Waqf Amendment Bill: “भाजप सरकार हटल्यावर हे वक्फ विधेयक रद्द होईल,” ममता बॅनर्जी यांची मोठी घोषणा

वक्फ सुधारणा विधेयक लोकसभेत मंजूर झाले असून आता राज्यसभेत सादर करण्यात आले आहे. दरम्यान, नवीन सरकार आल्यावर ते रद्द केले जाईल असा दावा ममता बॅनर्जी यांनी केला आहे.

"भाजप सरकार हटल्यावर हे वक्फ विधेयक रद्द होईल, ममता बॅनर्जी यांची मोठी घोषणा (फोटो सौजन्य-X)

Follow Us:

Follow Us:

लोकसभेत मंजूर झालेल्या वक्फ दुरुस्ती विधेयकाबाबत पश्चिम बंगालच्या मुख्यमंत्री ममता बॅनर्जी यांनी गुरुवारी (3 एप्रिल) मोठी घोषणा केली. त्यांनी म्हटले आहे की, जेव्हा भाजप सरकार हटवले जाईल तेव्हा हे वक्फ विधेयक रद्द केले जाईल. त्यांनी भाजपवर वक्फ विधेयकाद्वारे देशाचे विभाजन केल्याचा आरोप केला आहे. भाजपवर हल्लाबोल करताना ममता बॅनर्जी म्हणाल्या, “भाजपने देशाचे विभाजन करण्यासाठी वक्फ (दुरुस्ती) विधेयक आणले आहे. जेव्हा भाजपच्या नेतृत्वाखालील सरकार जाईल आणि नवीन सरकार स्थापन होईल, तेव्हा ते रद्द करण्यासाठी (हे) वक्फ विधेयक दुरुस्त केले जाईल.”

“हा बोर्ड जमीन माफिया बोर्ड झाला आहे का? वक्फ बोर्डवरुन मुख्यमंत्री योगी आदित्यनाथ यांचा घणााघात

लोकसभेत तृणमूल काँग्रेसने विधेयकाच्या विरोधात मतदान केले. तृणमूल काँग्रेसचे खासदार कल्याण बॅनर्जी यांनी वक्फ (दुरुस्ती) विधेयक, २०२५ हे राज्यांच्या अधिकारांवर अतिक्रमण असल्याचे म्हटले आणि संसदेला या संदर्भात कायदा करण्याचा अधिकार नाही असा दावा केला. सभागृहात विधेयकावरील चर्चेत भाग घेताना बॅनर्जी म्हणाल्या की, मुस्लिमांना त्यांच्या मालमत्तेवर अधिकार आहे आणि वक्फ मालमत्ता ही मुस्लिम समुदायाची सामाजिक, सांस्कृतिक आणि धार्मिक ओळख आहे.

या विधेयकाला विरोध केला आणि म्हटले की, असे कायदे करण्याचा अधिकार फक्त राज्यांना आहे आणि हे विधेयक पूर्णपणे असंवैधानिक आहे. तृणमूल काँग्रेसच्या खासदाराने सांगितले की, संवैधानिक तरतुदी संसदेला असे विधेयक मांडण्याचा अधिकार देत नाहीत. ते म्हणाले की, संसदेच्या माध्यमातून राज्य विधिमंडळाच्या अधिकारांवर अशा प्रकारे अतिक्रमण करता येणार नाही. बॅनर्जी म्हणाले की, प्रस्तावित विधेयक सर्वोच्च न्यायालय आणि इतर न्यायालयांनी विविध प्रकरणांमध्ये घालून दिलेल्या कायद्याच्या सुस्थापित तत्त्वांना नाकारते.

मोदी सरकारने लोकसभेत वक्फ विधेयक मंजूर करून घेतले आहे. बुधवारी दुपारी केंद्रीय मंत्री किरेन रिजिजू यांनी लोकसभेत ते सादर केले, ज्यावर १२ तास चर्चा झाली. एनडीएच्या खासदारांनी विधेयकाला पाठिंबा दिला, तर विरोधकांनी एकजूट दाखवत तीव्र विरोध व्यक्त केला. तथापि, रात्री उशिरा सभागृहात २८८ एनडीए खासदारांनी विधेयकाच्या समर्थनार्थ मतदान केले आणि विधेयक मंजूर झाले. २३२ खासदारांनी विधेयकाच्या विरोधात मतदान केले. यानंतर, आता सरकारने गुरुवारी राज्यसभेत हे विधेयक आणले आहे, जिथे चर्चा सुरू आहे.

Waqf Amendment Bill : वक्फ विधेयकावर अबू आझमींचे म्हणणे तरी काय? पहिली प्रतिक्रिया देत केला NDA सरकारवर हल्लाबोल

Web Title: Waqf amendment bill when bjp government is removed we will cancel waqf bill mamata banerjee big announcement

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com