श्रावणी सोमवारच्या नैवेद्यासाठी १० मिनिटांमध्ये बनवा चविष्ट गोड रताळ्याची खीर, नोट करून घ्या रेसिपी

नैवेद्यासाठी कायमच शेवयांची खीर बनवण्यापेक्षा सोप्या पद्धतीमध्ये तुम्ही रताळ्याची खीर बनवू शकता. हा पदार्थ सगळ्यांचं खूप जास्त आवडेल. चला तर जाणून घेऊया रताळ्याची खीर बनवण्याची सोपी रेसिपी.

श्रावणी सोमवारच्या नैवेद्यासाठी १० मिनिटांमध्ये बनवा चविष्ट गोड रताळ्याची खीर

Follow Us:

Follow Us:

श्रावण महिन्यातील आज शेवटचा सोमवार आहे. या महिन्यात अनेक लोक उपवास करतात. श्रावणात केलेला उपवास आरोग्यासाठी अतिशय फायदेशीर आहे. या दिवसांमध्ये शंकराची मनोभावे पूजा करून व्रत किंवा पूजेचे आयोजन केले जाते. उपवास केल्यानंतर घरातील देवांना नैवेद्य बनवून दाखवला जातो. नैवेद्यामध्ये प्रामुख्याने शेवयांची खीर, शिरा किंवा साबुदाणा खीर बनवली जाते. पण कायमच शेवयांची खीर खाऊन कंटाळा आल्यानंतर तुम्ही सोप्या पद्धतीमध्ये रताळ्याची खीर बनवू शकता. रताळी खाणे आरोग्यासाठी अतिशय फायदेशीर आहे. उपवासाच्या दिवशी अनेक घरांमध्ये रताळ्यांपासून बनवलेले पदार्थ खाल्ले जातात. रताळ्यांमध्ये फायबर्स, विटामिन ए, विटामिन सी आणि बी-6, पोटॅशियम, मॅग्ननिज इत्यादी अनेक घटक आढळून येतात. चला तर जाणून घेऊया रताळ्याची खीर बनवण्याची सोपी रेसिपी.(फोटो सौजन्य: Pinterest)

उपवासाच्या दिवशी सकाळच्या नाश्त्यात काय खावं सुचत नाही? मग सोप्या पद्धतीमध्ये घरी बनवा साबुदाणा टिक्की

साहित्य:

• रताळ
• सुका मेवा
• तूप
• दूध
• केशर
• साखर
• वेलची पावडर

चमचमीत पदार्थ खाण्याची इच्छा झाल्यास सोप्या पद्धतीमध्ये घरी बनवा हॉटेल स्टाईल Chili paneer Frankie

कृती:

• रताळ्याची खीर बनवण्यासाठी सर्वप्रथम, रताळी काहीवेळ पाण्यात घालून भिजत ठेवा. ३ वेळा पाण्याने स्वच्छ धुवून घ्या.
• कुकरच्या भांड्यात धुवून घेतलेली रताळी टाकून एक ग्लास पाणी आणि चवीनुसार मीठ टाकून कुकरच्या ५ किंवा ६ शिट्ट्या काढून घ्या.
• रताळी शिजल्यानंतर ताटात थंड होण्यासाठी ठेवा. त्यानंतर साल काढून रताळी हाताने किंवा चमच्याने मॅश करा.
• कढईमध्ये तूप गरम करून त्यात मॅश करून घेतलेली रताळी टाकून काहीवेळ मंच आचेवर परतून घ्या.
• त्यानंतर त्यात आवश्यकतेनुसार दूध घालून मिक्स करा. खीरीला उकळी आल्यानंतर त्यात आवडीनुसार साखर टाकून सतत मिक्स करत राहा.
• त्यानंतर त्यात वेलची पावडर, सुका मेवा आणि केशर दूध घालून मिक्स करा.
• तयार आहे सोप्या पद्धतीमध्ये बनवलेली रताळ्याची खीर.

Web Title: How to make sweet potato kheer at home shravan special sweet recipe cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com