Bihar Election 2025 : १०० रुपये परीक्षा शुल्क, उद्योगांना अनुदान; गांधी मैदानातून नितीश कुमार यांच्या ४ मोठ्या घोषणा

पटना येथील गांधी मैदानात स्वातंत्र्यदिनाच्या समारंभात भाषण करताना मुख्यमंत्री नितीश कुमार यांनी बिहारच्या जनतेसाठी ४ मोठ्या घोषणा केल्या. यामध्ये परीक्षा शुल्क १०० रुपये कमी करणे उद्योगांसाठी समावेश आहे.

१०० रुपये परीक्षा शुल्क, उद्योगांना अनुदान; गांधी मैदानातून नितीश कुमार यांच्या ४ मोठ्या घोषणा (फोटो सौजन्य- x)

Follow Us:

Follow Us:

Bihar Election 2025 News in Marathi : बिहारचे मुख्यमंत्री नितीश कुमार यांनी निवडणूक वर्षात ४ नवीन घोषणा केल्या आहेत. स्वातंत्र्यदिनानिमित्त पटना येथील गांधी मैदानात भाषण करताना नितीश यांनी स्पर्धा परीक्षांची तयारी करणाऱ्या उमेदवारांना मोठा दिलासा दिला. सर्व प्रकारच्या स्पर्धा परीक्षांचे शुल्क १०० रुपये कमी करण्याची घोषणा केली. मुख्य परीक्षेत उमेदवारांकडून कोणतेही शुल्क आकारले जाणार नाही, असेही त्यांनी सांगितले. याशिवाय, राज्यात ७ नवीन वैद्यकीय महाविद्यालये उघडण्याची, उद्योग उभारणीसाठी उद्योजकांना अनुदान देण्याची आणि दिवाळी-छठला इतर राज्यांमधून बिहारला बसेस चालवण्याची घोषणाही करण्यात आली.

मुख्यमंत्री नितीश यांनी भाषणात सांगितले की, २००५ मध्ये सत्तेत आल्यापासून ते बिहारच्या विकासासाठी काम करत आहेत. गेल्या २० वर्षांत लोकांच्या उन्नतीसाठी अनेक योजना राबवण्यात आल्या. याच अनुषंगाने आता ते काही नवीन घोषणा करत आहेत.

लाल किल्ल्यावरून मोदींकडून RSSचे कौतुक…; काँग्रेस नेत्यांनी थेट इतिहासच काढला

शुल्क आकारले जाणार नाही

मुख्यमंत्री नितीश कुमार म्हणाले की, मुख्य परीक्षेतील उमेदवारांकडून कोणतेही शुल्क आकारले जाणार नाही. तर पूर्व परीक्षा किंवा इतर स्पर्धा परीक्षेत उमेदवारांकडून परीक्षा शुल्क म्हणून फक्त १०० रुपये आकारले जातील.

उद्योग उभारणीसाठी विशेष मदत

गांधी मैदानाच्या व्यासपीठावरून बोलताना मुख्यमंत्री नितीश कुमार यांनी सांगितले की, बिहारमध्ये नवीन उद्योग उभारणीसाठी राज्य सरकारने विशेष मदत देण्याचा निर्णय घेतला आहे. याअंतर्गत, व्यावसायिकांना भांडवली अनुदान, बिहार अनुदान, जीएसटी यासाठी दिले जाणारे प्रोत्साहन दुप्पट केले जाईल. तसेच, सरकार नवीन उद्योग उभारणीसाठी जमीन प्रदान करेल. जर त्या जमिनीवर कोणताही वाद असेल तर तो देखील त्वरित सोडवला जाईल. पुढील ४ महिन्यांत उद्योगपतींना ही सुविधा दिली जाईल.

७ जिल्ह्यांमध्ये नवीन वैद्यकीय महाविद्यालये सुरू

मुख्यमंत्र्यांनी राज्यातील ७ जिल्ह्यांमध्ये नवीन वैद्यकीय महाविद्यालये आणि रुग्णालये सुरू करण्याची घोषणाही केली. याअंतर्गत किशनगंज, कटिहार, अरवल, शिवहार, रोहतास, लखीसराय आणि शेखपुरा जिल्ह्यात नवीन वैद्यकीय महाविद्यालये सुरू होतील. तसेच मुख्यमंत्र्यांनी भाषणात सांगितले की, छठ, दिवाळीसारख्या सणांना बिहारबाहेर राहणाऱ्या लोकांसाठी दिल्ली, गुरुग्राम, चंदीगड सारख्या शहरांमधून राज्य सरकारकडून मोठ्या प्रमाणात बसेस चालवल्या जातील. जेणेकरून स्थलांतरितांना घरी येताना कोणतीही गैरसोय होऊ नये. तसेच, केंद्र सरकारला पुरेशा संख्येने विशेष गाड्या चालवण्याची विनंती केली जाईल.

PM Modi On RSS: “व्यक्ती निर्माण ते राष्ट्र…”; स्वातंत्र्यदिनी पंतप्रधान नरेंद्र मोदींकडून ‘RSS’ वर स्तुतीसुमने

Web Title: Bihar exam fee reduced subsidy for industries nitish kumar independence day 4 announcement

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com