इंस्टाग्रामवर मैत्री, हॉटेलमध्ये जेवणासाठी आग्रह आणि मग निर्वस्त्र अवस्थेत …, ७ जणांनी १६ महिने तिच्यावर केला बलात्कार

गुजरातच्या बनासकांठा जिल्ह्यात एका महाविद्यालयीन विद्यार्थिनीवर सात जणांनी १६ महिने बलात्कार केल्याचे प्रकरण पीडितेने पोलीस ठाण्यात तक्रार दिल्यानंतर समोर आले. नेमकं काय आहे प्रकरण?

इंस्टाग्रामवर मैत्री, हॉटेलमध्ये जेवणासाठी आग्रह आणि मग निर्वस्त्र अवस्थेत (फोटो सौजन्य-X)

Follow Us:

Follow Us:

गुजरातमधून एक भयानक घटना समोर आली आहे. बनासकांठा जिल्ह्यातील एका महाविद्यालयीन विद्यार्थिनीवर ७ जणांनी १६ महिने बलात्कार केला. आरोपीने विद्यार्थिनीचा निर्वस्त्र अवस्थेत व्हिडिओ करून तिला ब्लॅकमेल केले आणि तिच्यावर वारंवार बलात्कार केल्याचा आरोप आहे. सहा आरोपींपैकी एकाने २० वर्षीय विद्यार्थ्याशी इंस्टाग्रामवर मैत्री केली होती. हा विद्यार्थी २०२३ मध्ये पालनपूरमधील एका महाविद्यालयात शिकत होता.

महिलेने ७४ वर्षीय व्यावसायिकाला प्रेमात पाडले, १८.५ लाख रुपये लुटले,नंतर बलात्कार…, नेमकं काय घडलं?

जेवणासाठी आमंत्रित केले अन्…

नोव्हेंबर २०२३ मध्ये आरोपीने विद्यार्थींनीला हॉटेलमध्ये नाश्त्यासाठी सोबत जाण्यास भाग पाडले, असे वृत्तसंस्था पीटीआयने दिले आहे. एफआयआरनुसार आरोपीने जाणूनबुजून तिच्या कपड्यांवर अन्न सांडले आणि तिला स्वच्छ करण्याच्या बहाण्याने एका खोलीत नेले. पोलिसांनी सांगितले की, विद्यार्थिनीने बाथरूममध्ये कपडे काढले तेव्हा विशाल चौधरी नावाचा आरोपी आत शिरला आणि तिचा व्हिडिओ बनवला.

विद्यार्थिनीला ब्लॅकमेल करून बलात्कार

सोमवारी दाखल करण्यात आलेल्या एफआयआरमध्ये असे म्हटले आहे की, जेव्हा पीडितेने विरोध केला तेव्हा त्यांनी व्हिडिओ सार्वजनिक करून इंस्टाग्रामवर पोस्ट करण्याची धमकी दिली. त्याच क्लिपचा वापर करून, आरोपीने नोव्हेंबर २०२३ ते फेब्रुवारी २०२५ दरम्यान वेगवेगळ्या ठिकाणी पीडितेला त्याच्याशी आणि त्याच्या मित्रांशी शारीरिक संबंध ठेवण्यास भाग पाडले, असे एफआयआरमध्ये म्हटले आहे.

त्यानंतर पीडितेने पालनपूर तालुका पोलिसांकडे धाव घेतली आणि भारतीय दंड संहितेच्या वारंवार बलात्कार आणि गुन्हेगारी धमकी देण्याच्या कलमांखाली सहा जणांची नावे आणि एका अज्ञात व्यक्तीविरुद्ध गुन्हा दाखल केला. आरोपींना अद्याप अटक करण्यात आलेली नाही. पोलीस आरोपींचा शोध घेत आहेत. आरोपींवर माहिती तंत्रज्ञान कायद्याच्या कलम ६७ अंतर्गतही गुन्हा दाखल करण्यात आला आहे, जो इलेक्ट्रॉनिक स्वरूपात अश्लील सामग्री प्रकाशित करणे किंवा प्रसारित करणे याशी संबंधित आहे. पालनपूर तालुका पोलिस ठाण्यातील एका अधिकाऱ्याने सांगितले की, आरोपींना पकडण्यासाठी प्रयत्न सुरू आहेत.

Datta Gade : स्वागरेगट बलात्कार प्रकरणातील आरोपी दत्ता गाडेला किती शिक्षा होणार? काय सांगतो कायदा?

Web Title: Gujarat added on instagram invited for lunch blackmailed and raped student for 16 months in banaskantha

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com