Odisha Crime : मोबाइलवर ऑनलाइन गेम खेळण्यास रोखले, रागाच्या भरात तरुणाने आई-वडील आणि बहिणीची केली निर्घृण हत्या

Odisha Crime News: एका २१ वर्षीय तरुणाने रागाच्या भरात आपल्या आईवडिलांची आणि बहिणीची निर्घृण हत्या केली.पोलिसांनी सांगितले की, आरोपी विद्यार्थ्याला त्याच्या पालकांनी आणि बहिणीने ऑनलाइन गेम खेळण्यास मनाई केली होती.

रागाच्या भरात तरुणाने आई-वडील आणि बहिणीची केली निर्घृण हत्या (फोटो सौजन्य-X)

Follow Us:

Follow Us:

Odisha Crime News Marathi : आजच्या डिजिटल युगात, ऑनलाइन गेम तरुणांची पहिली पसंती बनत आहेत. साहसी, अ‍ॅक्शन आणि मल्टीप्लेअर गेम्सच्या वाढत्या लोकप्रियतेमुळे आजची पीढी तासनतास मोबाईलच्या स्क्रीनसमोर बसलेली दिसते. यामुळे मानसिक ताण, अभ्यासात लक्ष न लागणे, चिडचिड यासारख्या समस्या देखील उद्भवतात. असाच एक प्रकार ओडिशाच्या जगतसिंहपूर जिल्ह्यातूनसमोर आला आहे. येथे एका महाविद्यालयीन विद्यार्थ्याने त्याच्या पालकांना आणि बहिणीला ऑनलाइन गेम खेळू देण्यास नकार दिल्याने त्यांची निर्घृण हत्या केली. पोलिसांनी दिलेल्या माहितीनुसार, ही घटना सोमवारी रात्री ३ वाजता जगतसिंगपूर पोलिस स्टेशन हद्दीतील जयबाडा सेठी साही येथे घडली.

बँक खाते अद्ययावत करण्याच्या बहाण्याने नागरिकाची फसवणूक; तब्बल लाखोे रुपयांना घातला गंडा

पोलिस अधीक्षक भवानी शंकर उद्गाता यांनी सांगितले की, आरोपी विद्यार्थ्याने त्याच्या पालकांना आणि बहिणीच्या डोक्यावर दगड मारून त्यांची हत्या केली. ज्यामुळे त्यांचा जागीच मृत्यू झाला. या घटनेची माहिती मिळताच पोलिसांनी घटनास्थळी धाव घेत आरोपीला अटक केली. प्राथमिक तपासात असे दिसून आले की पालकांनी मुलाला ऑनलाइन गेम खेळण्यास मनाई केली होती, ज्यामुळे तो संतापला आणि त्याने हे भयानक पाऊल उचलले. पोलिस या प्रकरणाचा तपास करत आहेत.

जगतसिंगपूर पोलिस स्टेशनचे एसएचओ प्रभास साहू यांनी दिलेल्या माहितीनुसार, प्राथमिक तपासात असे दिसून आले आहे की, आरोपी सूर्यकांत सेठी (२१) हा त्याच्या पालकांवर आणि बहिणीवर रागावला होता कारण त्यांनी त्याला मोबाईल फोनवर ऑनलाइन गेम खेळण्यापासून रोखले होते. प्रशांत सेठी उर्फ ​​कालिया (६५), त्यांची पत्नी कनकलता (६२) आणि मुलगी रोझलिन (२५) अशी मृतांची नावे आहेत, असे पोलिसांनी सांगितले.

आमदार अमरेंद्र दास काय म्हणाले?

एसपी म्हणाले, ‘घटनेनंतर सूर्यकांत सेठी गावाजवळ लपला होता. मात्र अथक शोधानंतर त्याला अटक करण्यात आली. “रिपोर्टरच्या मते, तो तरुण काही मानसिक समस्येने ग्रस्त असल्याचा संशय आहे. दरम्यान, स्थानिक आमदार अमरेंद्र दास यांनी सांगितले की, जमिनीच्या वादाबद्दल कुटुंबातील सदस्य एकदा त्यांच्याकडे आले होते.

गावकऱ्यांनी केला हा दावा

गावकऱ्यांनी असा दावा केला की, सूर्यकांतने त्यांच्याकडे त्याच्या पालकांची हत्या केल्याची कबुली दिली आहे. दुसऱ्या एका पोलिस अधिकाऱ्याने सांगितले की, एसपींच्या नेतृत्वाखालील पोलिस पथक घटनास्थळी पोहोचले आणि तपास सुरू केला. त्यांनी सांगितले की मृतदेह पोस्टमॉर्टेमसाठी नेण्यात आले आहेत.

वाहन चोरणाऱ्या अल्पवयीन मुलाला घेतले ताब्यात; गुन्हे शाखेच्या दरोडा व वाहन चोरी पथकाची कारवाई

Web Title: Odisha crime odisha jagatsinghpur youth kills parents and sister for opposing his addiction to online games news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com