मधुमेह असो वा पचनाचे विकार… कडुनिंबाचे पान म्हणजेच वरदान!

जर तुम्ही मधुमेह किंवा इतर कोणत्या आजाराने ग्रस्त असाल तर कडुनिंबाचे सेवन तुमच्यासाठी वरदान ठरणार आहे. कडुनिंबाच्या पानाचे सेवन केल्यास होणारे फायदे एकदा जाणून घ्याच की!

फोटो सौजन्य - Social Media

Follow Us:

Follow Us:

आजच्या धावपळीत आरोग्याकडे दुर्लक्ष होणे ही एक सामान्य बाब झाली आहे. चुकीच्या खाण्याच्या सवयी, कमी झोप आणि मानसिक तणाव यामुळे आपल्या शरीराची रोगप्रतिकारशक्ती कमी होते. अशा स्थितीत आयुर्वेदात सांगितले गेलेले काही पारंपरिक उपाय आपल्याला नैसर्गिकरित्या निरोगी ठेवू शकतात. त्यातीलच एक प्रभावी उपाय म्हणजे रिकाम्या पोटी कडुनिंबाच्या कोवळ्या पानांचे सेवन!

Nosepin: तुमच्या सौंदर्यात भर घालतील अशा ‘कुंदन नथ’: ‘या’ डिझाईन्स एकदा पाहाच

कडुनिंबाचे आरोग्यावर प्रभावी फायदे

आयुर्वेदानुसार कडुनिंबामध्ये अँटी-बॅक्टेरियल, अँटी-फंगल आणि अँटी-व्हायरल गुणधर्म असतात. रोज सकाळी रिकाम्या पोटी 3-4 कोवळी पाने चावून खाल्ल्यास अनेक शारीरिक त्रासांपासून बचाव होऊ शकतो.

1. पचनतंत्र सुधारते:

कडुनिंबाच्या सेवनामुळे अ‍ॅसिडिटी, गॅस, ब्लोटिंग आणि बद्धकोष्ठता यांसारख्या समस्या दूर होतात. पाचक रसांची निर्मिती वाढून पचनक्रिया सक्षम होते.

2. दात आणि तोंडाच्या आरोग्यासाठी फायदेशीर:

कडुनिंब चघळल्याने तोंड स्वच्छ होते, दुर्गंधी दूर होते, मसूळांची सूज कमी होते आणि दात मजबूत होतात. त्यामुळे तोंडाची स्वच्छता राखण्यासाठी हे एक नैसर्गिक टॉनिक आहे.

3. रक्तशुद्धी आणि त्वचेसाठी लाभदायक:

कडुनिंब शरीरातील विषारी घटक बाहेर टाकतो, त्यामुळे त्वचेला नैसर्गिक चमक येते. मुरुम, त्वचारोग यावरही याचा चांगला परिणाम होतो.

4. मधुमेहावर नियंत्रण:

कडुनिंबामधील फ्लावोनॉइड्स आणि अँटीऑक्सिडंट्स पेशींना इन्सुलिनसाठी संवेदनशील बनवतात, ज्यामुळे रक्तातील साखर नियंत्रित राहते. मधुमेहींसाठी हे अत्यंत उपयुक्त आहे.

5. यकृत डिटॉक्स आणि मेटाबॉलिझम सुधारणा:

कडुनिंब यकृतासाठी डिटॉक्स एजंटसारखे कार्य करते. त्यामुळे लिव्हर हेल्दी राहते आणि चयापचय दर सुधारतो. हे वजन कमी करण्यासाठी फायदेशीर ठरते.

इंडो-चायनीज पदार्थ खायला फार आवडतात? मग घरी बनवून पहा हॉटेल स्टाईल Paneer Chili Dry

सावधगिरी:

कडुनिंब खूप प्रमाणात सेवन केल्यास शरीरावर उलट परिणाम होऊ शकतो. त्यामुळे त्याचे मर्यादित आणि सल्ल्यानुसारच सेवन करावे. कडुनिंब हे घरगुती उपायांतील एक प्रभावी औषध आहे. रोज सकाळी रिकाम्या पोटी त्याच्या कोवळ्या पानांचे सेवन केल्याने अनेक प्रकारचे आजार टाळता येतात आणि आरोग्य टिकवले जाते. आयुर्वेदाने दिलेले हे नैसर्गिक वरदान प्रत्येकाने आपल्या दिनचर्येत समाविष्ट करावे.

Web Title: Benefits of eating leaves of neem

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com