धक्कादायक ! भांडण सोडवण्यास गेलेल्या तरुणाची निर्घृण हत्या; कारण काय तर... (संग्रहित फोटो)
श्रीकांत अर्जन घुले (वय २५, रा. ढेकळवाडी, ता. बारामती) असे या तरुणाचे नाव असून, त्याने दिनांक १८ ऑक्टोबर रोजी आपल्या इन्स्टाग्राम आयडीवर हा व्हिडिओ पोस्ट केला होता. या व्हिडिओतून समाजात दहशत निर्माण करण्याचा प्रयत्न झाल्याचे निदर्शनास आल्यानंतर पोलिसांनी तात्काळ तपास सुरू केला.
सदर व्हिडिओ ‘सरकार ग्रूप’ नावाच्या इन्स्टाग्राम पेजवर अपलोड करण्यात आला होता. या ग्रुपद्वारे दहशत व दादागिरीचे वातावरण तयार करण्याचा प्रयत्न होत असल्याची तक्रार मिळाल्यानंतर पोलिसांनी तपासाची दिशा ठरवली. पोलीस निरीक्षक चंद्रशेखर यादव यांच्या मार्गदर्शनाखाली पोलीस उपनिरीक्षक युवराज पाटील आणि पोलीस हवालदार राजू बन्ने यांनी खातरजमा केली. त्यानंतर बन्ने यांच्या फिर्यादीवरून बारामती तालुका पोलीस ठाण्यात गुन्हा दाखल करण्यात आला.
वरिष्ठ अधिकाऱ्यांच्या मार्गदर्शनाखाली कारवाई
ही कारवाई पोलीस अधीक्षक संदीपसिंह गिल, अपर पोलीस अधीक्षक गणेश बिरादार, उपविभागीय पोलीस अधिकारी सुदर्शन राठोड यांच्या मार्गदर्शनाखाली करण्यात आली. या कारवाईत पोलीस निरीक्षक चंद्रशेखर यादव, पोलीस उपनिरीक्षक युवराज पाटील, पोलीस हवालदार राजेश बन्ने यांनी सहभाग नोंदविला असून या प्रकरणाचा पुढील तपास पोलीस हवालदार किशोर वीर करीत आहेत.
दादागिरी चालणार नाही
“कोणाचीही दहशत किंवा दादागिरी चालणार नाही. बारामती तालुका पोलिसांच्या हद्दीतील कोणत्याही गावात, एमआयडीसी किंवा सूर्यनगरी परिसरात अशा प्रकारची गुन्हेगारी प्रवृत्ती दिसल्यास तात्काळ ९९२३६३०६५२ या क्रमांकावर कळवावे. संबंधितांवर कायदेशीर कारवाई करण्यात येईल.” असे पोलिसांनी सांगितले.
