व्हेज खाण्यासाठी पर्वणी! आता घरी बनवा मऊ, रेशमी आणि शाही चवीचे ‘व्हेज गलौटी कबाब’, नोट करा रेसिपी

Veg Galouti Kebab Recipe : मऊ आणि तोंडातच विरघळणारे गलौटी कबाब लखनौची शान आहेत. याची पारंपारिक रेसिपी चिकन-मटणपासून तयार होते पण तुम्हाला माहिती आहे का? तुम्ही व्हेज शैलीतही या गलौटी कबाब तयार करू शकता.

(फोटो सौजन्य: Pinterest)

Follow Us:

Follow Us:

• कबाब हे फार जुन्या काळापासून बनवले जात असून त्यांना मुखत्वे चिकन-मटणपासून तयार केले जाते.
• हे काबाब चवीला फार मजेदार आणि मऊ लागतात.
• आज आम्ही तुम्हाला व्हेज गलौटी कबाब कसे तयार करायचे ते सांगणार आहोत.

विकेंड स्पेशल! संध्याकाळच्या नाश्त्याला बनवा कुरकुरीत रेस्टॉरंट स्टाईल ‘चिकन पोपकोर्न’, चव अशी की लहानच काय मोठेही होतील खुश

व्हेज गलौटी कबाब एक शाही डिश आहे. हे कबाब बाहेरून फारसे कुरकुरीत नसतात, तर आतून अत्यंत मऊ, रेशमी आणि रसाळ लागतात,  हीच त्यांची खास ओळख आहे. सणासुदीला, खास पाहुण्यांसाठी किंवा एखाद्या खास डिनर मेनूसाठी व्हेज गलौटी कबाब हा उत्तम पर्याय आहे. पराठा, रुमाली रोटी किंवा शीरमालसोबत, तसेच पुदिन्याच्या चटणीसह हे कबाब अप्रतिम लागतात. चला तर मग पाहूया घरच्या घरी, सोप्या पद्धतीने शाही व्हेज गलौटी कबाब कसे बनवायचे याची सोपी रेसिपी जाणून घेऊया.

 साहित्य

• 1 कप उकडलेला राजमा
• ½ कप भिजवलेले सोयाबीन
• 1 मध्यम कांदा (अतिशय बारीक चिरलेला)
• 1 टेबलस्पून आले-लसूण पेस्ट
• 1 हिरवी मिरची पेस्ट
• 2 टेबलस्पून बारीक चिरलेली कोथिंबीर
• 1 टीस्पून जिरे पूड
• 1 टीस्पून धणे पूड
• ½ टीस्पून गरम मसाला
• ½ टीस्पून लाल तिखट
• 1 चिमूट केशर (कोमट दुधात भिजवलेले – ऑप्शनल)
• 1 टीस्पून केवडा पाणी किंवा गुलाब जल
• चवीनुसार मीठ
• 1-2 टेबलस्पून भाजलेले बेसन
• शॅलो फ्रायसाठी तूप किंवा तेल

कृती 

• सर्वप्रथम सोयाबीन पाण्यात भिजवून मिक्सरमध्ये वाटून घ्या.
• उकडलेला राजमा मिक्सरमध्ये अगदी मऊ पेस्ट होईपर्यंत वाटून घ्या. गलौटी कबाबसाठी मिश्रण जितके मऊ तितके चांगले.
• एका मोठ्या भांड्यात राजम्याची पेस्ट, वाटलेली सोयाबीन पेस्ट आणि बारीक चिरलेला कांदा घाला.
• यात आले-लसूण पेस्ट, हिरवी मिरची पेस्ट, कोथिंबीर आणि सर्व कोरडे मसाले घालून हलक्या हाताने मिसळा.
• मिश्रण घट्ट आणि मऊ ठेवण्यासाठी भाजलेले बेसन घाला. तसेच केशर दूध आणि केवडा पाणी घालून सुगंध द्या.मिश्रणाचे लहान, खूपच मऊ आणि चपटे कबाब तयार करा.
• तव्यावर तूप गरम करून कबाब अत्यंत मंद आचेवर हलक्या हाताने दोन्ही बाजूंनी परतून घ्या. जास्त उलटसुलट करू नका.
• कबाब सोनेरी रंगाचे झाले की गॅस बंद करा. गरमागरम सर्व्ह करा.
• व्हेज गलौटी कबाब रुमाली रोटी, उलटा तवा पराठा किंवा शीरमालसोबत आणि पुदिन्याच्या चटणीसह खूपच छान लागतात.

Web Title: Do you know you can make soft and juicy veg galouti kebab at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com