शरीरातील Bacterial infection टाळण्यासाठी आहारात करा 'या' पौष्टिक पदार्थांचे सेवन
हवामानात होणाऱ्या बदलांमुळे शरीराची रोगप्रतिकारशक्ती कमकुवत होऊन जाते. याशिवाय शरीराला साथीच्या आजारांची लागण झाल्यानंतर आरोग्य पूर्णपणे बिघडते. त्यामुळे शरीराची काळजी घेणे आवश्यक आहे. सर्दी, खोकला, ताप आल्यानंतर शरीरात अशक्तपणा, थकवा वाढू लागतो. शरीरात वाढलेल्या थकव्यामुळे कोणतेही काम करण्याची इच्छा होते नाही. तसेच जिभेची चव बिघडून जाते. शरीरात बॅक्टेरिअल इन्फेक्शन वाढल्यानंतर सुरुवातीला शरीरात अतिशय सामान्य लक्षणे दिसून येतात. मात्र कालांतराने शरीरात बदल दिसू लागतात. याबद्दल सद्गुरू जग्गी वासुदेव यांनी सांगितलेले काही सोपे उपाय सांगणार आहोत. बॅक्टेरिअल इन्फेक्शनचा धोका वाढल्यानंतर रक्तात इन्फेक्शन वाढण्याची शक्यता असते. म्हणूनच आज आम्ही तुम्हाला रक्तात वाढलेले इन्फेक्शन कमी करण्यासाठी आहारात कोणत्या पदार्थांचे सेवन करावे, याबद्दल सविस्तर माहिती सांगणार आहोत . हे पदार्थ शरीर कायमच निरोगी ठेवतील.(फोटो सौजन्य – istock)
सायलेंट हार्ट अटॅक म्हणजे काय? छातीत जड होणे नेहमी ऍसिडिटी नसते; जाणून घ्या
आवळ्याचे सेवन केल्यामुळे शरीराला अनेक फायदे होतात. औषधी आणि आयुर्वेदिक गुणधर्मांनी समृद्ध असलेला आवळा नियमित खाल्ल्यास केस मजबूत होतील आणि चेहऱ्यावर चमकदार ग्लो येईल. नियमित सकाळी उठल्यानंतर आवळा पावडर कोमट पाण्यात मिक्स करून प्यावी. यामुळे शरीर स्वच्छ होईल. मधामध्ये नैसर्गिक अँटी-सेप्टिक आणि अँटी-बॅक्टेरियल गुणधर्म आढळून येतात. मधाचे सेवन केल्यामुळे हिमोग्लोबिनची पातळी वाढवण्यासाठी मदत होते. याशिवाय मधाचा फेसपॅक चेहऱ्यावर लावल्यास त्वचा उजळदार होईल.
काळीमीरीचे सेवन केल्यामुळे रक्तातील घाण बाहेर पडून जाते आणि शरीराला अनेक फायदे होतात. यामध्ये असलेले ‘पाइपरीन’नावाचे संयुग रोगप्रतिकारकशक्ती सुधारण्यास मदत होते. आवळा, मध आणि काळीमीरीचे एकत्र सेवन केल्यास शरीराचे कार्य सुधारते आणि रोगप्रतिकारशक्ती सुधारण्यास मदत होते. वातावरणात होणाऱ्या बदलांमुळे शरीराची रोगप्रतिकारशक्ती सुधारण्यास मदत होते.
बॅक्टेरियल इन्फेक्शन म्हणजे काय?
अनेक जिवाणू आपल्या त्वचेवर किंवा शरीरात सामान्यपणे राहतात आणि ते हानिकारक नसतात, परंतु काही हानिकारक जिवाणू शरीरात प्रवेश करतात आणि त्यांची संख्या वाढवतात.
बॅक्टेरियल इन्फेक्शन लक्षणे?
मळमळ, उलट्या, ताप, अतिसार, पोटात पेटके आणि वेदना, अशक्तपणा आणि थकवा, वजन कमी होणे (काही प्रकरणांमध्ये), घाम येणे (विशेषतः रात्रीच्या वेळी), तीन आठवड्यांपेक्षा जास्त काळ टिकणारा खोकला
