पावसाळ्यात होणारे Vaginal Infections कसे टाळाल? सोप्या टिप्सचा करा वापर

पावसाळ्यात अनेक आजार होतात. यामध्ये व्हजायनल इन्फेक्शन अर्थातच योनीमार्गाचा संसर्ग होण्याचा धोकाही अधिक असतो. पण याची काळजी कशी घ्यायची याबाबत अधिक माहिती घ्या

Vaginal Infection कसे टाळावे (फोटो सौजन्य - iStock)

Follow Us:

Follow Us:

पावसाळ्यात वाढणारी आर्द्रता आणि ओलसरपणा योनीमार्गाच्या संसर्गास कारणीभूत ठरते. या दिवसांमध्ये सुरक्षित, स्वच्छ आणि आरामदायी कसे राहायचे याबाबत काही टिप्स या लेखाच्या माध्यमातून देण्यात आल्या आहेत. महिलांनो, या प्रतिबंधात्मक उपायांचे पालन करुन पावसाळ्यात निरोगी राहण्याची खात्री करा.

पावसाळ्यात उष्णतेपासून आराम मिळतो. परंतु त्यामुळे संसर्गाचा धोका देखील वाढतो. विशेषतः महिलावर्गास याचा धोका अधिक असतो. हे सर्वज्ञात आहे की या ऋतूत वाढलेली आर्द्रता, वातावरणातील बदल आणि वैयक्तिक स्वच्छतेचा अभाव यामुळे योनीमार्गाच्या संक्रमणाची समस्या उद्भवते. त्याचप्रमाणे ओले अंतर्वस्त्रे, घट्ट कपडे घालणे आणि ओल्या कपड्यांमध्ये बराच वेळ वावरणे यामुळे बॅक्टेरिया आणि बुरशीचे वाढ होऊन संसर्गाचा धोका वाढतो. पावसाळ्यात असलेल्या मर्यादित सूर्यप्रकाशामुळेही संसर्गाचा धोका वाढतो. डॉ. नितीन गुप्ते, स्त्रीरोगतज्ज्ञ, अपोलो स्पेक्ट्रा रूग्णालय पुणे यांनी याबाबात अधिक माहिती दिली आहे (फोटो सौजन्य – iStock) 

योनीमार्गाच्या संसर्गाचे प्रकार

• यीस्ट इन्फेक्शन (कँडिडा ऑरिस): जास्त आर्द्रतेमुळे बुरशीच्या वाढीमुळे होते
• वजायनल बॅक्टेरीयल इन्फेक्शन : जेव्हा योनीमार्गातील बॅक्टेरियांचे नैसर्गिक संतुलन बिघडते तेव्हा हा संसर्ग उद्भवतो
• ट्रायकोमोनियासिस : लैंगिक संक्रमित संसर्ग आहे जो ‘ट्रायकोमोनास योनिनालिस’ या परजीवीमुळे होतो.

Menstrual Hygiene: मासिक पाळीदरम्यान किती वेळा महिलांनी करावी आंघोळ? तज्ज्ञांचं उत्तर

या लक्षणांकडे करु नका दुर्लक्ष

• योनीमार्गाभोवती खाज सुटणे किंवा जळजळ होणे
• योनीमार्गातील असामान्य स्त्राव
• लघवी करताना किंवा संभोग करताना होणाऱ्या वेदना
• सतत लघवी करण्याची इच्छा होणे
• लालसरपणा किंवा सूज

वेळीच उपचार न केल्यास होणारी गुंतागुंत

जर वेळीच उपचार केले नाहीत तर, योनीमार्गाच्या संसर्गामुळे ओटीपोटात वेदना होऊ शकतात, मूत्रमार्गात संसर्ग पसरू शकतो, वारंवार संसर्ग होऊ शकतो आणि गंभीर प्रकरणांमध्ये प्रजननक्षमतेवर परिणाम होतो. गर्भवती महिलांना प्रगत संसर्ग झाल्यास मुदतपूर्व प्रसूतीसारख्या समस्यांना तोंड द्यावे लागू शकते.

व्यवस्थापन आणि प्रतिबंधात्मक उपाय

• पावसात भिजल्यानंतर लगेच ओले कपडे बदला
• कापसासारख्या श्वास घेण्यायोग्य कापडापासून बनवलेले कपडे वापरा
• योनीमार्गाचे पाण्याने स्वच्छ धुवा, सुगंधित साबणाने किंवा रासायनिक उत्पादनांनी योनीमार्गाची स्वच्छता करणे टाळा. तज्ञांनी शिफारस केलेल्या उत्पादनांचाच वापर करा. विषारी पदार्थ बाहेर काढण्यासाठी आणि संसर्ग टाळण्यासाठी पुरेसे पाणी पिऊन हायड्रेटेड रहा
• घट्ट कपडे वापरणे टाळा आणि घाम येणे आणि ओलावा जमा होऊ नये म्हणून सैल, कोरडे आणि सुती कपड्यांची निवड करा. शौचालयाचा वापर केल्यानंतर स्वच्छतेचे पालन करा, जेणेकरून बॅक्टेरिया पसरणार नाही. मासिक पाळीच्या दरम्यान दर ४ ते ६ तासांनी सॅनिटरी पॅड बदला.

महिलांनो, पावसाळ्यात संसर्गमुक्त राहण्यास या महत्त्वाच्या टिप्सचा वापर करा. जर तुम्हाला काही असामान्य लक्षणे आढळून आली तर वेळीच निदान आणि व्यवस्थापनासाठी तज्ज्ञांचा सल्ला घ्या. या पावसाळ्यात तुमच्या आरोग्याला प्राधान्य देण्यास विसरू नका

Vaginitis म्हणजे काय? असुरक्षित लैंगिक संबंध ठरू शकतात व्हजायनल इरिटेशनचे कारण, वाचा सविस्तर

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: How to prevent vaginal infections during the monsoon use simple tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com