Cable Bus: देशात लवकरच सुरु होणार केबल बसेस, प्रवासात पिऊ शकता चहा- पाणी; नितीन गडकरी यांची मोठी घोषणा

केंद्रीय रस्ते वाहतूक आणि महामार्ग मंत्री नितीन गडकरी वाढते प्रदूषण रोखण्यासाठी एक महत्त्वपूर्ण निर्णय घेतला आहे. या निर्णयामुळे नागरिकांची वाहतूक कोंडीतून सुटका देखील होईल, तसेच प्रदूषणमुक्त देश होण्यासाठी मदत होईल.

देशात लवकरच सुरु होणार केबल बसेस, प्रवासात पिऊ शकता चहा- पाणी (फोटो सौजन्य-X)

Follow Us:

Follow Us:

केंद्रीय रस्ते वाहतूक आणि महामार्ग मंत्री नितीन गडकरी यांनी प्रदूषण रोखण्यासाठी एक महत्त्वपूर्ण निर्णय घेतला आहे. येत्या ५ वर्षांत भारत आपल्या एकूण जीवाश्म इंधनाच्या वापराच्या ५० टक्के भाग जैवऊर्जेद्वारे पूर्ण करू शकेल. त्यांनी ऑटोमोबाईल उद्योगाला पर्यायी इंधनांवरील संशोधन आणि विकासाला गती देण्याचे आवाहन केले. तसेच यावेळी देशात वाहतूक प्रदूषणमुक्त करणे हे एक मोठे आव्हान आहे. आता तंत्रज्ञानाच्या मदतीने या दिशेने प्रयत्नही तीव्र झाले आहेत. नितीन गडकरी यांनी देशाची सार्वजनिक वाहतूक व्यवस्था प्रदूषणमुक्त करण्यासाठी मोठी घोषणा केली आहे.

सरकार लवकरच देशातील अनेक शहरांमध्ये रोपवे केबल बसेस सुरू करण्याचा प्रयत्न आहे. जेणेकरून स्वच्छ भविष्यातील गतिशीलतेच्या दिशेने हे सरकारचे एक मोठे पाऊल मानले जात आहे. भाजपच्या एक्स हँडल (@BJP4India) वर प्रसिद्ध झालेल्या मुलाखतीत गडकरी यांनी हा खुलासा केला आहे.

अमित शहांच्या विधानावर राहुल गांधींचा पलटवार; म्हणाले, गरिबांच्या मुलांनी इंग्रजी शिकू नये म्हणून भाजप…

वाहतूक कोंडी आणि प्रदूषणापासून सुटका

भारत सरकारच्या शहरी विकास आणि परिवर्तन अभियानांतर्गत, ही योजना उत्तम ठरू शकते. सध्या शहरांमध्ये मेट्रो कनेक्टिव्हिटी पुरेशी नाही. त्याच वेळी, रस्त्यांवर वाहनांच्या वाढत्या संख्येमुळे, बसेस चालवणे कठीण होत आहे. रोपवे केबल बसेस सुरू झाल्यामुळे, अनेक शहरांना वाहतूक कोंडी आणि प्रदूषणापासून सुटका मिळू शकते.

रोपवे बसेस म्हणजे काय?

रोपवे बसेस किंवा केबल कार म्हणजे केबलवर चालणाऱ्या बसेस. केबल बस नेटवर्कमध्ये मर्यादित अंतरावर स्टेशन बांधले जातील, जिथून लोक त्यात चढू शकतील. गडकरी यांच्या मते, हे नेटवर्क पूर्णपणे पर्यावरणपूरक असेल आणि बॅटरीने चालेल. रोपवे केबल बसेस पूर्णपणे शांत असतील आणि शून्य उत्सर्जन करतील, म्हणजेच त्यांच्या ऑपरेशनमुळे शून्य कार्बन उत्सर्जन होईल.

६० प्रकल्पांना मंजुरी

नितीन गडकरी यांच्या मते, देशभरात ६० हून अधिक रोपवे आणि केबल कार प्रकल्पांना मंजुरी देण्यात आली आहे. त्याच वेळी, सरकारला या प्रकल्पाशी संबंधित ३६० प्रस्ताव प्राप्त झाले आहेत. यासोबतच, अमेरिका, युरोप आणि जपानसारख्या देशांकडून या प्रकल्पासाठी १३ तंत्रज्ञान प्रस्ताव देखील सरकारला प्राप्त झाले आहेत. नितीन गडकरी यांच्या मते, ते प्रथम दिल्लीत सुरू करण्याचे नियोजन आहे आणि त्यावर संशोधन कार्य देखील सुरू झाले आहे.

उडत्या बसमध्ये चहा पाण्याची सोय

मिळालेल्या माहितीनुसार, रोपवे बसेसमध्ये प्रवाशांसाठी १३५ आसने असतील आणि बसेसमध्ये पूर्णपणे वातानुकूलित केबिन असेल. चार्ज संपल्यावर, त्या फक्त ३० सेकंदात पुन्हा पूर्णपणे चार्ज केल्या जाऊ शकतात. त्याच वेळी, प्रवाशांना या बसेसमध्ये प्रीमियम प्रवासाचा अनुभव मिळेल आणि प्रवासादरम्यान चहा देखील दिला जाईल. पोस्टनुसार, हिताची आणि सीमेन्स सारख्या कंपन्या रोपवे बसेस तयार करतील.

Rahul Gandhi New House: राहुल गांधींना मिळाला नवा सरकार; बंगला याठिकाणी असेल नवा पत्ता

Web Title: Nitin gadkari announces ropeway and cable car projects soon to be operational in indian cities

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com