Signs of Stomach Cancer पोटाचा कॅन्सर झाल्यानंतर शरीरात दिसू लागतात ‘ही’ गंभीर लक्षणे, दुर्लक्ष केल्यास होऊ शकतो मृत्यू

शरीरात होणाऱ्या बदलांकडे लक्ष देणे आवश्यक आहे. अन्यथा कॅन्सरसारखे गंभीर आजार होण्याची शक्यता असते. आज आम्ही तुम्हाला पोटाचा कॅन्सर झाल्यानंतर शरीरात कोणती लक्षणे दिसू लागतात, याबद्दल सविस्तर माहिती सांगणार आहोत.

पोटाचा कॅन्सर झाल्यानंतर शरीरात दिसून येणारी लक्षणे

Follow Us:

Follow Us:

धावपळीच्या आयुष्यात चुकीची जीवनशैली फॉलो केल्यामुळे अनेक गंभीर आजार होण्याची शक्यता असते. चुकीचा आहार, जंक फूडचे अतिसेवन, शरीरात निर्माण झालेली पाण्याची कमतरता, आहारात सतत होणारे बदल, मानसिक तणाव इत्यादी अनेक गोष्टींचा परिणाम दैनंदिन आरोग्यावर दिसून येतो. त्यामुळे चुकीच्या सवयी फॉलो न करता योग्य सवयी फॉलो करून जीवन जगणे गरजेचे आहे. हल्ली कॅन्सरच्या रुग्णात मोठ्या प्रमाणावर वाढ होत आहे. कॅन्सर झाल्यानंतर शारीरिक आणि मानसिक आरोग्य पूर्णपणे विस्खलित होऊन जाते. कॅन्सर सारख्या गंभीर आजाराची लक्षणे योग्य वेळी ओळखून डॉक्टरांच्या सल्ल्याने योग्य ते औषध उपचार करणे गरजेचे आहे.(फोटो सौजन्य – iStock)

मूळव्याध आणि बद्धकोष्ठतेने त्रस्त आहात? दुधात मिक्स करा ‘हा’ आयुर्वेदिक पदार्थ, पोटासंबंधित समस्या होतील दूर

कॅन्सरची लक्षणे शरीरात दिसू लागल्यानंतर अनेक लोक त्याकडे दुर्लक्ष करतात, मात्र यामुळे शरीराला हानी पोहचण्याची शक्यता असते. अशातच पोटाचा कॅन्सर होण्याचे प्रमाण वाढले आहे. पोटाचा कॅन्सर झाल्यानंतर सुरुवातीच्या काळात शरीरात अनेक बदल होऊ लागतात. या बदलांकडे लक्ष देऊन तातडीने डॉक्टरांच्या सल्ल्याने उपचार करावे. आज आम्ही तुम्हाला पोटाचा कॅन्सर झाल्यानंतर शरीरात कोणती लक्षणे दिसून येतात, याबद्दल सविस्तर माहिती सांगणार आहोत. चला तर जाणून घेऊया पोटाच्या कॅन्सरची गंभीर लक्षणे.

पोटाचा कॅन्सर झाल्यानंतर शरीरात दिसून येणारी लक्षणे:

अचानक वजन कमी होणे:

पोटाचा कॅन्सर झाल्यानंतर शरीरात नकारात्मक बदल होण्यास सुरुवात होते. यामुळे अचानक वजन कमी होते. कोणताही पदार्थ खाण्याची इच्छा होत नाही. कोणतेही प्रयत्न न करता वजन कमी होण्यास सुरुवात झाल्यास तातडीने डॉक्टरांच्या सल्ल्याने औषध उपचार करावे. याशिवाय पोटाचा कॅन्सर झाल्यानंतर शरीराची भूक कमी होऊन जाते. ही लक्षणे कॅन्सरच्या गाठी वाढल्यामुळे दिसून येतात.

ओटीपोटात वेदना होणे:

ओटीपोट म्हणजे पोटाच्या वरचा भाग. पोटाच्या वरच्या भागात असह्य वेदना होण्यास सुरुवात झाल्यानंतर या लक्षणांकडे दुर्लक्ष केले जाते. मात्र दुर्लक्ष न करता डॉक्टरांच्या सल्ल्याने उपचार करावे. काहीवेळ ओटीपोटात सतत किंवा अधूनमधून वेदना होऊ लागतात. कोणताही पदार्थ खाल्यानंतर किंवा पाणी प्यायल्यावर जास्त वेदना होतात.

उलटी होणे:

कोणताही पदार्थ खाल्ल्यानंतर किंवा पाणी प्यायल्यानंतर वारंवार उलट्या किंवा मळमळ झाल्यासारखे वाटू लागल्यास पोटातील गाठींमध्ये वाढ झाल्याचे लक्षणं आहे. या गाठी वाढल्यानंतर अनेक गंभीर लक्षणे दिसून येतात. याशिवाय शरीरात जळजळ वाढू लागते. कॅन्सरच्या गाठी मोठ्या झाल्यानंतर उलट्या होण्याचे प्रमाण वाढते.

कोमट पाणी पिऊनसुद्धा पोट स्वच्छ होत नाही? उपाशी पोटी करा ‘या’ पदार्थांचे सेवन, आतड्यांमधील घाण होईल मिनिटांमध्ये स्वच्छ

शौचास साफ न होणं:

शरीरातील विषारी घटक बाहेर पडून न गेल्यामुळे अनेक गंभीर आजार होतात. त्यामध्ये पोटाच्या कॅन्सरच्या रुग्ण संख्येत वाढ झाली आहे. पोटाचा कॅन्सर झाल्यानंतर आतड्यांमध्ये रक्त येऊन शौचास साफ होत नाही. याशिवाय शौचाचा रंगसुद्धा बदलून जातो. तसेच आतड्यांमधून जास्त रक्तस्त्राव झाल्यानंतर वेदना होऊ लागतात.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Signs of stomach cancer that should not be ignored health care tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com