पंजाबी स्वादाने भरलेला मऊ आणि कुरकुरीत कुलचा; अगदी हॉटेलसारखी चव आता तुमच्या घरी

हॉटेलसारखा पंजाबी कुलचा तुम्ही घरीदेखील अगदी सहज आणि सोप्या पद्धतीने तयार करू शकता. यासाठी फार साहित्याची आणि वेळेची गरज भासत नाही. याची चव कोणत्याही भाजीसोबत छानच लागते.

(फोटो सौजन्य: Pinterest)

Follow Us:

Follow Us:

पंजाबी कुलचा हा उत्तर भारतातील एक प्रसिद्ध आणि लोकप्रिय प्रकारचा ब्रेड आहे, जो प्रामुख्याने अमृतसर, पंजाब येथे खूपच प्रसिद्ध आहे. कुलचा बहुधा छोले किंवा कोणत्याही पंजाबी सब्जीबरोबर सर्व्ह केला जातो. कुलच्याचे वैशिष्ट्य म्हणजे त्याची हलकी साखरसर चव, मऊपणा आणि कुरकुरीत पोत. हा नानसारखा दिसतो, परंतु तो तवा किंवा ओव्हनवर भाजला जातो व त्यावर लोणी किंवा बटर लावले जाते.

विकेंड बनवा खास, घरी मुघलाई जेवणाचा थाट! व्हेज लव्हर्ससाठी खास Mughlai Paneer Recipe

अनेकदा हॉटेलमध्ये किंवा कोणत्या धाब्यावर गेल्यावर कुलचा आवर्जून मागवला जातो. बटर लावून भाजलेला हा मऊदार कुलचा कोणत्याही भाजीसह लज्जतदार लागतो. याची चव लहानांपासून मोठ्यांपर्यंत सर्वांनाच याच्या प्रेमात पाडते. यासहच याची रेसिपीही फार सोपी, सहज आणि झटपट तयार होणारी आहे. तेच तेच पदार्थ खाऊन कंटाळा आला असेल तर हा पदार्थ एकदा घरी नक्की बनवून पहा. चला नोट करूयात यासाठी लागणारे साहित्य आणि कृती.

साहित्य

• मैदा – २ कप
• साखर – १ टीस्पून
• मीठ – ½ टीस्पून
• बेकिंग पावडर – ½ टीस्पून
• बेकिंग सोडा – ¼ टीस्पून
• दही – ½ कप
• दूध – ¼ कप (गरम)
• तेल – १ टेबलस्पून
• पाणी – गरजेनुसार
• तूप / लोणी – वरून लावण्यासाठी
• कलौंजी (निगेला बियाणं) – १ टीस्पून
• कोथिंबीर – थोडीशी, बारीक चिरून

कृती

• पंजाबी कुलचा तयार करण्यासाठी सर्वप्रथम एका परातीत मैदा, मीठ, साखर, बेकिंग पावडर, बेकिंग सोडा एकत्र करा. त्यात दही, दूध, आणि तेल घालून मळायला सुरुवात करा
• गरजेनुसार पाणी घालून मऊ आणि थोडी चिकटसर कणिक मळा. कणिक झाकून किमान २ तासासाठी झाकून ठेवा.
• कणिक फुगल्यावर त्याचे समान गोळे करा.
• गोळा घेऊन त्याला थोडा जाडसर लाटून त्यावर थोडे कलौंजी आणि कोथिंबीर शिंपडा आणि पुन्हा थोडं लाटा, जेणेकरून ते चिकटून राहील.
• गरम तव्यावर कुलचा टाका. एक बाजू थोडी भाजल्यावर पलटा आणि दुसऱ्या बाजूला थोडं तूप लावून कुरकुरीत होईपर्यंत भाजा.
• कुलचा दोन्ही बाजूंनी भाजल्यावर वरून बटर लावा.
• कुलचा गरम गरम ठेवून छोले, रायता किंवा लोणच्यासोबत सर्व्ह करा.
• हवे असल्यास कुलच्याच्या मधोमध बारीक किसलेले पनीर किंवा बटाट्याचा भरवसा घालून स्टफ कुलचाही बनवू शकता.
• तव्याऐवजी ओव्हन असल्यास प्रीहिट करून २००°C वर १० मिनिटे बेक करता येते.
• दही व दूधामुळे कुलचा खूपच मऊ आणि चवदार होतो.

Web Title: Punjabi style tasty and soft kulcha recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com