Rakshabandhan: भावासाठी करा खास ड्राय फ्रूट लाडू, नात्याची अतूट वीण होईल घट्ट

आपल्या भावाच्या आरोग्याची काळजी ही प्रत्येक बहिणीसाठी महत्त्वाची असते. या रक्षाबंधनाला शुगर फ्री मिठाई घरीच बनवा आणि खास रक्षाबंधनासाठी ड्रायफ्रूट लाडू बनवून करा दिवस साजरा

भावासाठी बनवा खास शुगर फ्री लाडू

Follow Us:

Follow Us:

• भावासाठी बनवा खास मिठाई
• रक्षाबंधनाचा सण खास करण्यासाठी लाडूची रेसिपी
• ड्रायफ्रूट लाडूची रेसिपी घ्या जाणून

शेफ दीपक गोरे, इन हाऊस कलिनरी शेफ , टाटा संपन्न , टाटा कंझ्युमर प्रॉडक्ट लिमिटेड (TCPL) यांनी टाटा संपन्न मिश्र सुका मेवा वापरून तयार केलेली एक आरोग्यदायी, शुगर फ्री भारतीय मिठाईची रेसिपी आपल्या वाचकांसाठी दिली आहे, जी रक्षाबंधनाला बहीण-भावाच्या नात्यात गोडवा वाढवू शकतात. मग वाट कसली पाहताय, दोनच दिवसावर आलेल्या या सणासाठी व्हा सज्ज आणि बनवा आपल्या लाडक्या भावासाठी खास ड्रायफ्रूट लाडू. मुळात ड्रायफ्रूटमुळे शरीराला खूपच चांगली ऊर्जा मिळते, तसंच फायबरमुळे जास्त भूक लागत नाही आणि हेल्थ चांगली राहते. यावर्षी बहीण म्हणून तुम्हीही घ्या भावाच्या आरोग्याची काळजी आणि बनवा खास लाडू. तत्पूर्वी आपण कोणते साहित्य लागणार आहे ते जाणून घेऊया

राखीपोर्णिमेनिमित्त लाडक्या भावासाठी १० मिनिटांमध्ये बनवा खमंग गूळ-नारळाची बर्फी, नात्यात वाढेल गोडवा

ड्रायफ्रूट लाडूसाठी साहित्य:

• टाटा संपन्न काजू – ½ कप
• टाटा संपन्न बदाम – ½ काजू
• टाटा संपन्न पिस्ते – 1 कप
• टाटा संपन्न अक्रोड – ½ कप
• वेलदोडा पावडर – 1 टीस्पून
• खजूर (बियाशिवाय) – 25
• सुकवलेली गुलाबाची फुले – सजावटीसाठी
• तूप – 10 ग्रॅम

1. लाडू मिश्रण तयार करणे:

• मध्यम आचेवर एका कढईत काजू, बदाम, पिस्ते आणि अक्रोड 1-2 मिनिटे कोरडे भाजून घ्या. थोडे थंड होऊ द्या आणि नंतर ते थोडे भरड वाटून घ्या आणि बाजूला ठेवा
• त्याच कढईत खजूर 2 मिनिटे हलके गरम करून मऊ करा, थंड झाल्यावर तेही वाटून घ्या
• वाटलेले सुके मेवे (ड्रायफ्रूट्स – जे तुम्ही तुमच्या आवडीनुसारही घेऊ शकता) आणि खजूर हे मिश्रण एकत्र करून चांगलं मिसळा, जेणेकरून चिकटसर मिश्रण तयार होईल

2. लाडू तयार करणे:

• हाताला थोडंसं तूप लावा
• मिश्रणाचे छोटे छोटे भाग घेऊन लहान गोळ्यांच्या (लाडवांच्या) आकारात वळा
• प्रत्येक लाडू वरून बारीक भरड केलेल्या टाटा संपन्न पिस्त्यामध्ये घोळवा, जेणेकरून त्याला छान कोटिंग मिळेल.

3. सजावट आणि सर्व्ह करणे:

• सुबकतेसाठी प्रत्येक लाडूवर सुकवलेली गुलाबाची फुलं सजवा
• ताजे खा किंवा हवाबंद डब्यात साठवून ठेवा (जास्त काळ ठेऊ नयेत, लवकरात लवकर संपवावे अन्यथा त्याची चव बिघडू शकते) 

टीप:

• टाटा संपन्न सुका मेवा वापरल्यामुळे दर्जा आणि ताजेपणा कायम राहतो
• हे लाडू खजूराच्या गोडीमुळे नैसर्गिकरित्या गोड असून शुगर फ्री आणि शरारीसाठी आरोग्यदायी आहेत

Web Title: Dry fruit ladoo recipe for raksha bandhan

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com