Shaktipeeth Expressway: ‘… हे आम्ही कदापि सहन करणार नाही’; शक्तीपीठ महामार्गाविरुद्ध शेतकरी आक्रमक, घेतला ‘हा’ निर्णय

कोल्हापूर:  शेतकऱ्यांना देशोधडीला लावणारा शक्तिपीठ महामार्ग कुठल्याही परिस्थितीत हाणून पाडणार , तसेच शक्तीपीठ महामार्गाविरोधात  १२ मार्चला १२ जिल्ह्यातील शेतकऱ्यांचा आझाद मैदानावर मोर्चा काढण्याचा निर्धार कोल्हापुरात शक्तीपीठ महामार्ग कृती समितीच्या बैठकीत घेण्यात आला. ही बैठक आमदार सतेज पाटील यांच्या प्रमुख उपस्थितीत पार पाडली.

शाहू स्मारक भवन येथे शक्तीपीठ महामार्ग विरोधी कृती समितीच्या वतीने बारा जिल्ह्यातील शेतकऱ्यांच्या बैठकीचे आयोजन करण्यात आले होते. यावेळी उपस्थित असलेल्या शेतकऱ्यांनी आमची इंचभर ही जमीन देणार नाही, वाढ वडिलांच्याकडून वारसा हक्काने आलेली जमीन सोडणार नाही, पिकाऊ शेतजमीन ही आमची भूमी आई आहे, अशी शपथ घेतली.

कोल्हापूर, सांगली जिल्ह्यातील शेतकऱ्यांच्या विरोधामुळे विधानसभा निवडणुकीच्या तोंडावर स्थगित करण्यात आलेल्या शक्तिपीठ महामार्गाच्या कामाला मुख्यमंत्री देवेंद्र फडणवीस यांनी हिरवा कंदील दाखवल्याने शेतकरी आक्रमक झाले आहेत. मुख्यमंत्रीपदाची शपथ घेतल्यानंतर  देवेंद्र फडणवीस यांनी यासंदर्भात सूतोवाच केले होते. महामार्गासाठी जमीन संपादनाची काम सुरू केले आहे ; मात्र हा विकासाचा मार्ग नसून शेतकऱ्यांना देशोधडीला लावणारा मार्ग आहे. हा मार्ग आबांनी अडाणी यांचा विकास करणारा मार्ग आहे शेतकऱ्यांच्या जमिनीवर उंट फिरवला जात आहे ७६ हजार कोटीचा हा प्रकल्प कोणाच्या विकासाचा आहे.

शेतकऱ्यांचे हित दिसत नाही ठेकेदारांचे हित दिसते. त्यामुळे हा मार्ग कुठल्याही परिस्थितीत होऊन देणार नाही. अशी भूमिका उपस्थित असलेल्या सर्व शेतकऱ्यांनी मांडली काही वर्षांपूर्वी आमच्या शेतीला पाणी मिळत नव्हतं, कोरडवाहू जमिनीमुळे आमचे हाल  अपेष्टा झाली. आता शेतीला पाणी मिळाले आहे उत्तम प्रकारे पीक येऊ लागलेत आणि चांगल्या कसदार जमिनी रस्ते प्रकल्पाच्या नावाखाली काढून घेतल्या जात आहेत हे आम्ही कदापि सहन करणार नाही. कुठल्याही परिस्थितीत हा मार्ग उखडून टाकू अधिकाऱ्यांना रस्त्यावर फिरू देणार नाही.  परंतु, आता या शक्तिपीठ महामार्गावरून कोल्हापूर जिल्ह्यातून १२ जिल्ह्यातील १२ मार्चला एल्गार करण्याचा निर्णय घेतला आहे.  कोल्हापूरमध्ये शक्तिपीठ विरोधी परिषदेत आझाद मैदानात धडक देण्याचा निर्णय घेण्यात आला. यात कोणी मिठाचा खडा टाकण्याचा प्रयत्न केल्यास तोही हाणून पाडा अशी आव्हान आमदार सतेज पाटील यांनी केले.

Shaktipeeth Highway : शक्तिपीठ महामार्गाला विरोध कायम; आंदोलनाची पुढील दिशा कोल्हापुरात ठरणार

महायुती सरकारने डिसेंबर महिन्यात शपथ घेतल्यानंतर गोवा ते नागपूर शक्तिपीठ महामार्ग करण्यासाठी वेगवेगळे आराखडे तयार केले आहेत. या महामार्गाला फक्त कोल्हापुरातून विरोध असे सांगितले गेले. पण आजची ही उपस्थिती पाहता सर्व शेतकऱ्यांचा विरोध आहे हे यावरून दिसून येते.

 महायुती सरकारने डिसेंबर महिन्यात शपथ घेतल्यानंतर गोवा ते नागपूर शक्तिपीठ महामार्ग करण्यासाठी वेगवेगळे आराखडे तयार केले आहेत. या महामार्गाला फक्त कोल्हापुरातून विरोध आहे असे सांगितले गेले. कोल्हापूर जिल्ह्यातील महायुतीच्या नेत्यांमध्येच शक्तिपीठ महामार्गावरून फाटे पडले आहेत. उपमुख्यमंत्री आणि तत्कालीन मुख्यमंत्री एकनाथ शिंदे यांनी कोल्हापुर जिल्ह्यात बोलताना शक्तीपीठ महामार्ग नको असेल तर तो रद्द करण्याची मी घोषणा करतो, नको असणारा प्रकल्प तुमच्यावर लादणार नाही, असे विधान केले होते. आता त्यांच्याच पक्षाचे राज्य नियोजन मंडळाचे कार्यकारी अध्यक्ष राजेश क्षीरसागर यांनी महामार्गाचे समर्थन केलं आहे.

वैद्यकीय मंत्री हसन मुश्रीफ यांनी कोल्हापूर जिल्ह्यात शक्तीपीठ महामार्ग होणार नाही, असे म्हटले आहे. कोल्हापूर जिल्ह्यातील कोणत्याही परिस्थितीमध्ये शक्तिपीठ महामार्ग जाणार नाही. सांगलीपर्यंत कुणाचाही विरोध नाही त्यामुळे तिथे विरोध करायचा आमचा संबंध नाही. शक्तिपीठ महामार्गाबाबत मुख्यमंत्री देवेंद्र फडणवीस यांच्याशी माझी चर्चा झाल्याचे हसन मुश्रीफ यांनी काही दिवसांपूर्वी म्हटले होते. सांगलीच्या पुढे संकेश्वर मार्गे गोव्याला शक्तिपीठ महामार्ग होऊ शकतो.शक्तिपीठ महामार्ग सांगली ते कोल्हापूर रस्ता आहे, त्याला जोडला जाणार आहे. हायवेला जोडल्यानंतर पुढे संकेश्वर मार्गी गोव्याकडे जाता येईल, असे हसन मुश्रीफ यांनी म्हटले होते.  दुसरीकडे राजेश क्षीरसागर यांनी समर्थन केलं असलं, तरी पालकमंत्री प्रकाश आबिटकर यांनी अजून स्पष्ट भूमिका समोर आलेली नाही. पहिल्यांदा विरोध केला असला, तरी आता पालकमंत्री म्हणून त्यांची भूमिका समोर आलेली नाही. त्यामुळे जिल्ह्यात महायुतीच्या नेत्यांमध्येच महामार्गावरून समन्वय नसल्याचे दिसून येत आहे.