Diwali 2025 : खमंग, कुरकुरीत आणि आकर्षित दिसणारी ‘चंपाकळी’; दिवाळीच्या फराळात नक्की करा समावेश

नमकीन चंपाकळी ही केवळ चहासोबत खाण्यासाठी नव्हे तर दिवाळीच्या फराळाचा एक सुंदर भाग आहे. तिचं आकर्षक रूप आणि जबरदस्त कुरकुरीतपणा कोणाचंही मन जिंकतो. कमी साहित्य, कमी वेळ आणि भरपूर स्वाद.

(फोटो सौजन्य: Madhura's Kitchen)

Follow Us:

Follow Us:

“चहाच्या वेळेसोबत खाण्यासाठी काहीतरी खमंग आणि कुरकुरीत पदार्थ हवेच असतात. अशा वेळी नमकीन चंपाकळी हा एक अप्रतिम आणि पारंपरिक पर्याय ठरतो. ही रेसिपी दिसायला जशी सुंदर असते, तशीच तिचा स्वादही तोंडात विरघळणारा असतो. तिचा आकार ‘चंपा’ फुलासारखा असल्याने तिला चंपाकळी असे नाव दिले गेले आहे. उत्तर भारतात ही रेसिपी दिवाळीच्या फराळात विशेष करून केली जाते, परंतु महाराष्ट्रातही हळूहळू ती लोकप्रिय होत आहे.

सकाळच्या घाईमध्ये नाश्त्यासाठी काय बनवावं सुचत नाही? मग झटपट बनवा Peanut Butter Toast, नोट करा रेसिपी

चंपाकळी ही मूळात एक तळलेला, मसालेदार आणि कुरकुरीत स्नॅक आहे, जो काही दिवस टिकतो. त्यामुळे तुम्ही ती आधी करून एअरटाईट डब्यात साठवून ठेऊ शकता आणि गरजेनुसार खाऊ शकता. या रेसिपीत मैदा, रवा, आणि मसाले वापरले जातात. तिचा खासपणा म्हणजे तिचा सुंदर फुलासारखा आकार आणि तळल्यानंतर मिळणारी जबरदस्त क्रंची टेक्स्चर. संध्याकाळच्या चहासोबत, प्रवासात किंवा सणासुदीच्या पाहुणचारासाठी हा पदार्थ परफेक्ट ठरतो. चला तर मग जाणून घेऊया यासाठी लागणारे साहित्य आणि कृती.

(फोटो सौजन्य: Pinterest)

साहित्य:

• १ कप मैदा
• २ टेबलस्पून रवा
• २ टेबलस्पून बेसन
• १ टीस्पून लाल तिखट
• ½ टीस्पून हळद
• १ टीस्पून ओवा
• १ टेबलस्पून तेल (मोहनासाठी)
• चवीनुसार मीठ
• आवश्यकतेनुसार पाणी
• तळण्यासाठी तेल

कृती:

• यासाठी सर्वप्रथम एका मोठ्या वाडग्यात मैदा, रवा आणि बेसन घ्या. त्यात लाल तिखट, हळद, अजवाइन आणि मीठ घालून नीट मिसळा.
• मोहनासाठी तेल घाला आणि हाताने मिक्स करून घ्या. आता थोडं थोडं पाणी घालून घट्टसर आणि मऊ पीठ मळून घ्या.
• पीठावर ओलसर कपडा झाकून १५-२० मिनिटांसाठी ठेवून द्या, म्हणजे ते थोडं सेट होईल.
• पीठाचे छोटे गोळे करा आणि प्रत्येक गोळ्याची पातळ पोळी लाटा. आता सुरीने त्यात समांतर रेषा कापा, पण दोन्ही बाजू पूर्ण कापू नका.
• दोन्ही टोकं एकत्र करून हलकं वळवा, म्हणजे ती फुलासारखी चंपाकळी तयार होईल.
• कढईत तेल गरम करा आणि मध्यम आचेवर या चंपाकळ्या सोनेरी व कुरकुरीत होईपर्यंत तळा.
• तळल्यावर त्या टिश्यू पेपरवर काढा आणि थंड झाल्यावर एअरटाईट डब्यात साठवा.
• पापडी किंवा चंपाकळी तळताना फ्लेम मध्यम ठेवा; त्यामुळे त्या नीट कुरकुरीत होतात.
• ओव्याऐवजी थोडं काळं मिरीपूड वापरल्यास स्वाद वेगळा लागतो.
• तुम्हाला हवं असल्यास तुम्ही यांना साखरेच्या पाकात बुडवून गोड चवीचा आनंद लुटू शकता.

Web Title: Diwali 2025 make cripsy and traditional champakali for diwali faral note down the recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com