ख्रिश्चन बांधवांसाठी ख्रिसमस (Chirstmas) (नाताळ) हा सण महत्त्वाचा आहे. दरवर्षी २५ डिसेंबरला साजरा केला जातो. जगभरात प्रभू येशूचा जन्मदिवस म्हणून हा दिवस साजरा केला जातो. काही ठिकाणी शोभायात्रा काढल्या जातात. यातून प्रभू येशूंची जीवनकार्य दाखवलं जातं. (Christmas 2021) हा सण ख्रिस्ती धर्मियांसोबत इतर धर्माचे लोकही साजरा करतात. या सणाबद्दल लहान मुलांमध्ये सर्वाधिक उत्साह दिसून येतो. या दिवशी सांता क्लॉज मुलांना भेटवस्तू देतात, अशी मान्यता आहे. पालक त्या रुपाने मुलांना भेटवस्तू देत असतात.
[read_also content=”धक्कादायक – राज्यात जून ते ऑक्टोबर दरम्यान १०७८ शेतकऱ्यांची आत्महत्या, हिवाळी अधिवेशनात समोर आली माहिती https://www.navarashtra.com/maharashtra/1078-farmers-commited-suicide-between-june-to-october-nrsr-214733.html”]
ख्रिसमस सणाकडे एक सांस्कृतिक उत्सव म्हणूनही पाहिलं जातं. ख्रिसमस सण २५ डिसेंबरच्या पूर्वसंध्येला सुरु होतो. चर्चमध्ये धार्मिक प्रार्थनेचं आयोजन केलं जातं आणि एकमेकांना शुभेच्छा दिल्या जातात. त्यानंतर एकमेकांना भेटवस्तू दिल्या जातात. घरी केक, गोड पदार्थ केले जातात. कुटुंबियांसोबत हा सण एकत्र साजरा केला जातो. तसेच घराबाहेर कंदील आणि प्रभू येशूंच्या जन्माचे देखावे केले जातात. ख्रिसमस सणादिवशी ख्रिसमस ट्री सर्वांच्या आकर्षणाचा केंद्रबिंदू असतो. या दिवशी या झाडाची विशेष सजावट केली जाते. काही ठिकाणी ख्रिसमस ट्रीवर गिफ्ट लावलेली पाहायला मिळतात.
ख्रिश्चन धर्मियांच्या मान्यतेनुसार, प्रभु येशू म्हणजेच येशू ख्रिस्ताचा जन्म बेथलेहेममध्ये मेरी आणि जोसेफ यांच्या पोटी झाला. सेक्स्टस ज्युलियस आफ्रिकनसने २२१ मध्ये पहिल्यांदा २५ डिसेंबर हा येशूचा वाढदिवस म्हणून साजरा केला. या दिवसाला ख्रिसमस-डे म्हणण्याचे एक कारण म्हणजे हिवाळी संक्रांतीच्या वेळी रोमन लोक २५ डिसेंबर रोजी सूर्याचा जन्म साजरा करतात. दुसरीकडे असंही एक मत आहे की, जगाच्या निर्मितीच्या चौथ्या तारखेला (२५ मार्च) मेरीची गर्भधारणा झाली. याच्या बरोबर ९ महिन्यांनी म्हणजे २५ डिसेंबर रोजी येशूचा जन्म झाला.
सांता निकोलस यांना सांता क्लॉजच्या नावाने ओळखलं जाते. त्यांचा जन्म प्रभू येशूनंतर जवळपास २८० वर्षांना झाला होता. सांता निकोलस यांनी आपलं पूर्ण जीवन प्रभू येशूंना समर्पित केलं होतं. दरवर्षी ते येशूच्या जन्मदिनाचं औचित्य साधत अंधारात मुलांना भेटवस्तू द्यायचे. तेव्हापासून आतापर्यंत ही प्रथा आहे. आजही लोकं सांता क्लॉज बनून मुलांना भेटवस्तू देतात.
