉर्पिओ गाडी आली. ड्युटीवर असलेल्या वॉचमनने, गाडीतील मुलांकडे फ्लॅट नंबर विचारला. या साध्या प्रश्नामुळे त्या मुलांचा राग वाढला, आणि त्यांनी सुरक्षा रक्षकाला धमकावले. या मुलांनी गार्डला देशी बंदुकीचा धाक दिला आणि अश्लील भाषेत शिवीगाळ केली. “जिला गाझियाबाद दाखवू,” अशी धमकी देत त्यांनी स्कॉर्पिओ गाडी गार्डवर चढवली, ज्यामुळे तीन लोक जखमी झाले.

पोलिसांची तातडीची कारवाई

घटना घडल्या नंतर, काशीगाव पोलिसांना त्वरित माहिती मिळाली. पोलिसांनी भारतीय दंड संहिता कलम 109 (सामाजिक शांतता भंग करणे) आणि आर्म्स अ‍ॅक्ट अंतर्गत गुन्हा दाखल केला. पोलिसांनी प्राथमिक तपास केल्यावर, आरोपी कौस्तुभ भोईघडे याला अटक केली, आणि बाकी दोघांच्या ठिकाणांचा शोध सुरू केला. पोलिसांनी या गुन्ह्यात वापरलेली गाडी जप्त केली आहे आणि त्यावर पुढील तपास सुरू आहे.

आरोपींच्या गुन्ह्याचा मागोवा

पोलिसांनी सांगितले की, आरोपींवर आधीच गंभीर गुन्हे दाखल आहेत. यापूर्वी त्यांचा एक गोंधळ दहिसर परिसरात घडला होता, परंतु त्या वेळी पोलिसांनी त्यांना अटक केली होती. काश्मीर, मालेगाव आणि आसपासच्या भागात त्यांनी आधीही दहशत माजवली आहे. त्यांचे काही साथीदार अजून फरार आहेत, ज्यांचा शोध पोलिस घेत आहेत.

पोलिसांचा संदेश

पोलिस निरीक्षक प्रकाश गायकवाड यांनी सांगितले, “आशा प्रकारच्या गुंडगर्दीला आम्ही कधीही माफ करणार नाही. मीरा भाईंदर शहरात कायदा सुव्यवस्था कोणत्याही परिस्थितीत ढासळू दिली जाणार नाही. अशा गुंडांना पोलिसांची कडक कारवाई आणि कायद्याचा धाक दाखवला जाईल.” गायकवाड यांनी नागरिकांना इशारा दिला की अशा घटनांना बळी पडल्यास त्वरित पोलिसांना माहिती द्यावी.

शहरातील वातावरण

या घटनेनंतर शहरात काही प्रमाणात तणाव निर्माण झाला होता, पण पोलिसांनी तत्काळ कारवाई करून गुंडांना रोखले. अनेक नागरिकांनी पोलिसांच्या कारवाईवर समाधान व्यक्त केले आहे, आणि यापुढे अशा घटनांमध्ये पोलिसांनी आणखी कडक कारवाई करावी अशी मागणी केली आहे.

शहरातील नागरिकांना पोलिसांवर विश्वास ठेवण्याचे आवाहन करण्यात आले आहे, आणि पोलिसांनी सांगितले की मीरा भाईंदर मध्ये कोणत्याही गुंडगर्दीला थांबवण्यासाठी ते कायम सजग आणि कारवाईत सक्रिय राहतील.

Web Title: Dominance of gangsters is increasing in bhayander one accused arrested police warning of strict action

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com