शंकर-पार्वतीच्या पवित्र नात्यातून शिका ‘या’ गोष्टी; तुमच्या प्रेमाच्या गोष्टी सांगतील लोकं

शंकर आणि पार्वती यांचे नाते आणि त्यात असलेले प्रेम हे प्रत्येक पती पत्नीसाठी शिकण्यासारखे आहे. नाते कसे असावे? तर याचे उत्तम उदाहरण म्हणजे शंकर आणि पार्वती यांचे नाते.

फोटो सौजन्य - Social Media

Follow Us:

Follow Us:

शंकर-पार्वतीच्या पवित्र नात्यातून अनेक गोष्टी शिकण्यासारख्या आहेत. त्यांचे नाते प्रेमाचा, विश्वासाचा आणि समर्पणाचा प्रतीक आहे. भगवान शंकर आणि माता पार्वती यांच्या नात्यातील काही महत्त्वाच्या शिकवणी प्रत्येक दाम्पत्याने आपल्या नात्यात आत्मसात करायला हव्यात. माता पार्वतीने भगवान शंकरांना पती म्हणून मिळवण्यासाठी कठोर तपस्या केली. त्यांचे प्रेम केवळ बाह्य स्वरूपावर नव्हते, तर आत्म्याच्या गहिऱ्या नात्यावर आधारित होते. यावरून शिकायला मिळते की, प्रत्येक नात्यात चढ-उतार येतात, पण खरे प्रेम करणारे धैर्याने त्या अडचणींना सामोरे जातात. नातं टिकवण्यासाठी केवळ भावना पुरेशा नसतात, तर त्यासाठी समर्पण आणि सहनशीलतेचीही गरज असते.

एक मूठ चण्यात आहे मजबूत ताकद, वजन कमी करण्यासाठी उपयुक्त; 7 कमालीचे फायदे

भगवान शंकरांचे स्वरूप इतर देवतांपेक्षा वेगळे होते – त्यांना सर्प प्रिय होते, ते श्मशानात वास करत, अंगाला भस्म लावत. पण माता पार्वतींनी त्यांना तसेच स्वीकारले. आजच्या नात्यांमध्ये लोक परिपूर्णतेच्या शोधात असतात, पण खरा जोडीदार तोच असतो, जो आपल्या जोडीदाराच्या गुणांसोबत त्याच्या कमतरताही स्वीकारतो. परस्परांतील प्रेम हे फक्त बाह्य आकर्षणावर अवलंबून नसते, तर एकमेकांच्या स्वभावगुणांना स्वीकारण्यावर अवलंबून असते.

भगवान शंकरांनी माता पार्वतींना सदैव समानतेचा दर्जा दिला. ‘अर्धनारीश्वर’ हे त्याचे उत्तम उदाहरण आहे, जे दाखवते की पती-पत्नी हे एकमेकांचे पूरक असतात. कोणतेही नाते मजबूत ठेवायचे असेल, तर त्यामध्ये एकमेकांविषयी सन्मान आणि समानतेची भावना असायला हवी. आदर आणि विश्वास हेच कोणत्याही नात्याचे खरे आधारस्तंभ असतात.

शंकर-पार्वती यांच्या जीवनात अनेक अडचणी आल्या, पण त्यांनी कधीही एकमेकांचा हात सोडला नाही. सध्याच्या काळात नाती तुटण्याचे मुख्य कारण म्हणजे अडचणी आल्यावर माघार घेणे. खरे प्रेम तेच असते, जे कठीण प्रसंगांमध्येही टिकून राहते. त्याचबरोबर, नात्यात संवाद जितका महत्त्वाचा, तितकेच मौनही गरजेचे असते. भगवान शंकरांना ‘महामौन’ म्हटले जाते, कारण ते कमी बोलायचे पण गरज असेल तेव्हा योग्य मार्गदर्शन करायचे. जोडीदाराने एकमेकांच्या भावना शब्दांशिवाय समजून घेणे हे सुदृढ नात्याचे लक्षण आहे.

पार्टनरला मिठी मारण्याचे आहेत आश्चर्यकारक फायदे, रिसर्च आली समोर; बीपीपासून ब्लड प्रेशरपर्यंत सर्वच राहील कंट्रोल

शंकर आणि पार्वती यांचे नाते एकमेकांसाठी पूर्ण समर्पण आणि सहकार्याने बांधलेले होते. नात्यात जर समर्पणाची भावना असेल, तर कोणत्याही परिस्थितीत ते तुटत नाही. जर प्रत्येक दाम्पत्याने त्यांच्या नात्यात ही भावना टिकवली, तर त्यांचे नाते कायमस्वरूपी मजबूत राहील.

Web Title: Learn these things from the sacred relationship of shankar parvati

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com