वाहतूक पोलिसांच्या कारवाईचा नुसताच दिखावा; 5 महिन्यात 26 अल्पवयीन वाहन चालकांवर कारवाई
पुणे शहरात एका अल्पवयीन मुलाने दारूच्या नशेत भरधाव चारचाकीने धडक देऊन दोघांचा जीव घेतल्यानंतर शहरातील अल्पवयीन वाहन चालक आणि दारू पिऊन वाहने चालविणाऱ्यांचा प्रश्न ऐरणीवर आला आहे. दुसरीकडे वाहतूक पोलिसांचा पाच महिन्यांचा लेखाजोखा काढल्यानंतर या कारवाईचा केवळ दिखावाच असल्याचे वास्तव दिसत आहे.
संग्रहित फोटो
Follow Us:
Follow Us:
पुणे : पुणे शहरात एका अल्पवयीन मुलाने दारूच्या नशेत भरधाव चारचाकीने धडक देऊन दोघांचा जीव घेतल्यानंतर शहरातील अल्पवयीन वाहन चालक आणि दारू पिऊन वाहने चालविणाऱ्यांचा प्रश्न ऐरणीवर आला आहे. दुसरीकडे वाहतूक पोलिसांचा पाच महिन्यांचा लेखाजोखा काढल्यानंतर या कारवाईचा केवळ दिखावाच असल्याचे वास्तव दिसत आहे.
पाच महिन्यात पुर्ण शहरात पोलिसांना फक्त २६ अल्पवयीन मुल वाहन चालविताना मिळाली आहेत. तर, ४७९ म्हणजे पावणे पाचशे जणांवर मद्य प्राशनकरून वाहन चालविल्याप्रकरणी कारवाई केली आहे. पोलिसांनी यांच्यावर कारवाईकरून दंड वसूल केला आहे. इतकीच काय ती वाहतूक पोलिसांची कारवाई आहे. परंतु, शहराच्या गल्लीबोळात दिवसा अन् रात्रीही अल्पवयीन पोरं ट्रिपल शिट फिरत असताना पाहिला मिळतात, इतकच नाही तर टवाळखोर पोर सरास दारू पिऊन गाड्या चालवित असल्याचेही वेळोवेळी दिसून आले आहे.
शहरात वाहतूकीच्या कोंडीने पुणेकर हैराण असतात. त्यात बेशिस्त वाहन चालकांचा त्रास असतो. कमी म्हणून की काय आता शहरात वाढत चालेल्या मद्यपी वाहन चालक आणि अल्पवयीन मुलांच्या वाहन चालविण्याचा त्रास होऊ लागला आहे. हा फक्त त्रास नाही, तर तो पुणेकरांच्या जिवावर बेतत असल्याचे देखील वेळोवेळी दिसत आहे.
शनिवारी कल्याणीनगरमध्ये झालेल्या अपघाताने ही बाब पुन्हा एकदा प्रकार्षाने दिसत आहे. या अपघाताने पुणेकरांत प्रचंड राग आणि संतापाची लाट पसरली आहे. परंतु, वाहतूक पोलिसांच्या एकूण कारवाईबाबत प्रश्न उपस्थित झाले आहेत. वाहतूक पोलिसांची नियमन कारवाई वर्षाला कोटींच्या कोटी उड्डाणे घेत आहे. पण, परिणामी पुणेकरांना वाहतूक कोंडी मुक्त आणि या बेशिस्त वाहन चालकांमधून त्रास मात्र काही मिळत नसल्याचे वास्तव आहे.
पुणेकरांच्या सुरक्षेसाठी शहरात सीसीटीव्ही लावले, पण, त्याचा सर्वाधिक उपयोग हा वाहतूक पोलिसांना होतो. सीसीटीव्हीच्या माध्यमातून वाहतूक पोलीस कारवाईवर भर देत आहेत. पोलीस रस्त्यावर उभा राहिलेच तर घोळकाकरून दंड वसूली करण्यात मग्न असतात. त्यात अल्पवयीन अन् एखाद दुसरा मद्यपी त्यांच्या हाती लागलाच तर थातूर माथूर कारवाई करून पाठिमागच्या दारातून त्याला सोडून दिले जात असल्याचे यापुर्वी अनेक वेळा समोर आले आहे. त्यामुळे या अल्पवयीन मुलांना अन् मद्यपींच्या मनात पोलिसांबाबत आणि पर्यायाने कायद्याचा धाक राहत नाही.
शहराच्या उपनगरांचा भाग अशा वाहन चालकांनी घेरलेला असतो. त्यासोबतच गेल्या काही वर्षात नव्याने उदयास आलेल्या पब कल्चरमध्ये कोरेगांव पार्क, मुंढवा, विमानतळ, येरवडा, बंडगार्डन अशा भागात शुक्रवार आणि शनिवारी प्रचंड वाहतूक कोंडी असते. कशीही वाहने लावून हे बड्या दिवट्यांची पोरं नगानाच करतात, परंतु, त्यांच्यावर कारवाई किती आणि काय झाली हा संशोधनाचा विषय आहे. त्यामुळे अशा घटनांना देखील वाहतूक पोलीस तितताकच जबाबदार म्हणता येईल.
गुन्हेगारांवर कारवाई का होत नाही..!
शहरात गुन्हेगारीत शिरलेल्या अल्पवयीनांचा रूद्रअवतार पाहिचा असल्यास रात्री अन् घटनेच्या पुर्वी दिसेल. अनेकवेळा हे मद्य पिलेले तर असतातच पण वाहन अत्यंत बेधडक वाहन चालवत गोंधळ घालतात. ट्रिपलशिट यायची त्यांची स्टाईल असते. मग, अशा प्रकरणात पोलीस त्यांच्यावर मद्यपीची, मोटार वाहन कायद्याची, त्यांना दारू मिळते अशा ठिकाणाची कारवाई का करत नाहीत, असाही प्रश्न आहे.
अल्पवयीन मुलांना वाहने देणाऱ्या पालकांवर कारवाई झाल्याशिवाय हा पायंडा बदलणार नाही आणि शिस्त देखील लागणार नाही, असे मत काही तज्ञांनी व्यक्त केले आहे. खासगी क्लास, कॉलेजमध्ये येणारे मुलं सरास दुचाकी वापरतात, त्यांच्याकडे वाहन परवाना नसतोच पण बहुंताश अल्पवयीन असतात. त्यामुळे अशा ठिकाणी कारवाई होणे अपेक्षित आहे.
Web Title: A mere show of action by the traffic police action against 26 minor drivers in 5 months nrdm
Get Latest Marathi News , Maharashtra News and Marathi News from Politics, Election News , Sports News , Entertainment News, Business News and Religion News only on Navarashtra.com
Published On: May 21, 2024 | 11:11 AM
संबंधित बातम्या
अटल सेतू, पुणे एक्सप्रेसवे, समृद्धी महामार्गावर ईव्हीसाठी टोल करमुक्त, महाराष्ट्राची पुढची योजना काय? वाचा एका क्लिकवर
Pratap Sarnaik: अपघाती मृत्यू रोखण्यावर भर द्यावा, परिवहन मंत्री प्रताप सरनाईकांचे आवाहन
नवी मुंबई आंतरराष्ट्रीय विमानतळ कधी सुरू होणार? सिडको अधिकाऱ्यांनी दिली अपडेट, मुंबई-कोकण आणि महाराष्ट्रासाठी मोठा फायदा
महाराष्ट्राची अर्थव्यवस्था कशी दुप्पट होईल? मुख्यमंत्री फडणवीस यांनी सांगितला मास्टरप्लॅन
ताज्या बातम्या
देशातील अनेक राज्यांत पावसाचा कहर; 11 जणांचा मृत्यू तर झारखंडमध्ये ‘रेड अलर्ट’ जारी
Ganesh Chaturthi 2025: गणेश चतुर्थीच्या दिवशी या राशीच्या लोकांना मिळेल धन, यश आणि शांती
फुल्ल टॅंकवर 1200 KM ची रेंज! Maruti Grand Vitara खरेदी करण्यासाठी किती असावा पगार?
सकाळी उठल्यानंतर व्यवस्थित पोट स्वच्छ न होण्यास कारणीभूत ठरतात रोजच्या जीवनातील ‘या’ चुकीच्या सवयी
देशात वीज येताच नागिरकांची व्यथा! तो ‘बल्ब’ नाही ‘भुताचा डोळा’ आहे; इंग्रज त्या पोलातून आत्मा…
प्रेमाला वय नाही…! ‘मी २५ वर्षांची, माझा बॉयफ्रेंड ७६ वर्षांचा…,मी खूप आनंदी आहे!’ प्रेयसीने सांगितली तिची अनोखी कहाणी
Devendra Fadnavis: “जनसामान्यांचे जीवनमान उंचावण्यासाठी…”; CM फडणवीसांचे निर्देश
व्हिडिओ
Beed : बीडमध्ये शिंदे गटाच्या वैद्यकीय मदत कक्ष समन्वयकांवर प्राणघातक हल्ला
Gondia : ओव्हरलोड टिप्परमुळे रस्त्यांची वाताहत; चिरचाडबांध परिसरात नागरिक रस्त्यावर
Mumbai Goa Highway: चिखलाचे साम्राज्य, यंदाच्या वर्षीही चाकरमान्यांची गावाकडची येण्याची वाट बिकट
Yatmal News : पैनगंगा नदीच्या पुराने यवतमाळच्या शेतकऱ्यांचे लाखोंचे नुकसान
नवभारत – नवराष्ट्रच्या मंचावरून देवेंद्र फडणवीस यांची मोठी घोषणा, ट्रिलियन डॉलर अर्थव्यवस्थेवर दिले उत्तर
Kalyan : गणेशोत्सवाआधी रस्ते खड्डे मुक्त करण्यासाठी KDMC एक्शन मोडवर
