बॅड कोलेस्ट्रॉल कमी करण्यासाठी कोणते पदार्थ खावेत
शरीरातील LDL म्हणजेच खराब कोलेस्टेरॉल वाढणे ही आजच्या काळात एक सामान्य समस्या मानली जात आहे. ही समस्या जगभरातील जवळजवळ सर्व वयोगटातील लोकांना झपाट्याने प्रभावित करत आहे. यासाठी जीवनशैलीचा भाग मानल्या जाणाऱ्या आहार आणि व्यायामासह इतर घटकांशी संबंधित असंतुलित सवयींना जबाबदार धरले जात आहे. कोलेस्ट्रॉल वाढल्यामुळे अनेक आजारांना सामोरं जावं लागतं. कोलेस्ट्रॉल हळूहळू वाढतं आणि शरीरातील वेगवेगेळे भागांना आजारी पाडतं. (फोटो सौजन्य – iStock)
सायलंट किलर का म्हटलं जातं?
सायलंट किलर का म्हटलं जातं
उच्च कोलेस्टेरॉल हा सायलेंट किलर ठरत आहे. कोलेस्ट्रॉलमुळे हृदयाशी संबंधित समस्यांचा धोका असतो. म्हणून, वैद्यकीय तज्ञ उच्च कोलेस्टेरॉलचा त्रास असलेल्या लोकांना जीवनशैलीत बदल करण्यास आणि खराब कोलेस्टेरॉलची पातळी नैसर्गिकरित्या कमी करण्यात मदत करण्यास सक्षम असलेल्या अन्नपदार्थांची निवड करण्यास सुचवतात. कोलेस्ट्रॉल कमी करण्यासाठी कोणत्या पदार्थांचा तुम्ही आहारात समावेश करू शकता.
हेदेखील वाचा – नसांमध्ये साचलेले घाणेरडे कोलेस्ट्रॉल येईल झटकन बाहेर, खा ही घरगुती चटणी
सर्वात मोठे कारण
कोलेस्ट्रॉल होण्याची कारणे काय आहेत
आधुनिक काळात हाय कोलेस्टेरॉल खूप धोकादायक बनत आहे आणि यामुळे लठ्ठपणा वाढतो. यामुळे आरोग्याला हानी पोहोचते आणि अनेक धोकादायक आजारांचा धोका निर्माण होतो, त्यामुळे कोलेस्ट्रॉल नियंत्रणात ठेवण्यासाठी आत्ताच जीवनशैली आणि आहारात बदल करणे चांगले.
कोलेस्टेरॉल हे फॅटी, तेलकट स्टिरॉइड आहे जे सेल झिल्लीमध्ये आढळते. यामुळे रक्तवाहिन्यांमध्ये प्लेक तयार होतो. यामुळे रक्तपुरवठ्यात अडथळा निर्माण होतो आणि पुढे उच्च रक्तदाब, हृदयविकाराचा झटका, ब्रेन स्ट्रोक होतो. तथापि, वैद्यकीय तज्ज्ञांचे म्हणणे आहे की जर तुम्ही सकाळी काही पदार्थ खाल्ले तर तुमच्या शरीरातील उच्च कोलेस्टेरॉलवर नियंत्रण ठेवता येते.
हेदेखील वाचा – Bad Cholesterol कमी करण्याचा रामबाण उपाय! फक्त ‘या’ सवयीचा करा अवलंब आणि पहा कमाल
कोणते पदार्थ खावेत
या पदार्थांचा करा आपल्या आहारात समावेश
medlineplus.gov नुसार, हे पदार्थ सकाळी लवकर खाणे खूप फायदेशीर मानले जाते. हे पदार्थ कोणते आहेत जाणून घेऊया
अक्रोड : अक्रोडमध्ये अनेक पोषक घटक असतात. जर तुम्ही दररोज नाश्त्यात काही अक्रोड खाल्ले तर ते उच्च कोलेस्ट्रॉल कमी करण्यास उपयुक्त ठरू शकते. यामुळे हृदयविकाराचा धोकाही कमी होतो, असे वैद्यकीय तज्ज्ञांचे म्हणणे आहे.
बदाम: बदाम चांगल्या कोलेस्ट्रॉलची पातळी वाढवतात आणि खराब कोलेस्ट्रॉलची पातळी कमी करतात. आरोग्य हार्वर्ड एज्युकेशनमध्ये प्रकाशित झालेल्या एका अभ्यासात आणि इतर अनेक अभ्यासातून असे दिसून आले आहे की सकाळी प्रथम बदाम खाल्ल्याने खराब कोलेस्ट्रॉलची पातळी कमी होऊ शकते. त्यामुळे ते सकाळी खाणे चांगले.
ऑलिव्ह ऑईल: ऑलिव्ह ऑईल हे आरोग्यासाठी खूप चांगले आहे, ते शिजवून खाणे आरोग्यासाठी खूप चांगले आहे. या तेलामुळे चांगल्या कोलेस्ट्रॉलची पातळी वाढते, असे वैद्यकीय तज्ज्ञांचे म्हणणे आहे.
अंबाडीच्या बिया: अनेक पोषक तत्वांसह, अंबाडीच्या बियांमध्ये ओमेगा-३ फॅटी ॲसिड भरपूर प्रमाणात असते, ज्यामुळे कोलेस्ट्रॉलची पातळी कमी होते. वैद्यकीय तज्ज्ञांचे म्हणणे आहे की आळशीच्या बियांची पावडर सकाळी तीन महिने सतत घेतल्याने खराब कोलेस्ट्रॉलची पातळी कमी होऊ शकते.
मॉर्निंग वॉक, व्यायाम किंवा योगः मॉर्निंग वॉक किंवा व्यायामामुळे रक्तातील चांगल्या कोलेस्ट्रॉलची पातळी वाढते. नियमित एरोबिक व्यायामामुळे रक्तातील चांगल्या कोलेस्टेरॉलची पातळी वाढते, असे वैद्यकीय तज्ज्ञांचे म्हणणे आहे. याशिवाय योगामुळे आपल्या आरोग्याचे रक्षण होते.
संत्र्याचा रस: नॅशनल हेल्थ सर्व्हिस आणि वैद्यकीय तज्ज्ञांचे म्हणणे आहे की, सकाळी एक ग्लास व्हिटॅमिन सी युक्त संत्र्याचा रस प्यायल्याने कोलेस्ट्रॉलची पातळी कमी होऊ शकते. संत्र्यामध्ये फ्लेव्होनॉइड्स असतात जे खराब कोलेस्ट्रॉलची पातळी कमी करतात.
टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.
