घरच्या घरी बनवा पौष्टिक आवळा सरबत, वर्षभर टिकेल! नोट करा रेसिपी

घरच्या घरी बनवा वर्षभर साठवले जाणारे पौष्टिक आवळा सरबत.वाचा रेसिपी आणि घरी बनवून पहा. (फोटो सौजन्य: istock)

Follow Us:

Follow Us:

आवळा हा आरोग्यासाठी किती फायदेशीर आहे ते सर्वांनाच माहिती आहे. आवळ्यामध्ये अनेक औषधी गुणधर्मे आढळली जातात. पूर्वीच्या काली अनेक आजरानावर औषध म्हणूनही आवळ्याचा वापर केला जायचा. अनेक पोषकतत्वांनी भरपूर आवळ्याला सुपरफूड असेही म्हटले जाते. निरोगी आरोग्यासाठी आवळ्याचे सेवन फायदेशीर ठरते. आज आम्ही तुम्हाला याच आवळ्यापासून घरच्या घरी आवळा सरबत कसा बनवायचा याची एक सोपी रेसिपी सांगत आहोत. हा आवळा सरबत अनेक आजारांवर मत करण्यास उपयुक्त ठरतो तसेच या आवळा सरबतामुळे महिलांची पाळीची समस्या दूर होण्यास मदत होते. चला ते पाहुयात हा आवळा सरबत बनवण्यासाठी लागणारे साहित्य आणि कृती.

[read_also content=”मुगाच्या डाळीने बनवा ‘हा’ पौष्टिक आणि स्वादिष्ट पदार्थ, आरोग्यासाठी आहे फायदेशीर! https://www.navarashtra.com/lifestyle/make-these-easy-and-tasty-recipe-from-moong-dal-note-homemade-marathi-recipe-546412.html”]

साहित्य

• 1 किलो आवळे
• 1 किलो साखर
• 50 ग्रॅम आले
• 6 लिंबे
• 3 कप पाणी
• 1 ग्लास सरबत सामग्री
• 2 टे स्पून आवळा सीरप
• 1 चिमुटभर मीठ
• 1 ग्लास थंड पाणी
• पाचक सुपारी
• आवळा, आल्याचा निघालेला चोथा
• मिठ चवीनुसार
• जीरे पूड

• आवळा सरबत बनवण्यासाठी सर्वप्रथम आवळे, लिंबू आणि आले नीट धुवून आणि पुसून घ्या. त्यानंतर आले सोलून घ्या आणि लिंबू नीट पुसून घ्या
• त्यानंतर आले, आवळे खिसावे. लिंबाचा रस काढून घ्यावा
• यानंतर मिक्सरच्या भांड्यात थोडा थोडा आवळ्याचा व आल्याचा किस आणि लिंबाचा रस घालून मिक्सरमधून बारीक वाटून घ्या
• नंतर हे वाटण एका भांड्यावर स्वच्छ रुमाल ठेवून सर्व अतिरिक्त गाळ काढून यातील रस काढून घ्या
• आता निघालेल्या रसाचाच वापर पुढील वाटण करताना करावा. आले व लिंबाच्या एकत्रीतपणामुळे निघालेला रस हलका लालसर होतो म्हणून त्यात हिरवा फुड कलर घालून चांगले एकजीव करून घ्यावे
• यानंतर एका भांड्यात साखर आणि तीन काप पाणी घालून एक तारी पाक तयार करून घ्या. पाक कोमट झाल्यावर त्यात आवळा, आल्याचा रस गाळून ओता आणि मिश्रण चांगले ढवळून घ्या
• आता तयार सरबत एका बाटलीत काढून याला वर्षभरासाठी स्टोर करा. आता यापासून सरबत तयार करण्यासाठी एका ग्लासात २ चमचे तयार सिरप, थंड पाणी आणि चिमूटभर मीठ घालावे
• मग हे चांगले मिक्स करा आणि तुमचा आवळा सरबत तयार होईल
• अतिशय पौष्टिक व पाचक आवळा सरबत थंड थंड पिण्यासाठी सर्व्ह करा

Web Title: Make nutritious aamla syrup aamla juice at home note the easy recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com