IMD Heavy Rain Alert: पावसाचा कहर थांबेना, हवामान विभागाकडून पुढील 7 दिवसांसाठी ‘रेड अलर्ट’ जारी

भारतीय हवामान विभागाने उत्तर-पश्चिम भारत आणि इतर राज्यांसाठी पुढील 7 दिवसांसाठी रेड अलर्ट जारी केला आहे. दिल्लीतील यमुना नदीची पाणी पातळी वाढली असून, पंजाब, हिमाचल, उत्तराखंडमध्येही पूर आणि भूस्खलनाचा धोका वाढला आहे.

बिहार, उत्तर प्रदेशसह अनेक राज्यात मुसळधार पावसाचा इशारा; 11 सप्टेंबरपासून तर... (Photo Credit- X)

Follow Us:

Follow Us:

IMD Heavy Rain Alert: भारतीय हवामान विज्ञान विभागाने (IMD) उत्तर-पश्चिम भारतासह देशाच्या अनेक भागांमध्ये पुढील सात दिवसांसाठी अतिवृष्टीचा इशारा दिला आहे. मान्सूनच्या वाढलेल्या सक्रियतेमुळे जम्मू-काश्मीर, हिमाचल प्रदेश, पंजाब, हरियाणा, उत्तराखंड, दिल्ली-एनसीआर, उत्तर प्रदेश आणि गुजरात या राज्यांसाठी ‘रेड अलर्ट’ जारी करण्यात आला आहे. यामुळे पूर, भूस्खलन आणि पाणी साचण्याचा धोका वाढला आहे.

🚨 Nationwide Rain Alert India Meteorological Department (IMD) has issued red alerts for states like Himachal Pradesh, Uttarakhand, Chhattisgarh, Odisha, Gujarat & Madhya Pradesh, and orange alerts for Punjab, J&K, Haryana, Telangana, Goa & parts of Maharashtra and Coastal… — Praffulgarg (@praffulgarg97) September 3, 2025

कोणत्या राज्यांना फटका बसणार?

• दिल्ली-एनसीआर: सततच्या पावसामुळे यमुना नदीची पाणी पातळी धोक्याच्या चिन्हावरून 206.36 मीटरवर पोहोचली आहे, ज्यामुळे सखल भागांमध्ये पुराचा धोका निर्माण झाला आहे. नोएडा आणि गाझियाबादमध्ये पाणी साचल्यामुळे वाहतुकीचा खोळंबा झाला आहे. 3 सप्टेंबरपर्यंत शाळा बंद ठेवण्याचे आदेश देण्यात आले आहेत.
• पंजाब आणि हरियाणा: सतलज, बियास आणि रावी नद्यांना आलेल्या पुरामुळे पंजाबमधील अनेक गावे पाण्याखाली गेली आहेत. हरियाणातील अंबाला, कुरुक्षेत्र आणि यमुनानगरमध्येही जोरदार पावसाचा इशारा आहे.
• हिमाचल प्रदेश आणि उत्तराखंड: मुसळधार पावसामुळे अनेक रस्ते, राष्ट्रीय महामार्ग आणि वीजपुरवठा बाधित झाला आहे. उत्तराखंडमधील चार धाम यात्रा आणि हेमकुंड साहिब यात्रा 5 सप्टेंबरपर्यंत थांबवण्यात आली आहे.
• उत्तर प्रदेश: मथुरा, आग्रा, पिलीभीत आणि झाशी या जिल्ह्यांमध्ये मुसळधार पावसाचा इशारा आहे. वीज कोसळण्याची आणि सोसाट्याच्या वाऱ्याचीही शक्यता वर्तवण्यात आली आहे.
• गुजरात आणि महाराष्ट्र: कोकण, गोवा आणि सौराष्ट्रामध्ये 4 ते 6 सप्टेंबर दरम्यान जोरदार पावसाची शक्यता आहे

हे देखील वाचा: देशभरात पावसाचा कहर सुरूच; पंजाबमध्ये पूर, उत्तराखंड-जम्मूमध्ये भूस्खलन, रस्ते वाहतूक ठप्प

प्रशासनाची तयारी आणि नागरिकांना सल्ला

Web Title: Monsoon rain red alert imd next 7 days

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com