पुण्यात आगीची भीषण घटना; बीएमडब्ल्यू, मर्सिडीजसह 17 गाड्या खाक

पुण्यामध्ये गंगाधाम मंदिराजवळ भीषण आगीची घटना घडली आहे. मध्यरात्री 3 वाजता बिबवेवाडी येथील आई माता मंदिराजवळ मोकळ्या मैदानात मोठ्या प्रमाणात गवताला आग लागल्याची माहिती मिळाली.

Follow Us:

Follow Us:

पुणे : पुण्यामध्ये गंगाधाम मंदिराजवळ भीषण आगीची घटना घडली आहे. मध्यरात्री 3 वाजता बिबवेवाडी येथील आई माता मंदिराजवळ मोकळ्या मैदानात मोठ्या प्रमाणात गवताला आग लागल्याची माहिती अग्निशमन दल नियंत्रण कक्षात मिळाली. यानंतर दलाकडून गंगाधाम, कोंढवा खुर्द आणि दोन वॉटर टँकर तातडीने रवाना करण्यात आले.

अग्निशमन दलाच्या जवानांनी तातडीने घटनास्थळी धाव घेतली. यावेळी जवानांनी पाहिले की, सदर ठिकाणी मोकळ्या जागेत असलेल्या गॅरेजमधील गाड्यांना भीषण आग लागली आहे. यानंतर अग्निशमन दलाच्या जवानांनी आतमध्ये कोणी कामगार नसल्याची खात्री करत चारही बाजूने पाण्याचा मारा करण्यात आला. सुमारे अर्धा तासामध्ये आग आटोक्यात आणत कुलिंग ऑपरेशन सुरू ठेवले व आग पुर्ण विझवण्यात आली.

या आगीमध्ये गॅरेजमधील एकूण 17 चारचाकी वाहने जळाली असून यामध्ये बीएमडब्ल्यु, मर्सिडीज, रेंज रोव्हर, स्कोडा, हुंदाई, फोर्ड या कंपन्याची वाहने दुरूस्तीकरिता आले असल्याचे समजले. तसेच सदर गॅरेजचे नाव हे मतीन कार केअर्स असे आहे. या घटनेमध्ये सुदैवाने कोणीही जखमी झालेले नसून जीवितहानी झालेली नाही.

Web Title: A terrible incident of fire in pune 17 cars including bmw mercedes four wheeler nrpm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com