Ganesh Chaturthi 2024: बाप्पाच्या मेजवानीत करा केसर भाताचा समावेश, आजच रेसिपी जाणून घ्या

गणपती बाप्पाचे आगमन अवघ्या काही दिवसांवर आले आहे. त्याच्या स्वागताची तयारी आता सर्वत्र सुरु झाली आहे. आज आम्ही तुमच्यासाठी एक खास रेसिपी घेऊन आलो आहोत. या रेसिपीचा समावेश तुम्ही बाप्पाच्या मेजवानीत करू शकता. या रेसिपीचे नाव आहे गोड केसर भात, तुम्ही प्रसादासाठीही हा भात तयार करू शकता.

Follow Us:

Follow Us:

गणेश चतुर्थी आता अवघ्या काही दिवसांवर येऊन ठेपली आहे. नेहमीप्रमाणे बाप्पाच्या स्वागतासाठी सर्वजण आतुर झाले असून आता स्वागताच्या तयारींना सुरुवात झाली आहे. बाप्पाचे आगमन झाले की सर्वप्रथम पूजा-अर्चा आणि नैवेद्याच्या तयारींना सुरुवात होते. याच पार्शवभूमीवर आज आम्ही तुमच्यासाठी एक खास रेसिपी घेऊन आलो आहोत.

बाप्पाच्या मेजवानीत अनेक पदार्थांचा समावेश होतो. यात तुम्ही केसर भाताचा समावेश करू शकता. हा गोड केसर भात बाप्पाच्या मेजवानीची रंगात वाढवेल. तसेच याची चव इतकी छान असते की आम्हाला खात्री आहे तुम्ही एकद हा बनवला तर पुन्हा बनवल्याशिवाय राहणार नाही. हा भात चवीला फार अप्रतिम लागतो तसेच कमी साहित्यापासून तयार केला जातो. लहानांपासून मोठ्यांपर्यंत हा पदार्थ सर्वांनाच फार आवडेल. जाणून घ्या यासाठी लागणारे साहित्य आणि कृती.

हेदेखील वाचा – Ganesh Chaturthi: गणेशोत्सवात बाप्पाचे स्वागत करा गोड पदार्थांनी, झटपट बनवा बेसन बर्फी

साहित्य

• 1 कप बासमती तांदूळ
• 3/4 कप साखर
• 2 टेबलस्पून देशी तूप
• 5-6 कप पाणी
•  1 तमालपत्र
• 2 लवंग
• 1 टेबलस्पून बदाम कापलेले
• 1 टेबलस्पून काजू कापलेले
• 4 हिरव्या वेलचीची पूड
• 15 केशर धागे
• 1 चिमूटभर पिवळा खाण्याचा रंग

हेदेखील वाचा – Ganesh Chaturthi 2024: बाप्पाने पहिल्यांदा मोदक कधी आणि कुणाकडे खाल्ला? जाणून घ्या रंजक कथा

कृती

• केसर भात बनवण्यासाठी सर्वप्रथम तांदूळ स्वछ पाण्याने धुवून अर्धा तास पाण्यात भिजत ठेवा
• आता एका भांड्यात दूध, केशर आणि पिवळा रंग घालून काहीवेळ तसेच राहुद्यात
• यानंतर वेलचीची साल काढून एका भांड्यात ठेवावी आणि काजू आणि बदामाचे ही लहान तुकडे करावेत
• आता गॅसवर एक कढई ठेवा आणि यात तूप टाका
• मग यात तमालपत्र, लवंग आणि वेलची टाका आणि परतून घ्या
• यानंतर यात तांदूळ आणि उर्वरित सामग्री टाका आणि मिक्स करा
• नंतर यावर झाकण ठेवून दोन मिनिटे ,मंद आचेवर वाफवून घ्या
• यानंतर यात पाणी टाका आणि तांदूळ शिजण्यासाठी ठेवून द्या
• तांदूळ चांगला शिजला की तांदळाचे पाणी चाळणीतून गाळून थंड होण्यासाठी भांड्यात ठेवा
• आता गॅसवर एक दुसरी कढई ठेवा आणि यात तूप टाका
• तूप गरम झाले की यात काजू टाकून मंद आचेवर गुलाबी होईपर्यंत परतून घ्या
• आता त्याच कढईत शिजवलेल्या तांदळासोबत साखर घाला
• मग या तांदळावर तयार केलेला केशराचा रंग टाका आणि मिक्स करा
• गॅसची फ्लेम वाढवा आणि तांदूळ मिक्स करून पाक कोरडे होऊ द्या
• यानंतर भातावर वरून वेलची, काजू, बदाम घाला आणि काहीवेळ थंड होऊ द्या
• अशाप्रकारे तुमचा केसर भात तयार होईल
• बाप्पाला प्रसादासाठी तुम्ही हा भात तयार करू शकता

Web Title: Ganesh chaturthi recipe of saffron rice for ganpati bappas prasad

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com