Janmashtami Recipe: यंदाच्या कृष्ण जन्माष्टमीला प्रसादासाठी बनवा मथुरेचा पेढा, नोट करा सोपी रेसिपी

यंदाची कृष्ण जन्माष्टमी अवघ्या काही दिवसांवर आली आहे. या दिवशी भगवान कृष्णाचा जन्म झाला होता त्यामुळे या दिवसाच्या स्मरणार्थ हा दिवस देशभरात मोठ्या उत्साहात साजरा केला जातोया दिवशी कृष्णाला प्रसाद अर्पण केला जातो. तुम्हीही या जन्माष्टमीला काही खास बनवण्याचा विचार करत असाल तर मथुरेच्या पेढ्यांची रेसिपी तुमच्या लिस्टमध्ये आवर्जून असायला हवी.

Follow Us:

Follow Us:

दरवर्षीप्रमाणे यावर्षीही कृष्ण जन्माष्टमी देशात मोठ्या थाटामाटात साजरी केली जाणार आहे. यंदा 26 ऑगस्टला देशभरात हा सण साजरा केला जाणार आहे. धार्मिक मान्यतेनुसार भगवान श्रीकृष्णाचा जन्म याच दिवशी झाला होता, म्हणूनच हा दिवस दरवर्षी आनंदात साजरा केला जातो. या दिवशी भगवान कृष्णाची पूजा करत प्रसादासाठी गोडाचा पदार्थ अर्पण केला जातो.

तुम्हीही यावर्षीच्या कृष्ण जन्माष्टमीनिमित्त काही खास बनवू इच्छित असाल तर आजची ही रेसिपी तुम्ही नक्कीच ट्राय करायला हवी. आज आम्ही तुम्हाला मथुरेत मिळतो असा पेढा घरी कसा तयार करायचा याची एक सोपी रेसिपी सांगत आहोत. मथुरा हे कृष्णाचे जन्मस्थान आहे. तुम्ही कान्हाचे भक्त असाल तर तुम्हाला या पेढ्याविषयी नक्कीच माहिती असेल. हा पेढा फक्त चवीला तर अप्रतिम आहेच मात्र बनवायलाही फार सोपा आहे. जाणून घेऊयात यासाठी लागणारे साहित्य आणि कृती.

हेदेखील वाचा – संध्याकाळच्या नाश्त्याला बनवा स्ट्रीट स्टाइल आलू टिक्की, लगेच नोट करा रेसिपी

साहित्य

• खवा – 500 ग्रॅम
• बूरा – 500 ग्रॅम
• तूप – 2 किंवा 3 चमचे
• दूध – अर्धा कप
• छोटी वेलची – 8-10 बारीक केलेली

कृती

• मथुरेचा पेढा घरी तयार करण्यासाठी सर्वप्रथम कढईत खवा भाजून घ्या
• खवा भाजताना विशेष काळजी घ्या की भाजताना त्यात मध्ये मध्ये थोडे तूप किंवा दूध घालत रहा
• हा खवा तपकिरी होईपर्यंत छान कमी आचेवर भाजून घ्या
• यानंतर भाजेलला खवा एका प्लेटमध्ये काढा आणि थंड होऊ द्या
• खवा थंड झाला की त्यात दोन काप बुरा आणि बारीक केलेली वेलची घाला
• आता हे मिश्रण पेढा बनवण्यासाठी तयार आहे
• आता उरलेला बुरा एका प्लेटमध्ये बाजूला ठेवा
• यानंतर गोल तयार केलेला पेढा या बुरामध्ये कोट करा
• अशाप्रकारे तुमचे चविष्ट मथुरेचे पेढे कान्हाला अर्पित करण्यासाठी तयार आहेत
• सुरवातीच्या 2-3 हे पेढे हवेवर ठेवा आणि मग हवाबंद डब्यात हे पेढे भरून फ्रिजमध्ये ठेवून द्या

Web Title: Krishna janmashtami recipe of mathura pedha

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com