इंडिगो फ्लाइटला बॉम्बची धमकी, प्रवाशांनी खिडकीतून मारल्या उड्या अन्… पाहा VIDEO

IndiGo flight from Delhi to Varanasi : दिल्लीहून वाराणसीला जाणाऱ्या इंडिगो विमानाला बॉम्बची धमकी देण्यात आली. त्यानंतर विमानत एकच गोंधळ उडाला.

Follow Us:

Follow Us:

दिल्लीहून वाराणसीला जाणाऱ्या इंडिगो विमानाला बॉम्बची धमकी मिळाली आहे. यानंतर विमानात एकच गोंधळ उडाला. विमानाला तपासणीसाठी आयसोलेशन बेमध्ये हलवण्यात आले. तसेच विमान सुरक्षा आणि बॉम्ब निकामी करणारे पथक घटनास्थळी असल्याचे
विमानतळाच्या अधिकाऱ्यांकडून सांगण्यात आले.

अधिकाऱ्यांनी दिलेल्या माहितीनुसार, ही घटना आज (28 मे ) सकाळी, साडेपाचच्या सुमारास विमान उड्डाणाच्या तयारीत असताना ही धमकी मिळाली. ते म्हणाले की, विमानातील प्रवाशांना इमर्जन्सी एक्झिटद्वारे बाहेर काढण्यात आले. त्यानंतर विमानाला निर्जन भागात
नेण्यात आले आणि सुरक्षा एजन्सीच्या कर्मचाऱ्यांनी संपूर्ण विमानाची तपासणी केली. त्यानंतर या प्रकरणाची चौकशी केली असता असे काहीही नसल्याचे आढळून आले.

एवढेच नाही तर इंडिगो फ्लाइटमधून प्रवाशांना बाहेर काढल्याचा व्हिडिओही समोर आला आहे. इमर्जन्सी गेटमधून लोक बाहेर पडत आहेत, जास्तीत जास्त लोकांना बाहेर काढण्याचे प्रयत्न सुरू असल्याचे या व्हिडिओमध्ये दिसत आहे. काही लोक विमानाच्या खिडकीतून बाहेर
येतानाही दिसत आहेत. याआधीही अशा अनेक धमक्या आल्या आहेत. जेव्हा दिल्ली विमानतळावरील एअर इंडियाच्या विमानाच्या टॉयलेटमध्ये टिश्यू पेपरवर बॉम्ब लिहिलेला होता. त्यावेळीही ही केवळ अफवा होती.

VIDEO | Passengers of #IndiGo flight from #Delhi to #Varanasi were evacuated via emergency exit following a bomb threat, earlier today.

The aircraft has been moved to isolation bay and further investigations are being carried out. More details are awaited.

(Source: Third Party) pic.twitter.com/gg8EUKU8U0

— Press Trust of India (@PTI_News) May 28, 2024

दरम्यान बॉम्बची धमकी मिळाल्यानंतर इंडिगोच्या क्रूने अलर्ट जारी केला आणि प्रवाशांना विमानातून उतरण्याची विनंती केली. काही प्रवाशांनी आपत्कालीन गेटवरून तर काहींनी फ्लाइटच्या खिडकीतून खाली उड्या मारायला सुरुवात केली.

इंडिगो फ्लाइट 6E2211 दिल्ली ते वाराणसीला जाणापूर्वीच दिल्ली विमानतळावर विशिष्ट बॉम्बची धमकी मिळाली. सर्व आवश्यक प्रोटोकॉलचे पालन करण्यात आले आणि विमानतळ सुरक्षा एजन्सीच्या मार्गदर्शक तत्त्वांनुसार विमान ग्राउंड करण्यात आले. सर्व प्रवाशांना
आपत्कालीन मार्गाने सुखरूप बाहेर काढण्यात आले. सध्या विमानाची चौकशी सुरू आहे. सर्व सुरक्षा तपासण्या पूर्ण झाल्यानंतर हे विमान टर्मिनल परिसरात उभे केले जाईल, असे इंडिगोने सांगितले.

सीआयएसएफच्या एका वरिष्ठ अधिकाऱ्याने सांगितले की, “दिल्ली विमानतळावरील इंडिगो फ्लाइट 6E2211 च्या शौचालयात त्यावर ‘बॉम्ब’ शब्द लिहिलेले टिश्यू पेपर सापडले. ज्यामुळे सुरक्षा यंत्रणांनी तपासाला सुरुवात केली.

घटनास्थळावरील विमान सुरक्षा अधिकाऱ्याने दिलेल्या माहितीनुसार, टेक ऑफ करण्यापूर्वी इंडिगोच्या क्रुएलाविमानाच्या टॉयलेटमध्ये “बॉम्ब” लिहिलेली एक चिठ्ठी सापडली.

Web Title: Delhi to varanasi indigo flight evacuated due to bomb threat all passengers safe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com