मंगळवार, 22 सप्टेंबर 2026
जमुई विनयभंग प्रकरणातील दोन आरोपींचे एन्कांऊटंर; नंदनच्या पायाला गोळी, तर हरेरामचा पाय मोडला
मिळालेल्या माहितीनुसार, विनयभंगाचा व्हिडीओ व्हायरल झाल्यानंतर बिहार पोलिसांनी तातडीने आरोपींची धरपकड सुरू केली. पण आरोपी पळून जाण्याचा प्रयत्न करत असताना झालेल्या चकमकीत दोन आरोपींचा एन्काऊंटर करण्यात आल्याची प्राथमिक माहिती आहे. यात एक आरोपीच्या पायाला गोळी लागली तर दुसऱ्याचा पाय मोडल्याचे सांगितले जात आहे. पोलिसांसोबत झालेल्या चकमकीनंतर दोन्ही आरोपींना जमुई सदर रुग्णालयात नेण्यात आले. आरोपींना रुग्णालयात नेत असल्याचा एक व्हिडिओही समोर आला आहे.
जुमईमध्ये चार-पाच दिवसांपूर्वी १०वीत शिकणारा एक अल्पवयीन मुलगा आणि एक मुलगी सायंकाळच्या वेळी एक क्लासवरून परतत असताना काही जणांच्या घोळक्याने या दोघांनाही अडवून पीडित मुलीशी आक्षेपार्ह वर्तन करत तिचा विनयभंग केला. या घटनेचा व्हिडीओही व्हिडीओ व्हायरल झाल्यानंतर देशभरातून बिहार सरकारवर टिकेची झोड उठली होती. यानंतर पोलीस प्रशासनाने गुन्हेगारांविरोधात मोठी आणि आक्रमक मोहीम सुरू केली.
आरोपींना पकडण्यासाठी जिल्ह्यातील विविध संभाव्य लपण्याच्या ठिकाणांवर कसून छापे टाकण्यात आले. याच दरम्यान, पोलीस आणि गुन्हेगारांमध्ये कथित चकमक झाल्याचे वृत्त समोर आले. या चकमकीदरम्यान, छाप्यादरम्यान एका आरोपीच्या पायाला गोळी लागली, तर दुसऱ्याचा पाय मोडला.
आरोपींना पकडण्यासाठी छापा टाकत असताना पोलीस पथकाचा गुन्हेगारांशी सामना झाला. मुख्य आरोपी नंदन यादव याच्या पायाला छाप्यादरम्यान गोळी लागल्याचे सांगितले जात आहे. त्याचा साथीदार हरेराम यादव याचा पाय मोडल्याचे वृत्त आहे. पण या संपूर्ण चकमकीबाबत वरिष्ठ पोलीस अधिकाऱ्यांकडून अद्याप कोणतीही अधिकृत पुष्टी देण्यात आलेली नाही. नंदनला पकडण्यासाठी कुंदर बॅरेकजवळ पोलीस आणि गुन्हेगारांमधील चकमक झाल्याचे बोलले जात आहे.
मुख्य आरोपी, नंदन यादव आणि हरेराम यादव, दोघेही सज्ञान आहेत. दोघेही प्रतापपूर गावचे रहिवासी असून व्यवसायाने ट्रॅक्टर चालक आहेत. पोलिसांवर हल्ला करून पळून जात असताना नंदनच्या पायाला गोळी लागली, तर पळून जाताना हरेरामचा पाय मोडला. या प्रकरणात आतापर्यंत सहा आरोपींना अटक करण्यात आली आहे एसआयटी उर्वरित एकाचा शोध घेत आहे.
दोन्ही जखमींना पोलीस कोठडीत जमुई सदर रुग्णालयात दाखल करण्यात आले आहे. रुग्णालयात मोठा पोलीस बंदोबस्त तैनात करण्यात आला आहे. १९ सप्टेंबर रोजी सायंकाळी ७ वाजता, समाजकंटकांच्या एका गटाने मडवा पहाडजवळ स्कूटरवरून जाणाऱ्या एका अल्पवयीन मुलाला आणि मुलीला जबरदस्तीने थांबवले, त्यांच्याशी गैरवर्तन केले आणि त्यांना मारहाण केली. त्यानंतर आरोपींनी या घटनेचा व्हिडिओ इंटरनेटवर व्हायरल केला.
