Simple Tips to Improve Digestion: ‘या’ 3 डाळींमुळे होतो गॅसचा त्रास? खाताना घ्या काळजी!

Simple Tips to Improve Digestion: डाळी हा रोजच्या आहारातील प्रथिने, फायबर आणि इतर पोषक घटकांचा महत्त्वाचा स्रोत आहे. मात्र, काही लोकांना तूर डाळ, मसूर डाळ आणि सुके वाटाणे किंवा हिरवे मटार खाल्ल्यानंतर गॅस, पोट फुगणे आणि अस्वस्थता जाणवू शकते.

Simple Tips to Improve Digestion: (फोटो सौजन्य- सोशलमीडिया)

Follow Us:

Follow Us:

• तूर, मसूर आणि मटारमुळे गॅस होऊ शकतो.
• डाळ शिजवताना आलं, कढीपत्ता वापरा.
• डाळ भिजवून पूर्ण मऊ शिजवा.

आपल्या घरी रोजच्या जेवणात डाळ असतेच. वरण भात असो, आमटी असो किंवा डाळीची भाजी, डाळीशिवाय जेवण अपूर्ण वाटतं. डाळीतून आपल्याला प्रोटीन, फायबर, लोह, कॅल्शियम भरपूर मिळतं. पण काही लोकांना डाळ खाल्ली की लगेच त्रास सुरू होतो.

पोट गच्च होणं, गॅस होणं, पोट फुगणं, सारखे ढेकर येणं असा त्रास होतो. ज्यांचं पोट नाजूक असतं त्यांना तर जास्तच त्रास होतो.याचा अर्थ डाळ खाणं बंद करायचं का? अजिबात नाही. डाळ खाण्याची आणि बनवण्याची पद्धत थोडी बदलली तर हा त्रास सहज टाळता येतो. Simple Tips to Improve Digestion:

कोणत्या 3 डाळींमुळे पोटात गॅस होतो?

आयुर्वेदाच्या डॉक्टरांच्या मते तीन डाळींमुळे जास्त गॅस होतो.  तूर डाळ, मसूर डाळ आणि सुके वाटाणे किंवा हिरवे मटार. यामागे एक सायन्स आहे. या डाळींमध्ये रॅफिनोज आणि स्टॅकिओज नावाची एक प्रकारची शर्करा असते. आपलं लहान आतडं ही शर्करा पचवू शकत नाही.

Crispy Thin Poha Chivda Recipe: चिवडा होणार एकदम कुरकुरीत! ना वातड, ना मऊ; पातळ पोह्यांचा चिवडा बनवण्याची सोपी ‘ही’ ट्रिक!

मग ही न पचलेली शर्करा मोठ्या आतड्यात जाते. तिथे असलेले बॅक्टेरिया ती पचवायचा प्रयत्न करतात आणि त्यातूनच गॅस तयार होतो. त्यामुळे पोट फुगल्यासारखं वाटतं आणि अस्वस्थ वाटतं. पण घाबरू नका, योग्य पद्धतीने डाळ शिजवली तर हा त्रास होणार नाही.

गॅस टाळण्यासाठी 4 सोपे

घरगुती उपाय1.

डाळीत कढीपत्ता टाका 
आपण फोडणीत कढीपत्ता टाकतोच. पण डाळ शिजवताना पण कढीपत्त्याची 7-8 पानं टाका. यामुळे डाळीला चव पण छान येते आणि पचायला पण हलकी होते. कढीपत्ता पचन सुधारायला मदत करतो.

थोडी दालचिनी टाका 
दालचिनीचा एक छोटा तुकडा डाळ शिजताना टाका. त्यामुळे डाळीला वास छान येतो दरम्यान पोटातला गॅस कमी होण्यास मदत होते. जास्त प्रमाणात दालचिनी टाकू नका, चिमूटभर टाका.

काळी मिरीचा वापर करा 
काळी मिरीत पायपरीन नावाचा घटक असतो जो पचनासाठी चांगला असतो. डाळीत थोडी काळी मिरी कुटून टाका. पण ज्यांना ऍसिडिटीचा त्रास आहे त्यांनी तिखट कमी वापरा.

आलं किंवा सुंठ टाका 
आलं हे पचनासाठी सगळ्यात भारी आहे. डाळ शिजवताना थोडं किसलेलं आलं किंवा सुंठ पावडर टाका. यामुळे गॅस होत नाही आणि डाळ लवकर पचते.

डाळ बनवताना ‘या’ गोष्टी लक्षात ठेवा

सगळ्यात महत्वाची गोष्ट म्हणजे डाळ कधीच डायरेक्ट शिजवू नका. आधी 3-4 तास पाण्यात भिजत ठेवा. मग ते पाणी फेकून द्या आणि नव्या स्वच्छ पाण्यात डाळ शिजवा. यामुळे गॅस करणारे घटक पाण्यातून निघून जातात.

Maharashtrian Thalipeeth: नाश्त्यात सॅलडस खाऊन कंटाळा आला आहे? मग झटपट घरी बनवा हेल्दी टेस्टी मिलेट थालीपीठ, नोट करा रेसिपी

दुसरं म्हणजे डाळ नेहमी पूर्ण मऊ शिजवा. कच्ची डाळ पचायला जड जाते. सुरुवातीला कमी प्रमाणात खाऊन बघा, शरीराला कशी वाटते ते बघा. आणि जेवताना घाई करू नका, सावकाश चावून खा.जर हे सगळं करून पण तुम्हाला सारखं पोट फुगणं, जोरात पोटदुखी, उलटी, जुलाब किंवा वजन कमी होणं असा त्रास होत असेल, तर लगेच डॉक्टरांना दाखवा. कधी कधी हा त्रास दुसऱ्या पोटाच्या आजारामुळे पण असू शकतो. त्यामुळे दुर्लक्ष करू नका.

Web Title: 3 lentils that cause gas 4 simple dal digestion tips rv

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com