काय तेच तेच बोरिंग खाताय, रंगीबेरंगी भाज्या अन् मसाल्यांचा संगम… जेवणाला बनवा चवदार Mexican Rice

काहीतरी हटके आणि चविष्ट खायचे असेल ज्यात वेळही फार लागणार नाही आणि पौष्टिकही ठरेल... तर यासाठी मेक्सिकन राईस एक चांगला पर्याय आहे. भाज्या, तांदूळ आणि मसाल्यांचा संगमातून तयार केलेला हा भात चवीला फार अप्रतिम लागतो.

(फोटो सौजन्य: Pinterest)

Follow Us:

Follow Us:

नवनवीन रेसिपीज तुमच्यापर्यंत पोहचवण्याच्या उद्देशाने आज आम्ही तुमच्यासाठी मेक्सिकन डिश घेऊन आलो आहोत. प्रत्येक देशाची आपली अशी काही खास डिश असते, मेक्सिकन राईस ही मेक्सिको देशाची एक पारंपरिक आणि लोकप्रिय डिश आहे जी जगभरात प्रसिद्ध आहे. यात भात, मसाले आणि विविध भाज्यांचा वापर करून याला एक सुगंधित आणि झणझणीत चव दिली जाते.

दूध न आटवता १० मिनिटांमध्ये झटपट बनवा घट्ट-रवाळ रबडी! पुरीसोबत लागेल सुंदर चव

तुम्हाला घरी काही नवीन आणि हटके बनवून खायचे असेल किंवा घरी येणाऱ्या पाहुण्यांसाठी किंवा पार्टीजसाठी एक नवीन पदार्थ शोधत असाल तर ही रेसिपी तुमच्यासाठी एक उत्तम पर्याय आहे. मुख्य म्हणजे, ही रेसिपी काही निवडक साहित्यापासून तयार केली जाते आणि याला बनवायला फार वेळही लागत नाही. चला तर मग जाणून घेऊया यासाठी लागणारे साहित्य आणि कृती.

साहित्य

• बासमती तांदूळ – १ कप (भिजवून १५ मिनिटं)
• तेल / लोणी – २ टेबलस्पून
• कांदा – १ मध्यम, बारीक चिरलेला
• लसूण – २-३ पाकळ्या, किसलेली
• टोमॅटो – २ मध्यम, प्युरी करून
• गाजर – १, बारीक चिरलेली
• मटार – १/४ कप
• सिमला मिरची – १/२ कप, बारीक चिरलेली
• टोमॅटो सॉस – १ टेबलस्पून (ऐच्छिक)
• लाल तिखट – १ टीस्पून
• मीठ – चवीनुसार
• गरम मसाला / जीरा पावडर – १/२ टीस्पून
• पाणी – २ कप
• कोथिंबीर – सजावटीसाठी

कृती

• प्रथम भिजवलेले तांदूळ धुवून चांगले निथळून घ्या.
• कढईत तेल गरम करून त्यात कांदा आणि लसूण परतून घ्या जोपर्यंत सोनेरी रंगाचा होतो.
• त्यात टोमॅटो प्युरी घालून २-३ मिनिटं परतून घ्या.
• आता त्यात गाजर, मटार, सिमला मिरची घालून हलके परता.
• टोमॅटो सॉस, लाल तिखट, मीठ आणि गरम मसाला / जीरा पावडर घालून मिसळा.
• यांनतर यात तांदूळ घालून २-३ मिनिटं परतून घ्या.
• २ कप पाणी घालून ढवळा, झाकण ठेवून मध्यम आचेवर १०-१५ मिनिटं शिजवा.
• भात पूर्ण शिजल्यावर गॅस बंद करा आणि थोडा वेळ झाकून ठेवा.
• वरून कोथिंबीर घालून गरम गरम सर्व्ह करा.
• हवे असल्यास तुम्ही यात स्वीट कॉर्न किंवा राजमा सुद्धा घालू शकता.
• अधिक झणझणीत हवे असल्यास हिरवी मिरची वापरू शकता.
• मेक्सिकन राईस गरम गरम सॉस किंवा रायत्यासोबत खायला चांगला लागतो.
• याला गरमा गरम सर्व्ह करा आणि चवदार मेजवानीचा आस्वाद घ्या.

Web Title: Try something new make tasty and delicious mexican rice at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com