पुन्हा पुण्यात ‘हिट अँड रन’; पोलीस कर्मचाऱ्यांना उडवले, एकाचा मृत्यू

अजूनही पुण्यात पोर्शे प्रकरण ताजेत असताना पुन्हा एकदा हिट अँड रनची केस समोर आलीये. मध्यरात्रीची घटना असून यावेळी पोलीस कर्मचाऱ्यांनाच उडवल्याची घटना घडली आहे. यामध्ये एकाचा मृत्यू झाल्याचे आता समोर आलेय.

हिट अँड रन प्रकरणात एकाचा मृत्यू

Follow Us:

Follow Us:

पुणे: पुणे शहर पुन्हा एकदा हिट अँड रन घटनेने हादरले असून, अज्ञात भरधाव वाहनाने रात्र पाळीवर काम करणाऱ्या  दोन पोलीस कर्मचाऱ्यांना उडवल्याची धक्कादायक घडली आहे. अपघातात एका पोलीस हवालदाराचा जागीच मृत्यू झाला आहे. तर दुसरा गंभीर जखमी झाला असून, त्याच्यावर खासगी रुग्णालयात उपचार सुरू आहेत. दरम्यान या घटनेने शहर पोलीस दलात तसेच पुण्यात प्रचंड खळबळ उडाली आहे. जुन्या पुणे-मुंबई महामार्गावर बोपोडी परिसरात हा भीषण अपघात मध्यरात्री अडीच ते तीन या वेळेत घडला आहे.

अपघातात पोलीस हवालदार एच. सी. कोळी असे मृत्यू झालेल्या पोलिसाचे नाव आहे. तर पोलीस अंमलदार संजोग शिंदे हे गंभीर जखमी झाले असून, त्यांच्यावर खासगी रुग्णालयात उपचार सुरू असून, ते आऊट ऑफ डेंजर असल्याची माहिती देण्यात येत आहे.

मिळालेल्या माहितीनुसार, शिंदे व कोळी हे खडकी पोलीस ठाण्यात नेमणूकीस होते. ते मार्शल ड्युटी करत होते. रविवारी ते मार्शल ड्युटीवर होते. हद्दीत पेट्रोलिंग करत असताना बोपोडी चौकातून ते रेल्वे ब्रिजच्या येथून जात असताना पाठीमागून आलेल्या अज्ञात भरधाव वाहनाने त्यांना पाठीमागून उडवले. यामध्ये दोघे खाली कोसळून गंभीर जखमी झाले. त्यात गंभीर मार लागल्याने कोळी यांचा मृत्यू झाला. तर शिंदे हे जखमी झाले.

घटनेची माहिती मिळताच खडकी पोलीस आणि वरिष्ठ अधिकाऱ्यांनी येथे धाव घेतली. दरम्यान अपघातानंतर अज्ञात वाहन चालक घटनास्थळावरून पसार झाला आहे. या भागात सीसीटीव्ही नसल्याने ते वाहन कोणते याचाही अंदाज येत नसल्याचे दिसत आहे. दरम्यान पोलीस त्या वाहनाचा युद्ध पातळीवर शोध घेत आहेत.

दरम्यान पुण्यात कल्यानीनगर येथील हायप्रोफाईल अपघात, त्यानंतर गंगा धाम चौकात झालेला अपघात अश्या सातत्याने होत असलेल्या अपघाताने हदरत असताना ड्युटीवर असलेल्या पोलिसांसोबतच हिट अँड रनची घटना घडल्याने खळबळ उडाली आहे.

Web Title: Hit and run in pune again 1 police constable dead

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com