गोसीखुर्द जागतिक जल पर्यटन प्रकल्प विकासासाठी माईल स्टोन ठरणार, मुख्यमंत्र्यांचा विश्वास

भंडारा जिल्हा येथे आज मुख्यमंत्री एकनाथ शिंदे यांच्या हस्ते गोसीखुर्द या जागतिक दर्जाच्या जल पर्यटन प्रकल्पाचे भूमिपूजन करण्यात आले.

गोसीखुर्द जागतिक जल पर्यटन प्रकल्प विकासासाठी माईल स्टोन ठरणार, मुख्यमंत्र्यांचा विश्वास (फोटो सौजन्य-एएनआय)

Follow Us:

Follow Us:

भंडारा जिल्हा येथे आज मुख्यमंत्री एकनाथ शिंदे यांच्या हस्ते गोसीखुर्द या जागतिक दर्जाच्या जल पर्यटन प्रकल्पाचे भूमिपूजन करण्यात आले. या कार्यक्रमादरम्यान जल पर्यटनाची प्रात्यक्षिके आयोजित करण्यात आली होती. त्यावेळी मुख्यमंत्री शिंदे यांनी जलसफर करण्याची इच्छा व्यक्त केली. दरम्यान, वैनगंगा नदीवर होत असलेल्या जागतिक दर्जाच्या जल पर्यटन प्रकल्पाच्या पहिल्या टप्प्याचं आज (24 जून) त्यांच्या हस्ते भूमिपूजन संपन्न झाले आहे. त्यानंतर शहरातील रेल्वे मैदानावर मुख्यमंत्री एकनाथ शिंदे यांची भव्य जाहीर सभा होत आहे. वैनगंगा नदीवर होत असलेल्या जागतिक दर्जाच्या जल पर्यटन प्रकल्प जिल्ह्याच्या पर्यटन क्षेत्राला उभारी देणारा असून अनेक रोजगाराच्या संधी ही निर्माण करणारा ठरणार आहे.

भंडाऱ्याचे अपक्ष आमदार नरेंद्र भोंडेकर यांच्या माध्यमातून या सभेचं आणि या कार्यक्रमाचं आयोजन करण्यात आलेलं आहे. या महत्त्वाकांक्षी प्रकल्पाचे भूमिपूजन महाराष्ट्र शासनाचा पर्यटन विभाग आणि जलसंपदा विभाग यांच्या संयुक्त विद्यमाने करण्यात आले. दरम्यान, 102 कोटी रुपये खर्च झाल्यामुळे पुढील टप्प्यात मोठ्या प्रमाणावर उद्योग उभारण्यात येणार आहेत. या माध्यमातून भंडारा जिल्ह्यातील ग्रामीण नागरिकांचे जीवनमान उंचावले जात आहे. येथील जल पर्यटनाला जागतिक दर्जा असल्याने भंडारा जगाच्या नकाशावर पोहोचणार आहे. मुख्यमंत्री एकनाथ शिंदे यांनी सुमारे दहा हजार लोकांना रोजगाराच्या नव्या संधी निर्माण होतील, असा विश्वास व्यक्त केला.

त्याचदरम्यान, भंडाऱ्यातील या भूमिपूजन कार्यक्रमाला स्थानिकांचा विरोधही दिसून आला आहे. गोशीखुर्द प्रकल्पग्रस्तांच्या मागण्यांबाबत गेल्या दोन वर्षांपासून मुख्यमंत्र्यांनी आश्वासन दिले होते. मात्र अद्याप भेट देत नसल्याचा आरोप करत प्रकल्पग्रस्तांनी आज मुख्यमंत्र्यांच्या कार्यक्रमादरम्यान गोंधळ घालण्याचा प्रयत्न केला. यावेळी त्यांनी मुख्यमंत्र्यांसमोर आपल्या मागण्या घेऊन घोषणा देण्यास सुरुवात केली. त्यानंतर पोलिसांनी त्यांना तात्काळ अटक करून पोलिस व्हॅनमध्ये नेले.

Web Title: Cm eknath shinde on gosikhurd will be a milestone for global water tourism project development

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com