Ganesh Chaturthi 2024: बाप्पासाठी बनवा मूगडाळीचे पौष्टिक मोदक, झटपट तयार होणारी रेसिपी

लवकरच बाप्पा आपल्या नगरीत अवतरणार आहेत. बाप्पाचे आगमन होताच त्याला मोदकांचा प्रसाद दाखवण्याची आपल्यात प्रथा आहे. बदलत्या काळानुसार मोदकाचे प्रकारदेखील बदलले, मात्र तुम्ही कधी मूगडाळीपासून पौष्टिक मोदक तयार केला आहे का? नाही तर मग एकदा ही हटके रेसिपी नक्की ट्राय करून पहा. हटके मोदकाची ही रेसिपी बाप्पाच्या नैवेद्यासाठी एक उत्तम पर्याय आहे.

Follow Us:

Follow Us:

गणेश चतुर्थी अवघ्या काही दिवसांवर येऊन ठेपली आहे. दरवर्षीप्रमाणे यावर्षी 7 सप्टेंबर रोजी बाप्पा सर्वांच्या भेटीला येणार आहे. बाप्पाच्या आगमनाची आतुरता सर्वांना लागली असून आता सर्वत्र त्याच्या स्वागताची तयारी सुरु झाली आहे. या दिवसांत खरा मान हा उकडीच्या मोदकांचा असतो. असे म्हणतात की, बाप्पाला उकडीचे मोदक फार प्रिय आहेत. त्यामळे बाप्पासाठी या दिवसांत उकडीच्या मोदकांचा प्रसाद दाखवला जातो.

सध्या मोदकाचे अनेक प्रकारे आले आहेत जसे की, नारळाचे मोदक, काजू मोदक, चॉकलेट मोदक मात्र आज आम्ही तुम्हाला एका हटके मोदकांची रेसिपी सांगत आहोत. आज आम्ही तुमच्यासोबत मूगडाळीच्या पौष्टिक मोदकांची रेसिपी शेअर करत आहोत. हे मोदक चवीला तर अप्रतिम असतातच शिवाय फार कमी वेळेत हे बनून तयार होतात. या गणेश चतुर्थीला काही नवीन करायचे पाहिजे असल्यास ही अनोखी आणि चविष्ट रेसिपी नक्की करून पहा.

हेदेखील वाचा – शुगर फ्री मिठाई हवी आहे? मग यंदाच्या गणपती उत्सवासात बनवा अंजीर बर्फी

साहित्य

• 4 कप तांदळाचे पीठ
• 3 कप मूग डाळ
• 60 ग्रॅम गूळ
• 2 चमचा वेलची पूड
• 4 मोठे चमचे पिठी साखर
• 2 कप दूध
• चिमूटभर मीठ

हेदेखील वाचा – Ganesh Chaturthi 2024: बाप्पाच्या मेजवानीत करा केसर भाताचा समावेश, आजच रेसिपी जाणून घ्या

कृती

• मूगडाळीचे पौष्टिक मोदक तयार करण्यासाठी सर्वप्रथम गॅसवर एक भांडे ठेवा आणि त्यात पाणी टाका
• मग यात गूळ टाकून मध्यम आचेवर पाच मिनिटांपर्यंत शिजू द्या
• गूळ जेव्हा नीट पाण्यामध्ये विरघळळा जाईल तेव्हा यात दूध आणि वेलीची पूड घाला आणि मध्यम आचेवर पाच
• मिनिटांपर्यंत शिजवत ठेवा
• आता यामध्ये मूग डाळ आणि एक कप पाणी मिक्स करा आणि मंद आचेवर डाळ व्यवस्थित शिजू द्या
• डाळ नीट शिजल्यानंतर गॅस बंद करा आणि हे तयार मिश्रण थंड होऊ द्या
• दुसरीकडे एका भांड्यामध्ये तांदळाच्या पीठामध्ये साखर, मीठ आणि गरम पाणी घालून पीठ मळून घ्या
• आता तयार पिठाचे गोळे करा आणि याच्या पुऱ्या लाटून घ्या
• मग तयार डाळीची स्टफिंग यात भरून याचा मोदक तयार करून घ्या
• आता इडलीपात्रात हे मोदक एक एक ठेवा आणि 20-25 यांना छान वाफवून घ्या
• अशाप्रकारे तुमचे गोड मूगडाळीचे मोदक तयार होतील
• या मोदकांचा नैवद्य बाप्पाला दाखवायला विसरू नका

Web Title: Ganesh chaturthi 2024 instant recipe of nutritious mung bean modak for bappa

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com