सकाळच्या नाश्त्यात काकडीपासून बनवा चविष्ट भाकरी! श्रद्धा कपूरला आवडतो पौष्टिक पदार्थ, नोट करून घ्या रेसिपी

उन्हाळ्याच्या दिवसांमध्ये काकडीचे सेवन करावे. कारण शरीरात वाढलेली उष्णता काकडी कमी करते. त्यामुळे आज आम्ही तुम्हाला श्रद्धा कपूरला काकडीची भाकरी कशी बनवावी याची सोपी रेसिपी सांगणार आहोत.

सकाळच्या नाश्त्यात काकडीपासून बनवा चविष्ट भाकरी!

Follow Us:

Follow Us:

सकाळच्या नाश्त्यात नेहमीच काय खावं? हा प्रश्न सर्वच महिलांना पडतो. नाश्त्यामध्ये नेहमी कांदापोहे, उपमा, शिरा किंवा इडली, डोसा खाऊन कंटाळा येतो. नेहमीच काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही नाश्त्यात काकडीची भाकरी बनवून खाऊ शकता. उन्हाळ्याच्या दिवसांमध्ये काकडी आणि काकडीपासून बनवलेल्या पदार्थांचे नियमित सेवन करावे. या पदार्थांच्या सेवनामुळे आरोग्याला अनेक फायदे होतात. शरीरात वाढलेली उष्णता कमी करण्यासाठी नियमित थंड पदार्थांचे सेवन करावे. याशिवाय उन्हाळ्यात भरपूर पाणी प्यावे. अभिनेत्री श्रद्धा कपूर तिच्या सोशल मीडियावरून नेहमीच काहींना काही रेसिपी शेअर करत असते. त्यामुळे आज आम्ही तुम्हाला सोप्या पद्धतीमध्ये काकडीची भाकरी बनवण्याची सोपी रेसिपी सांगणार आहोत. या पद्धतीने बनवलेली काकडीची भाकरी चवीला अतिशय सुंदर लागेल.(फोटो सौजन्य – iStock)

वाटीभर रवा आणि हापूस आंब्यांपासून १० मिनिटांमध्ये बनवा मऊसुत शिरा, घरातील सगळेच करतील गोड कौतुक

साहित्य:

• काकडी
• हिरवी मिरची
• मीठ
• कोथिंबीर
• पांढरे तीळ
• जिऱ्याची पावडर
• ओवा
• बेसन
• ज्वारीचं पीठ
• दही
• तांदळाचे पीठ

वाढलेले वजन कमी करताना सकाळच्या नाश्ता करा हेल्दी टेस्टी कोथिंबीरीचे सूप,आंबट तिखट सगळ्यांचं आवडेल

कृती:

• काकडीची भाकरी बनवण्यासाठी सर्वप्रथम, काकडी स्वच्छ धुवून साल काढूनम बारीक किसून घ्या.
• मोठ्या ताटात किसून घेतलेली काकडी, हिरव्या मिरचीची पेस्ट आणि चवीनुसार मीठ टाकून मिक्स करा.
• त्यानंतर त्यात किसून घेतलेलं आलं, तांदळाचे पीठ, ज्वारीचे पीठ आणि बेसन घालून व्यवस्थित मिक्स करून घ्या.
• मिक्स केलेल्या मिश्रणात जिऱ्याची पावडर, बारीक केलेला ओवा, पांढरे तीळ घालून मिक्स करा.
• भाकरीचे पीठ बनवताना काकडीच्या मिश्रणात सुरुवातीला पाणी न घालता काकडीच्या पाण्यात पीठ भिजवा. आवश्यकता वाटल्यास पाणी टाकून भाकरीचे पीठ मळून घ्या.
• मळून घेतलेल्या पिठाचे छोटे छोटे गोळे करून कॉटनच्या फडक्याला पाणी लावून भाकरी थापून घ्या आणि तव्यावर दोन्ही बाजून व्यवस्थित भाजा.
• तयार आहे सोप्या पद्धतीमध्ये बनवलेली काकडीची भाकरी. हा पदार्थ सगळ्यांना खूपच आवडेल. यासोबत तुम्ही दही खाऊ शकता.

Web Title: How to make cucumber bhakri at home benefits of eating cucumber easy food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com