शरीराची कमी झालेली रोगप्रतिकारशक्ती सुधारण्यासाठी सोप्या पद्धतीमध्ये बनवा आवळा आल्याचे सूप, नोट करा रेसिपी

आरोग्याच्या दृष्टीने आवळा आणि आलं हे दोन्ही पदार्थ अतिशय फायदेशीर आहेत. काहींना आवळा नुसताच खायला आवडत नाही. अशावेळी तुम्ही सोप्या पद्धतीमध्ये आवळा आणि आल्याचे सूप बनवू शकता. जाणून घ्या रेसिपी.

शरीराची कमी झालेली रोगप्रतिकारशक्ती सुधारण्यासाठी सोप्या पद्धतीमध्ये बनवा आवळा आल्याचे सूप

Follow Us:

Follow Us:

वातावरणात सतत होणाऱ्या बदलांचा परिणाम आरोग्यावर लगेच दिसून येतो. खाण्यापिण्याच्या सवयीनमध्ये होणारे बदल, जंक फूडचे सेवन इत्यादी अनेक गोष्टींचा परिणाम आरोग्यावर लगेच दिसून येतो. आरोग्य बिघडल्यानंतर अनेक लोक दुर्लक्ष करतात, मात्र असे न करता डॉक्टरांच्या सल्ल्याने योग्य ते औषध उपचार करावे. साथीच्या आजारांची लक्षणे शरीरात दिसू लागल्यानंतर तातडीने डॉक्टरांचा सल्ला घ्यावा आणि आहारात बदल करावा. आहारामध्ये शरीराला पचन होईल अशा पौष्टिक आणि आरोग्यदायी पदार्थ खावेत. त्यामुळे आज आम्ही तुम्हाला आवळा आणि आल्याचा वापर करून चविष्ट आणि पौष्टिक सूप बनवण्याची सोपी रेसिपी सांगणार आहोत.(फोटो सौजन्य – iStock)

फ्लॉवरची भाजी पाहून नाक मुरडता? मग सोप्या पद्धतीमध्ये बनवा फ्लॉवरची कुरकुरीत भजी, नोट करून घ्या रेसिपी

आरोग्यासाठी आलं आणि आवळा अतिशय गुणकारी आहेत. आवळ्यामध्ये असलेले विटामिन सी शरीरास ऊर्जा देतात, याशिवाय त्वचा आणि केसांना अनेक फायदे होतात. आल्याचे सेवन केल्यामुळे शरीरात साचून राहिलेले विषारी घटक बाहेर पडून जातात. ज्यामुळे पचनासंबंधित कोणतीही समस्या उद्भवत नाही. महागड्या सप्लिमेंट्स किंवा प्रोटीनशेकचे सेवन करण्यापेक्षा घरगुती पदार्थांचा वापर करून बनवलेले पदार्थ खावेत. आवळा आणि आल्याचे सूप प्यायल्यामुळे शरीरातील सर्दी आणि खोकला कमी होईल.

साहित्य:

• आवळा
• आलं
• मीठ
• पाणी
• टोमॅटो
• काळीमिरी पावडर
• हळद
• तूप
• तुळशीची पाने

Recipe: विकेंडला घरीच बनवा रेस्टाॅरंट स्टाइल ‘पनीर दो प्याजा’; चव अशी की घरातील सर्वच होतील खुश

कृती:

• आवळा आल्याचे सूप बनवण्यासाठी सर्वप्रथम, कढईमध्ये तूप गरम करण्यासाठी ठेवा. त्यानंतर बारीक चिरून घेतलेले आलं किंवा आल्याची पेस्ट टाकून भाजा.
• त्यानंतर त्यात आवळ्याचे तुकडे आणि टोमॅटोचे तुकडे टाकून व्यवस्थित लाल होईपर्यंत भाजून घ्या.
• नंतर त्यात काळीमिरी पावडर, हळद, चवीनुसार मीठ घालून मिक्स करून घ्या.
• तुमच्या आवश्यकतेनुसार सूपमध्ये पाणी घालून व्यवस्थित उकळी येईपर्यंत शिजवून घ्या. पाण्यातील सर्व भाज्या नरम झाल्यानंतर मंद आचेवर २ मिनिटं गॅस ठेवून शिजण्यासाठी ठेवा.
• तयार आहे सोप्या पद्धतीमध्ये बनवलेले आवळा आल्याचं पौष्टिक सूप.

Web Title: Make amla ginger soup in a simple way to improve the bodys weakened immunity

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com