Summer Drink: उन्हाळ्यात कच्च्या कैरीपासून घरच्या घरी बनवा आंबटगोड चवीचे पन्ह, झटपट बनवा सरबत

उन्हाळ्यात लहान मुलांपासून ते अगदी मोठ्यांपर्यंत सगळ्यांचं कैरी खायला आवडते. त्यामुळे कच्ची कैरी खाण्याऐवजी कैरीपासून सोप्या पद्धतीमध्ये पन्ह बनवू शकता. चला तर जाणून घेऊया कैरीचे पन्ह बनवण्याची सोपी रेसिपी.

उन्हाळ्यात कच्च्या कैरीपासून घरच्या घरी बनवा आंबटगोड चवीचे पन्ह

Follow Us:

Follow Us:

मार्च महिना सुरु झाल्यानंतर सगळ्यात आधी कच्च्या कैरीची आठवण येते. कैरीचे नाव घेतल्यानंतर सगळ्यांच्या तोंडाला पाणी सुटते. आंबटगोड चवीचा कैरी आहारात असेल तर दोन घास जेवणात जास्त जातात. उन्हाळा सुरु झाल्यानंतर शरीरात जास्त उष्णता वाढू लागते. वाढलेल्या उष्णतेमुळे जेवण देखील जात नाही. कोणताही पदार्थ खाण्याची किंवा पिण्याची इच्छा होत. अशावेळी आहारात शरीराला पचन होणाऱ्या पदार्थांचे सेवन करावे. उन्हाळ्यात दुपारच्या वेळी किंवा उन्हातून बाहेर जाऊन आल्यानंतर कोणत्याही उष्ण पदार्थांचे सेवन करण्याऐवजी सरबत किंवा ताकाचे सेवन करावे. कैरीपासून अनेक वेगवेगळे पदार्थ बनवले जातात. कैरीचा मुरंबा, मेथांबा, रस, कैरीची आंबटगोड भाजी इत्यादी अनेक पदार्थ बनवले जातात. त्यामुळे आज आम्ही तुम्हाला कच्च्या कैरीपासून आंबटगोड चवीचे पन्ह बनवण्याची सोपी रेसिपी सांगणार आहोत. या पद्धतीमध्ये पन्ह बनवल्यास चव अतिशय सुंदर लागेल आणि शरीराला थंडावा मिळेल.

सकाळच्या नाश्त्याला बनवा चवदार आणि मोकळे कांदेपोहे, लगेच नोट करा रेसिपी

साहित्य:

• कच्ची कैरी
• गूळ
• मीठ
• काळे मीठ
• वेलची पावडर

Club Sandwich Recipe: सकाळच्या नाश्त्याला घरी बनवा क्लब सँडविच; घरातील सर्वच होतील खुश

कृती:

• कैरीचे पन्ह बनवण्यासाठी सर्वप्रथम, कैरी स्वच्छ धुवून साल काढून घ्या. त्यानंतर कैरीचे बारीक तुकडे करून कुकरच्या भांड्यात शिजवण्यासाठी ठेवा.
• कुकरच्या ३ किंवा ४ शिट्ट्या झाल्यानंतर गॅस बंद करून कैरी थंड होण्यासाठी ठेवा. थंड करून घेतलेली कैरी मॅश करून घ्या.
• भांड्यात मॅश करून घेतलेली कैरी टाकून बारीक पेस्ट तयार करा. त्यानंतर त्यात गूळ किंवा साखर मिक्स करा.
• त्यानंतर त्यात आवश्यकतेनुसार वेलची पावडर टाकून मिक्स करून घ्या. सरबत बनवण्यासाठी काचेच्या ग्लासात कैरीचे मिश्रण घेऊन थंड पाणी ओता.
• नंतर त्यात चवीनुसार काळ मीठ टाकून मिक्स करा. तयार आहे सोप्या पद्धतीमध्ये बनवलेले आंबटगोड कैरीचे पन्ह.

Web Title: How to make raw mango panha at home summer healthy drinks raw mango juice

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com