गुच्छाने होणारी केसगळती क्षणार्धात थांबेल, 365 दिवस घरात असणाऱ्या या पावडरने स्वछ धुवा केस, जाणून घ्या योग्य पद्धत

तुमचेही केस बदलत्या वातावरणामुळे खराब झाले आहेत का? केसगळती वाढली आहे? मग घरातील हा पदार्थ तुमच्या फार कामी येईल. केसांच्या समस्या दूर करण्यासाठी हा एक घरगुती रामबाण आणि प्रभावी उपाय आहे.

Follow Us:

Follow Us:

कितीही मेकअप करा किंवा चांगले कपडे घाला पण जर आपले केस नीट नसतील तर चेहऱ्याचे सौंदर्य कुठेतरी हरवल्यासारखे वाटते. केस हे कोणत्याही महिलेसाठी तिच्या सौंदर्याचा एक महत्त्वापूर्ण भाग असतो. आपले सौंदर्य वाढवण्यात आपले केस महत्तवाची भूमिका बजावत असतात. आपले केस सुंदर, घनदाट आणि चमकदार असावेत अशी प्रत्येकाची इच्छा असते मात्र आताच्या काळात अनेकजण केसांच्या समस्येने त्रस्त आहेत. सध्या वाढत चाललेले प्रदूषण, बदलते वातावरण आणि चुकीच्याजीवनशैलीमुळे आपल्या केसांची काळजी घेणे थोडे आव्हानात्मक झाले आहे.

सध्या थंडीचा ऋतू सुरु आहे या ऋतूत केसांच्या समस्येने प्रामुख्याने फार वाढतात. कोंडा, केसगळती अशा अनेक केसांच्या समस्या महिलांसमोर येऊन उभ्या असतात. बाजारात या समस्यांना दूर करण्यासाठी अनेक नवनवीन प्रोडक्टस उपलब्ध आहेत मात्र बऱ्याचदा हे प्रोडक्टस महाग आणि रसायनयुक्त असतात जे आपल्या केसांच्या आरोग्यासाठी घातक ठरत असतात. अशात आज आम्ही तुमच्यासाठी केसांच्या समस्या दूर करण्यासाठी एक रामबाण घरगुती उपाय घेऊन आलो आहोत. तुम्हाला माहिती आहे का? तुमच्या घरात उपलब्ध असलेल्या चहा पावडरचे पाणी केसांच्या समस्या दूर करण्यासाठी एक प्रभावी उपाय आहे. केसांसाठी याचा कसा वापर करावा ते जाणून घ्या.

Korean Glass Skin मिळवण्यासाठी 5 स्किन केअर टिप्स फॉलो करा, महागडे प्रोडक्टस खरेदी करण्याची गरज नाही

चहापत्तीचे पाणी तयार करण्याची योग्य पद्धत

साहित्य

• 1 लिटर पाणी
• 5 चमचे चहा पत्ती किंवा टी बॅग

बनवण्याची पद्धत

• एका भांड्यात पाणी उकळवून घ्या
• पाणी उकळल्यानंतर त्यात चहा पत्ती टाका आणि काही वेळ उकळू द्या
• मिश्रण थंड झाल्यावर ते गाळून घ्या
• हे पाणी ब्रशच्या सहाय्याने केसांच्या मुळांना लावा आणि मसाज करा
• 20 मिनिटांनी केस गरम पाण्याने आणि शॅम्पू-कंडिशरने धुवा

लांबलचक-दाट अन् सुंदर काळ्या केसांसाठी आपल्या हेअर केअर रुटीनमध्ये या 6 नैसर्गिक गोष्टींचा समावेश करा

केसांच्या वाढीसाठी उपयुक्त

चहा पत्तीच्या पाण्यामध्ये पॉलीफेनॉल्स नावाचे घटक असते जे स्कॅल्पवरील इन्फेक्शन दूर करण्यास मदत करते. स्कॅल्पला आवश्यक पोषण मिळाल्यामुळे केस मजबूत होतात आणि आपोआप केसगळती थांबू लागते. चहा पत्तीच्या पाण्याचा आठवड्यातून दोनदा वापर केल्याने टाळूवरील सूज कमी होते आणि यामुळे केस वाढण्यास मदत मिळते.

केसांना नैसर्गिक मॉइश्चराइझ मिळते

चहाच्या पत्तीत मोठ्या प्रमाणात व्हिटॅमिन बी 5 असते,ज्यामुळे केसांचा कोरडेपणा दूर होतो आणि यामुळे केसांचे मॉइश्चराइझ होते. यामुळे केस मऊ होतात. आठवड्यातून दोनदा याचा वापर केल्याने हे केसांसाठी नैसर्गिक कंडिशनर म्हणून काम करते. यामुळे कोरड्या आणि नितेज केसांमध्ये चमक येऊ लागते आणि ते व्यवस्थित दिसू लागतात.

Web Title: How to wash hair with tea powder water tea water hair wash is beneficial for hair loss gray white hair and split ends

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com