Maharashtra Breaking News
09 Sep 2025 03:19 PM (IST)
आर्टिफिशियल इंटेलिजेंस (एआय) आजकाल आपल्या जीवनाचा एक अविभाज्य भाग बनला आहे. आपल्या प्रत्येक कामात आपण एआयची मदत घेऊ शकतो. रोजच्या जीवनातील अनेक कामे सुखकर करण्यासाठी याचा मोठ्या प्रमाणात वापर केला जातो. अशातच एआय संबंधित एक मजेदार आणि हास्यास्पद व्हिडिओ सध्या इंटरनेटवर व्हायरल झाला आहे. यात एक आज्जी चक्क एआयसोबत भिडताना दिसून आल्या. आज्जीच्या प्रश्नांना एआयने जे उत्तर दिलं ते ऐकून आता सर्वांनाच हसू अनावर झालं आहे. चला व्हिडिओत नक्की काय घडलं ते सविस्तर जाणून घेऊया.
09 Sep 2025 03:17 PM (IST)
सांगलीच्या मिरज येथील गणेश विसर्जन मिरवणुकीत हत्या झाल्याची घटना समोर आली आहे. भांडण सोडविण्यास गेलेल्या तरुणाला चाकू भोसकल्याची घटना समोर आली आहे. हल्ला झालेल्या तरुणाचा रात्री अपचारादरम्यान मृत्यू झाला आहे. शीतल धनपाल पाटील (वय 25) असे खून झालेल्या तरुणाचे नाव आहे.
09 Sep 2025 03:09 PM (IST)
आशिया कप २०२५ (Asia cup 2025)आजपासून म्हणजेच ९ सप्टेंबरपासून सुरुवात होत आहे. हाँगकाँग आणि अफगाणिस्तान या दोन संघात सलामीची लढत होणार आहे. यावेळी आशिया कप टी२० स्वरूपात खेळवला जाणार आहे. आशिया कप स्पर्धेला सुरवात होण्याआधीच पाकिस्तान संघाला मोठा धक्का बसला आहे.
09 Sep 2025 02:58 PM (IST)
इन्कम टॅक्स रिटर्न (ITR) दाखल करण्याची अंतिम मुदत जवळ आली आहे, आणि तुमच्याकडे हे काम पूर्ण करण्यासाठी आता फक्त 7 दिवस शिल्लक आहेत. जर तुम्ही वेळेवर ITR दाखल केला नाही, तर तुम्हाला मोठा दंड आणि दंडात्मक कारवाईला सामोरे जावे लागू शकते. त्यामुळे, योग्य कागदपत्रे तयार करणे, अचूक माहिती भरणे आणि वेळेवर ऑनलाइन रिटर्न दाखल करणे अत्यंत महत्त्वाचे आहे. तुम्ही नॉन-ऑडिट ITR दाखल करणार असाल, तर याची अंतिम तारीख 15 सप्टेंबर 2025 आहे.
09 Sep 2025 02:56 PM (IST)
लोकप्रिय रिॲलिटी शो बिग बॉस १९ दिवसेंदिवस अधिक मनोरंजक होत चालला आहे. स्पर्धकांमधील भांडणे आणि एकमेकांविरुद्ध त्यांच्या वक्तव्यांमुळे प्रेक्षकांचे लक्ष वेधले जात आहे. आता शोचा एक नवीन प्रोमो लाँच झाला आहे, ज्यामध्ये बिग बॉस १९ च्या घरातील स्पर्धकांमध्ये खूप तणाव दिसून येत आहे. कारण ‘बिग बॉस’ने कोणते स्पर्धक नॉमिनेट झाले आहेत याची घोषणा केली आहे. या नव्या प्रोमोने चाहत्यांची उत्सुकता वाढवली आहे.
09 Sep 2025 02:55 PM (IST)
इन्कम टॅक्स रिटर्न (ITR) दाखल करण्याची अंतिम मुदत जवळ आली आहे, आणि तुमच्याकडे हे काम पूर्ण करण्यासाठी आता फक्त 7 दिवस शिल्लक आहेत. जर तुम्ही वेळेवर ITR दाखल केला नाही, तर तुम्हाला मोठा दंड आणि दंडात्मक कारवाईला सामोरे जावे लागू शकते.
09 Sep 2025 02:55 PM (IST)
9 सप्टेंबर रोजी म्हणजेच आज आयफोन 17 सिरीज लाँच केली जाणार आहे. या सिरीजमध्ये 4 मॉडेल्सचा समावेश असणार आहे. सध्या सर्वत्र आयफोन 17 ची चर्चा सुरु असतानाच आता एक अनोखा रिपोर्ट समोर आला आहे. या रिपोर्टमध्ये सांगण्यात आलं आहे की, भारतातील युजर्सना कोणत्या प्रकारचा आयफोन खरेदी करणं पसंत आहे. हा रिपोर्ट सप्टेंबर 2024 ते ऑगस्ट 2025 पर्यंतच्या आकड्यांवर आधारित आहे.
09 Sep 2025 02:54 PM (IST)
काठमांडूमधील परिस्थिती सतत बिघडत चालली आहे. मंगळवारी सकाळपासून संसद भवनाबाहेर मोठ्या संख्येने निदर्शक पंतप्रधानांविरुद्ध जोरदार घोषणाबाजी करत आहेत. वाढत्या निषेधाच्या पार्श्वभूमीवर, नेपाळचे पंतप्रधान केपी शर्मा ओली (KP Sharma Oli) दुबईला जाण्याच्या तयारीत असल्याची बातमी आहे. असे सांगितले जात आहे की ते उपचारासाठी दुबईला जाऊ शकतात आणि त्यासाठी खाजगी विमान कंपनी हिमालय एअरलाइन्सला स्टँडबायवर ठेवण्यात आले आहे. याचदरम्यान आता नेपाळचे पंतप्रधान ओली यांनी राजीनामा दिला आहे.
09 Sep 2025 02:54 PM (IST)
Jane Street Marathi News: सिक्युरिटीज अपीलीय न्यायाधिकरण (SAT) ने मंगळवारी अमेरिकन हाय-फ्रिक्वेन्सी ट्रेडिंग (HFT) फर्म जेन स्ट्रीट आणि तिच्या सहयोगी कंपन्यांचे भारतीय सिक्युरिटीज अँड एक्सचेंज बोर्ड (SEBI) च्या आदेशाविरुद्धचे अपील स्वीकारले, ज्यामध्ये कंपनीवर निफ्टी बँक निर्देशांकात फेरफार केल्याचा आरोप करण्यात आला होता.
09 Sep 2025 02:54 PM (IST)
US Open 2025 : सोमवार, ८ सप्टेंबर रोजी यूएस ओपन २०२५ (US Open 2025 )मध्ये कार्लोस अल्काराजने जॅनिक सिनरला पराभूत करून जेतेपद नावावर केले. या विजयासह कार्लोस अल्काराजने दुसरे यूएस ओपन जेतेपद पटकावले आणि एटीपी रँकिंगमध्ये नंबर १ स्थानी देखील वियाराजमान झाला. त्याच वेळी, ९ सप्टेंबर हा यूएसए ओपनसाठी खूप विषय दिवस देखील ठरला. या एकाच तारखेला वेगवेगळे इतिहास रचले गेले आहेत.
09 Sep 2025 02:53 PM (IST)
रविवारी (७ सप्टेंबर) इस्रायलमध्ये मोठा दहशतवादी हल्ला झाला होता. या हल्ल्यात पाच जणांचा मृत्यू, तर १२ जखमी झाले होते. या हल्ल्याचे वर्णन करताना दहशतवादाला शाप असे इस्रायलच्या पंतप्रधानांनी म्हटले. यावेळ भारताचे पंतप्रधान नरेंद्र मोदी यांनी या दहशतवादी हल्ल्यावर शोक व्यक्त केला, तसेच दहशतवादाविरोधा इस्रायलला भारताचा पाठिंबा असेल असेही म्हटले. यामुळे इस्रायलचे पंतप्रधान बेंजामिन नेतन्याहू यांनी पंतप्रधान मोदींची आभार मानले आहेत.
09 Sep 2025 02:52 PM (IST)
हिंदू धर्मात संकष्टी चतुर्थीचे विशेष महत्त्व आहे. ही प्रत्येक महिन्याच्या कृष्ण पक्षातील चतुर्थी तिथीला येते. त्याच वेळी भाद्रपद महिन्यातील संकष्टी चतुर्थीला विघ्नराज संकष्टी चतुर्थी म्हणतात. या दिवशी उपवास करणे, गणपती बाप्पाची पूजा करणे आणि दान करणे खूप फलदायी मानले जाते. असे केल्याने व्यक्तीला भगवान गणेशाचे विशेष आशीर्वाद मिळू शकतात आणि जीवनातील दुःखांपासूनही मुक्तता मिळू शकते.
09 Sep 2025 02:52 PM (IST)
जगभरातील लाखो पर्यटक दरवर्षी गोवा फिरण्यासाठी येतात. गोव्यातील सुंदर समुद्रकिनारे, संस्कृती आणि चविष्ट गोवन पद्धतीमध्ये बनवलेल्या जेवणाचा आस्वाद घेतात. गोव्यातील सी फ्रुड जगभरात सगळीकडे फेमस आहे. तिथे वेगवेगळ्या माशांचा वापर करून फिश करी आणि फिश फ्राय बनवले जातात. गोव्यातील खाद्य संस्कृतीचा आस्वाद घेण्यासाठी खास करून पर्यटक गोव्यात जातात. त्यातील सगळ्यांचा आवडता पदार्थ म्हणजे गोवन फिश करी. ओल्या खोबऱ्याचा किस, कोकम आणि त्रिफळाचा वापर करून बनवलेली करी चवीला अतिशय सुंदर लागते. गोवन फिश करी आणि वाफाळता उकड्या तांदळाचा भात हे कॉम्बिनेशन चवीला अतिशय सुंदर लागते. गोव्यातील पारंपरिक पदार्थांची चव तुम्ही घरी बसून सुद्धा घेऊ शकता. म्हणूनच आज आम्ही तुम्हाला गोवन फिश करी बनवण्याची सोपी रेसिपी सांगणार आहोत.
09 Sep 2025 02:52 PM (IST)
बिग बॉस १९ च्या नवीनतम भागात, नाॅमिनेशन टास्क दरम्यान खूप गोंधळ झाला आणि असे काही क्षण होते ज्यामुळे प्रेक्षकांना अनियंत्रितपणे हसवावे लागले. या टास्कमध्ये २ स्पर्धकांना वेळ मोजायला सांगितला होता 19 मिनिटांनंतर स्पर्धकांनी बजर वारवायचा होता. तर उर्वरित घरातील सदस्यांना त्यांचे लक्ष विचलित करावे लागले. आता अभिषेक बजाजची पाळी होती आणि नेहलला त्याचे लक्ष विचलित करायचे होते त्यावेळी तिने अनेक मुद्दांवर तिने बजाजला सुनावले.
09 Sep 2025 02:30 PM (IST)
गायक-रॅपर बादशाह सध्या अमेरिकेत ‘अनफिनिश्ड यूएसए टूर’वर आहे, जिथे तो उत्तर अमेरिकेत धुमाकूळ घालत आहे. बादशाह त्याच्या गाण्यांनी आणि रॅपने त्याच्या कॉन्सर्टमध्ये लोकांना नाचवतो आहे. दरम्यान, न्यू जर्सीमध्ये नुकत्याच झालेल्या एका शोमध्ये बादशाहने असे काही केले जे आता व्हायरल होत आहे. खरंतर, गाण्याच्या मध्यभागी बादशाहने अमेरिकेचे राष्ट्राध्यक्ष डोनाल्ड ट्रम्प यांचा उल्लेख केला. यामुळे तिथे उपस्थित असलेले सर्वजण आश्चर्यचकित झाले आणि प्रेक्षक टाळ्या वाजवू लागले. आता गायक बादशाह नक्की काय म्हणाला हे आपण जाणून घेणार आहोत.
09 Sep 2025 02:25 PM (IST)
9 सप्टेंबर रोजी म्हणजेच आज आयोजित करण्यात आलेल्या ईव्हेंटमध्ये टेक जायंट कंपनी अ‍ॅपल त्यांच्या आगामी आयफोन 17 सिरीजसह अनेक नवीन प्रोडक्ट्स लाँच करणार आहे. या आगामी आयफोनबाबत अनेक गोष्टी समोर आल्या आहेत. जसे की, या आयफोन सिरीजमध्ये कोणते मॉडेल्स उपलब्ध असणार आहेत, त्यांची किंमत किती असणार आहे आणि त्यांचे फीचर्स काय असू शकतात. आगामी आयफोन सिरीजची चर्चा सुरु असतानाच आता ग्राहकांसाठी एक आनंदाची बातमी समोर आली आहे.
09 Sep 2025 02:20 PM (IST)
टाटा समूहाच्या नेतृत्वाखालील देशांतर्गत विमान कंपनी एअर इंडियाने प्रवाशांसाठी एक खास ऑफर जाहीर केली आहे. या अंतर्गत, भारतातील कोणत्याही शहरातून युरोपमधील कोणत्याही ठिकाणी फ्लॅट भाड्याने प्रवास करता येईल. ही मर्यादित कालावधीची ऑफर ७ सप्टेंबरपासून लागू झाली आहे आणि ११ सप्टेंबरपर्यंत सर्व प्रमुख बुकिंग प्लॅटफॉर्मवर उपलब्ध असेल. मिळालेल्या माहितीनुसार या बुकिंग अंतर्गत, ३१ मार्च २०२६ पर्यंत प्रवास करता येईल. विमान तिकिटे ‘प्रथम येणाऱ्यास प्रथम प्राधान्य’ या तत्त्वावर उपलब्ध असतील.
09 Sep 2025 02:16 PM (IST)
सध्याच्या या धाकधुकीच्या आणि व्यस्त जीवनात लोक कामाच्या व्यापात आपल्या जीवनशैलीकडे दुर्लक्ष करू लागले आहेत म्हणूनच आजकाल बहुतेक लोकांना काही ना काही आजार जडलेला असतो. कुणाला लठ्ठपणाची समस्या तर कुणाला डायबिटीजची तर कुणाला कोलेस्ट्रॉलची… पण प्रत्येक आजारावर उपाय म्हणून फक्त औषधांचे सेवन करणे काही बरोबर नव्हे. आयुर्वेदात औषधांतून कित्येक पटींनी चांगले आणि प्रभावी उपाय सांगण्यात आले आहेत ज्यांचा वापर करून आपण आपले आरोग्य निरोगी बनवू शकतो. यासाठी फार काही पैसे घालवण्याची किंवा मेहनत करण्याची गरज नाही तर फक्त स्वयंपाकघरात उपलब्ध असलेल्या पदार्थांचा तुम्हाला वापर करायचा आहे. रिकाम्या पोटी भिजवलेल्या मेथीच्या दाण्याचे सेवन अनेक आजारांना दूर ठेवण्यासाठी प्रभावी ठरू शकते.
09 Sep 2025 02:14 PM (IST)
सर्वच महिलांना अभिनेत्रींप्रमाणे सुंदर आणि चमकदार त्वचा हवी असते. वाढत्या वयात सुद्धा तरुण दिसण्यासाठी वेगवेगळ्या केमिकल ट्रीटमेंट केल्या जातात. कधी स्किन बोटॉक्स करून घेतले जाते तर कधी फेशिअल करून त्वचा अधिक तरुण केली जाते. पण वारंवार स्किन ट्रीटमेंट केल्यामुळे त्वचेची गुणवत्ता खराब होऊन जाते, ज्याचा परिणाम वाढत्या वयात चेहऱ्यावर लगेच दिसून येतो. त्यामुळे सुंदर दिसण्यासाठी बाजारात उपलब्ध असलेल्या कोणत्याही स्किन ट्रीटमेंटचा वापर करू नये. यामुळे त्वचेची नुकसान होते. महागड्या पार्लर ट्रीटमेंट्स, स्किन केअर प्रॉडक्ट्स इत्यादीचा चुकीचा पद्धतीने वापर केल्यामुळे त्वचा अधिकच खराब होऊन जाते.
09 Sep 2025 02:13 PM (IST)
केंद्र सरकारकडून देण्यात आलेली किसान सन्मान निधी योजना शेतकऱ्यांसाठी एक मोठा दिलासादायक योजना ठरली आहे. या योजनेअंतर्गत, लहान आणि सीमांत शेतकऱ्यांना दरवर्षी ६,००० रुपयांची आर्थिक मदत मिळते. दर चार महिन्यांनी २००० रुपये खात्यात येतात. परंतु सर्व शेतकऱ्यांना आता त्याचा लाभ मिळणार नाही. या योजनेबाबत काही नियमांमध्ये बदल करण्यात आला आहे. यामुळे राज्यातील 60 हजार शेतकऱ्यांना पीएम किसान योजनेचा हप्ता मिळणार नाही. यावरुन आमदार रोहित पवार यांनी नाराजी व्यक्त केली आहे.
09 Sep 2025 01:55 PM (IST)
पुणे जिल्ह्यातील सहकार क्षेत्रातील अग्रगण्य असलेल्या राजगुरुनगर सहकारी बँकेची ९४ वी वार्षिक सर्वसाधारण सभा रविवारी (दि. ७) चंद्रमा गार्डन येथे पार पडली. मात्र सभेदरम्यान एका तरुण सभासदाच्या वारंवार प्रश्नोत्तरांमुळे निर्माण झालेल्या वादातून दोन सभासदांमध्ये शिवीगाळ आणि हाणामारी झाली. त्यामुळे बँकेच्या वार्षिक सभेला प्रथमच गालबोट लागले आहे. इतर सभासदांनी तातडीने हस्तक्षेप करून संबंधित व्यक्तीला बाहेर काढत परिस्थिती नियंत्रणात आणली आहे.
09 Sep 2025 01:45 PM (IST)
कोटक एज्युकेशन फाउंडेशन (KEF) तर्फे राबवण्यात येणाऱ्या कोटक कन्या शिष्यवृत्ती उपक्रमांतर्गत मुलींना उच्च शिक्षणासाठी मोठा आधार मिळतो. या शिष्यवृत्ती अंतर्गत विद्यार्थिनींना दरवर्षी ₹1,50,000 पर्यंतची मदत 4 ते 5 वर्षांसाठी दिली जाते. फक्त आर्थिक सहाय्यच नव्हे तर शैक्षणिक आणि वैयक्तिक विकासासाठी मेंटरिंग, जीवन कौशल्ये, मानसिक आरोग्य सत्रं तसेच इंजिनिअरिंग विद्यार्थिनींसाठी Unstop आणि वैद्यकासाठी Marrow यांसारख्या सदस्यता सुविधा देखील दिल्या जातात. देशातील 136 अग्रगण्य संस्थांमध्ये शिकणाऱ्या मुलींना या उपक्रमाचा लाभ मिळतो.
09 Sep 2025 01:40 PM (IST)
मुंबईतील कुलाबा येथे एका अज्ञात व्यक्तीने नौदलाच्या जवानाची रायफल आणि काडतुसे घेऊन पळ काढला आहे. ही घटना शनिवारी, ६ सप्टेंबर रोजी रात्री उशिरा नेव्ही नगरमध्ये घडली. या घटनेनंतर सुरक्षा यंत्रणा हाय अलर्टवर आहेत. सध्या नौदल, मुंबई पोलीस आणि एटीएस हाय अलर्ट मोडवर आहेत. संपूर्ण मुंबईत शोध मोहीम सुरू करण्यात आली आहे. शनिवारी रात्री उशिरा भारतीय नौदलाचा गणवेश घातलेल्या एका व्यक्तीने नेव्ही नगरच्या निवासी भागात ड्युटीवर तैनात असलेल्या अग्निवीरला फसवले आणि त्याची रायफल आणि जिवंत काडतुसे घेऊन पळ काढला.
09 Sep 2025 01:35 PM (IST)
बिग बॉस सीझन १९ च्या दुसऱ्या आठवड्यात स्पर्धकांमध्ये बरीच बाचाबाची झाली. आठवड्याच्या शेवटी झालेल्या वादात सलमान खान आला आणि त्याने फरहाना भट्टला तिच्या अपशब्दाबद्दल फटकारले, त्यानंतर तिने माफी मागितली आणि आता ती काळजी घेईल असे म्हटले. तथापि, फरहाना भट्टने पुन्हा एकदा नॉमिनेशन टास्कमध्ये तिच्या मर्यादा ओलांडल्या.
09 Sep 2025 01:25 PM (IST)
काँग्रेस खासदार राहुल गांधी यांनी त्यांच्या ट्विटर अकाऊंटवरून एक व्हिडीओ शेअर केला आहे. गेल्या महिन्यात त्यांनी बिहारमध्ये केलेल्या मतदार अधिकार यात्रेत महाविद्यालयात जाणाऱ्या विद्यार्थीनींशी संवाद साधला. यात या तरुणींनी बिहारमधील महिलांची स्थिती राहुल गांधी यांच्यासोबत शेअर करताना दिसत आहेत.
बिहार की इन युवा बेटियों की समझ, हौसला और सपने सब प्रेरणादायक हैं।
मगर NDA सरकार की उपेक्षा उनके साथ सबसे बड़ा धोखा है - जो इन्हें शिक्षा, स्वास्थ्य और सुरक्षा जैसे बुनियादी अधिकार तक नहीं दे पाई।
हम उनकी आवाज़ दबने नहीं देंगे। हर बेटी अपने सपनों को पूरा करेगी - ये वादा है। pic.twitter.com/EBFhwDpsdW
— Rahul Gandhi (@RahulGandhi) September 8, 2025
09 Sep 2025 01:15 PM (IST)
उत्तर अमेरिकेच्या मेक्सिकोमध्ये एक भयानक अपघात घडला आहे. एका मालवाहून ट्रेनने डबलडेकर बसला चिरडले आहे. या भीषण अपघातात १० जणांचा मृत्यू झाला आहे, तर ६० हून अधिक लोक जखमी झाली आहे. रेल्वेलाईन आणि मेक्सिकोच्या कॅनेडियन पॅसिफिक कॅन्सस सिटीने या घटनेची पुष्टी केली. या अपघाताचा भयावह व्हिडिओ देखील सोशल मीडियावर व्हायरल होत आहे. या घटनेने संपूर्ण मेक्सिको हादरला आहे.
09 Sep 2025 01:10 PM (IST)
गणेशोत्सवाची सांगता झाली असून गणरायाचे विर्सजन पार पडले आहे. मुंबई आणि पुण्यातील विसर्जन मिरवणुकांची सर्वत्र जोरदार चर्चा असते. पण यंदा सर्वात जास्त चर्चेत राहिला म्हणजे मुंबईतील लालबागचा राजा. लालबागचा राजाच्या दर्शनावरुन अनेकदा वाद निर्माण होत असतात. पण यंदा विसर्जनाला 33 तास लागल्यामुळे सर्व स्तरावर जोरदार टीका करण्यात आली. समुद्राच्या भरती मुळे लालबागच्या राजाचे विसर्जन खोळंबले. याबाबत गिरगाव चौपटीचे नाखवा हिरालाल वाडकर यांनी केलेल्या दाव्यामुळे लालबाग राजा मंडळ त्यांना कोर्टामध्ये खेचणार आहे.
09 Sep 2025 01:05 PM (IST)
मंगळवारी शेअर बाजार पुन्हा एकदा गॅप-अप ओपनिंगमध्ये दिसला. निफ्टीने कालच्या पातळीपेक्षा सुमारे १०० अंकांची वाढ नोंदवली आणि दिवसाचा उच्चांक २४८७९ पाहिला. सुरुवातीपासूनच आयटी आणि बँकिंग क्षेत्रात खरेदी सुरू होती. तथापि, निफ्टीने पुन्हा एकदा वरच्या पातळीपासून विक्री पाहिली आणि तो २४८०० च्या पातळीजवळ आला. आयटी क्षेत्राने निर्देशांक राखला.
09 Sep 2025 12:35 PM (IST)
मराठा आणि ओबीसी आरक्षणाच्या पार्श्वभूमीवर पोलिसांची खबरदारी म्हणून ओबीसी संघटना पदाधिकाऱ्यांचे नाव, पद आणि इतर माहिती गोळा करणार आहेत. ओबीसी संघटनाच्या पदाधिकाऱ्यांसोबत पोलीस अधीक्षक बैठक असल्याची माहिती आहे.
09 Sep 2025 12:20 PM (IST)
शिर्डीत भाजपचे मंत्री राधाकृष्ण विखे आणि त्यांचे पुत्र माजी खासदार सुजय विखे यांचे फोटो असलेले बॅनर अज्ञात व्यक्तीने फाडल्याचा प्रकार समोर आला आहे. शिर्डी शहरातील लक्ष्मीनगर भागात हा प्रकार झाला. या अज्ञातांनी बॅनरसह परिसरातील दुचाकींची केली तोडफोड केली आहे. विखे समर्थकांची पोलिस ठाण्यात धाव घेत, तक्रार दिली आहे.
09 Sep 2025 12:00 PM (IST)
केंद्र सरकारकडून उपराष्ट्रपतींच्या सुरक्षेची जबाबदारी आता दिल्ली पोलिसांच्या ऐवजी ही जबाबदारी सीआरपीएफकडे सोपवण्यात आली आहे. केंद्रीय गृह मंत्रालयाने केंद्रीय राखील पोलीस दलाला (CRPF) उपराष्ट्रपतींच्या मुख्य निवासी संकुलातील राहण्याच्या ठिकाणाची सुरक्षा, त्यांची जवळपास सुरक्षा आणि मोबाइल प्रोटेक्शन हे दिल्ली पोलिसांकडून घेण्यास सांगितले आहे. तर दिल्ली पोलिसांना उपराष्ट्रपतींच्या घरातील प्रवेशावरील नियंत्रण किवा कार पॅसेज क्लिअरन्स ड्युटी आणि निवासस्थानाच्या बाहेरील सुरक्षेची जबाबदारी घेण्यास सांगण्यात आले आहे.
09 Sep 2025 11:55 AM (IST)
पूर आणि भूस्खलनाच्या परिस्थितीचा आढावा घेण्यासाठी हिमाचल प्रदेश आणि पंजाबला रवाना होत आहे. या दुःखद घटनेत भारत सरकार बाधितांच्या खांद्याला खांदा लावून उभे आहे, अशा भावना पंतप्रधान नरेंद्र मोदी यांनी व्यक्त केल्या आहेत.
09 Sep 2025 11:45 AM (IST)
भविष्यामध्ये काय होऊ शकते, याचा हा अंदाज आहे. आमच्या उमेदवाराला मतच पडणार नाही, हे म्हणत असतील पण आज रात्री नऊपर्यंत दुध का दुध पाणी का पाणी होईलच. या क्षणी त्यांच्यामध्ये आणि आमच्यामध्ये 40 मतांची तफावत आहे, हे आम्ही मान्य करतो. त्यांच्याकडे मित्रपक्षाचे मिळून बहुमत आहे. तरीही आम्ही आमचे सुदर्शन रेड्डी यांना निवडणुकीत उतरवले आहे. पाहू काय होतंय, असे मत खासदार संजय राऊत यांनी व्यक्त केले आहे.
09 Sep 2025 11:35 AM (IST)
राज्यामध्ये विधानसभा निवडणूक होऊन अनेक महिने उलटल्यानंतर देखील विरोधी पक्षनेता ठरलेला नाही. यामुळे आता महाविकास आघाडीमध्ये हालचालींना वेग आला आहे. राज्यात काँग्रेसकडून विरोधी पक्षनेतेपदासाठी दावा केला जातो आहे.
09 Sep 2025 11:25 AM (IST)
कुटुंबात नवरा आणि बायको दोघांच्या नावावर शेती असल्याने दोन लाभार्थी असतील तर आता केवळ कुटुंबातील महिला लाभार्थ्यालाच पीएम किसानचे दोन हजार मिळतील पुरुष लाभार्थ्याला दोन हजार मिळणार नाहीत, हा केंद्र सरकारचा फतवा अजबच म्हणावा लागेल, असा टोला रोहित पवारांनी लगावला आहे.
कुटुंबात नवरा आणि बायको दोघांच्या नावावर शेती असल्याने दोन लाभार्थी असतील तर आता केवळ कुटुंबातील महिला लाभार्थ्यालाच पीएम किसानचे दोन हजार मिळतील पुरुष लाभार्थ्याला दोन हजार मिळणार नाहीत, हा केंद्र सरकारचा फतवा अजबच म्हणावा लागेल.
एकीकडे जीएसटी मध्ये कपात करून दिंडोरा पिटायचा… pic.twitter.com/F1tpsLd0QB
— Rohit Pawar (@RRPSpeaks) September 9, 2025
09 Sep 2025 11:15 AM (IST)
अंजली कृष्णांनंतर कारवाई गेलेल्या सदर गावामध्ये महसूल अधिकाऱ्यांना देखील मारहाण करण्यात आली आहे. माढ्यातील कुर्ड गावात हा प्रकार घडला असून गावकऱ्यांचे अधिकाऱ्यांवरील हल्ले वाढले आहेत.
09 Sep 2025 11:05 AM (IST)
पंतप्रधान नरेंद्र मोदी यांनी उपराष्ट्रपती पदाच्या मतदान प्रक्रियेमध्ये मतदान केले. पंतप्रधान मोदी यांनी पहिले मतदान केले.
Voted in the 2025 Vice President election. pic.twitter.com/soCoJJmHSI
— Narendra Modi (@narendramodi) September 9, 2025
09 Sep 2025 10:52 AM (IST)
सीएएफए नॅशनल कॅम्प फुटबॉलचा काल ब्राँझ मेडल्स सामना पार पडला. हा सामना भारत विरुद्ध ओमन या देशात दोन देशांमध्ये खेळवण्यात आला होता. कतार विरुद्ध झालेल्या वादग्रस्त सामन्यानंतर भारताचे संघाने दमदार कामगिरी करत कास्यपदक नावावर केले आहे. भारत विरुद्ध ओमन यांच्यामध्ये झालेला हा सोमवारी 8 सप्टेंबर रोजी सामना टीम इंडिया साठी ऐतिहासिक ठरला. टीम इंडिया नेहा सामना 31 वर्षानंतर ओमानविरुद्ध जिंकला.
09 Sep 2025 10:43 AM (IST)
पुणे कृषी उत्पन्न बाजार समितीत पालकमंत्री अजित पवार यांच्या नावाखाली संचालक मंडळाने गैरकारभार करत तब्बल २०० कोटींचा भ्रष्ट्राचार केला आहे. या घोटाळ्यात अधिकारी सामील असून मंत्रालयापर्यंत हफ्ते दिले जात असल्याचा आरोप आमदार रोहित पवार यांनी पत्रकार परिषदेत केला. बाजार समितीत होणारी शेतकर्‍यांची लूट थांबली पाहिजे. यावर शासनाकडून कार्यवाही न झाल्यास पंधरा दिवसांत मोठे शेतकरी आंदोलन उभारले जाईल. हे आंदोलन अराजकीय असेल, असा इशाराही त्यांनी दिला. बातमी सविस्तर वाचा...
09 Sep 2025 10:36 AM (IST)
राज्यात हजारो शिक्षक कार्यरत आहेत. आगामी 2025-26 या शैक्षणिक सत्राची शिक्षक संचमान्यता आधार-आधारित विद्यार्थी संख्येवरच केली जाणार आहे. मात्र, विद्यार्थ्यांची आधार पडताळणी (व्हॅलिडेशन) पूर्ण करण्यासाठी केवळ 20 दिवस शिल्लक आहे. असे असताना राज्यातील तब्बल सात लाख विद्यार्थ्यांचे आधार क्रमांक अवैध ठरले आहेत. आता त्यांचे आधार दुरूस्त करून व्हॅलिडेशन न झाल्यास शेकडो शिक्षकांच्या नोकऱ्या धोक्यात येण्याची भीती आहे.
09 Sep 2025 10:27 AM (IST)
कालच्या भागानंतर आता अमाल मलिक हा झिशान कादरी आणि बशीर अली यांच्यासोबत पाहायला मिळणार आहे. प्रोमोमध्ये सुरुवातीलाच अमाल म्हणतो की जिथे लोक त्या गोष्टीसाठी पात्र असतात तिथे उभे राहणे गरजेचे आहे. सिनियर आहे कुनिका म्हणुन मी काही बोलत नाही. ही रडत होती पण हे दोघे नाही गेले ना तिला काही बोलायला. बातमी सविस्तर वाचा...
09 Sep 2025 10:15 AM (IST)
शहापूर तालुक्यातील कासेगाव परिसरात समृद्धी महामार्गावर भीषण अपघात झाल्याचे समोर आले आहे. या भीषण अपघातात दोघांचा जागीच मृत्यू झाला आहे. दोन ट्रकांमध्ये झालेल्या भीषण अपघातात ट्रक चालक आणि क्लिनर या दोघांचा मृत्यू झाला आहे. हा अपघात नागपूरहून मुंबईच्या दिशेने जात असतांना मध्यरात्रीच्या सुमारास घडली आहे. घटनेची माहिती मिळतातच घटनास्थळी जीव रक्षक पथक घटनास्थळी दाखल होत मदत कार्य सुरु केले आहे. बातमी सविस्तर वाचा...
09 Sep 2025 10:06 AM (IST)
आयुष कोमकर हत्या प्रकरणानंतर पुण्यात गँगवारची पुन्हा चर्चा सुरू झाली असताना, पोलिसांनी जलदगतीने कारवाई करत मुख्य आरोपींसह सात जणांना बेड्या ठोकल्या आहेत. पुणे पोलिसांच्या गुन्हे शाखेने बुलढाण्यात मध्यरात्री ही कारवाई केली. अटक करण्यात आलेल्यांमध्ये आंदेकर टोळीचा म्होरक्या बंडू आंदेकर याच्यासह सहा साथीदारांचा समावेश आहे. गुन्हे शाखेच्या पथकाने गुप्त माहितीच्या आधारे ही धाडसी कारवाई केली.
09 Sep 2025 10:00 AM (IST)
वाशीम जिल्ह्यातून एक धक्कदायक घटना समोर आली आहे. पत्नीला दवाखान्यात नेण्याच्या मामुली वादातून पतीने पत्नीवर धारदार शास्त्राने वार करून तिची हत्या केली. नंतर स्वतः गळफास घेऊन आत्महत्या केल्याचं समोर आलं आहे. ही घटना वाशीम जिल्ह्यंक्तही कोठारी गावात घडली आहे. या घटनेने वाशीम जिल्ह्या हादरून गेला आहे.
09 Sep 2025 09:57 AM (IST)
८ सप्टेंबर रोजी शेअर बाजारात मोठी वाढ झाल्याचे पाहायला मिळाले. काल शेअर बाजाराची सुरुवात देखील सकारात्मक झाली होती. तज्ज्ञांनी असा अंदाज वर्तवला आहे की, आज ९ सप्टेंबर रोजी देखील शेअर बाजार सकारात्मक पातळीवर उघडणार आहे. जागतिक बाजारातील उत्साहवर्धक संकेतांमुळे मंगळवारी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, सकारात्मक पातळीवर उघडण्याची शक्यता आहे.
09 Sep 2025 09:50 AM (IST)
हिंगोली : गेल्या काही दिवसांपासून राजकारणात विविध घडामोडी घडत आहेत. सत्ताधारी आणि विरोधकांकडून एकमेकांवर टीकाटिप्पणी केली जात आहे. असे असताना सत्ताधारी शिवसेनेचे विधानपरिषदेचे आमदार हेमंत पाटील यांनी टीका करत सरकारलाच घराचा आहेर दिला. ‘आमदार टक्केवारी घेतात तसेच विकासही रोखतात’, असे त्यांनी म्हटले आहे.
09 Sep 2025 09:43 AM (IST)
भारतात आज 9 सप्टेंबर रोजी 24 कॅरेट सोन्याच्या प्रति ग्रॅमचा दर 10,837 रुपये, 22 कॅरेट सोन्याच्या प्रति ग्रॅमचा दर 9,934 रुपये आणि 18 कॅरेट सोन्याच्या प्रति ग्रॅमचा दर 8,128 रुपये आहे. भारतात काल 8 सप्टेंबर रोजी 24 कॅरेट सोन्याच्या प्रति ग्रॅमचा दर 10,848 रुपये, 22 कॅरेट सोन्याच्या प्रति ग्रॅमचा दर 9,944 रुपये आणि 18 कॅरेट सोन्याच्या प्रति ग्रॅमचा दर 8,136 रुपये होता.
09 Sep 2025 09:37 AM (IST)
संभाजीनगर : मराठवाडा मुक्ती संग्राम दिन दरवर्षी साजरा केला जातो. मात्र, यंदाचा हा दिवस बीड जिल्ह्यासाठी खास राहणार आहे. त्यांचे एक मोठे स्वप्न त्या दिवशी पूर्ण होणार आहे. अनेक दशकांपासून प्रतीक्षेत असलेल्या बीड-अहिल्यानगर डेमू रेल्वे सेवेचा लवकरच शुभारंभ या दिवशी होत आहे. या रेल्वे सेवेचे उद्घाटन राज्याचे उपमुख्यमंत्री आणि बीड जिल्ह्याचे पालकमंत्री अजित पवार यांच्या हस्ते होणार आहे.
09 Sep 2025 09:30 AM (IST)
आशिया कप २०२५ आजपासून सुरू होत आहे. या स्पर्धेसाठी सर्वच क्रिकट चाहते फारच उत्सुर आहेत. चॅम्पियन ट्राॅफी आणि वर्ल्ड टेस्ट चॅम्पियनशिपनंतर पहिल्यांदाच आता मोठी स्पर्धा पाहायला मिळणार आहे. यावेळी आशिया कप टी-२० स्वरूपात खेळला जात आहे. या स्पर्धेची सुरुवात अफगाणिस्तान आणि हाँगकाँग यांच्यातील सामन्याने होईल. या दोन्ही संघांचा गट-ब मध्ये समावेश आहे. हा सामना अबू धाबी येथील झायेद क्रिकेट स्टेडियमवर खेळला जाईल.
09 Sep 2025 09:23 AM (IST)
नवी दिल्ली : जगदीप धनखड यांनी राजीनामा दिल्यानंतर रिक्त झालेल्या उपराष्ट्रपतिपदाची निवडणूक आज होत आहे. विरोधी गटातील इंडिया आघाडी व सत्ताधारी एनडीएने सोमवारी जोरदार तयारी केल्याचे दिसून आले. सत्ताधारी एनडीएकडून महाराष्ट्राचे विद्यमान राज्यपाल सी. पी. राधाकृष्णन विरूद्ध इंडिया आघाडीकडून सुदर्शन रेड्डी यांच्यात प्रमुख लढत होत आहे. या निवडणुकीची मतमोजणी आजच होणार आहे. त्यानुसार, आज देशाला नवे उपराष्ट्रपती मिळणार आहेत.
Marathi Breaking news live updates- मराठा समाजाला “कुणबी-मराठा” या स्वरूपात ओबीसीमध्ये आरक्षण देण्यास मराठा क्रांती मोर्चाने स्पष्ट विरोध दर्शवला आहे. राज्य समन्वयक सुनील नागणे यांनी नाव न घेता मनोज जरांगे-पाटील यांच्यावर टीका केली असून, “मराठा समाजाला गोंधळात टाकण्याचे प्रयत्न आमच्याच समाजातील काहीजण करत आहेत,” असा आरोप त्यांनी केला. नागणे म्हणाले की, “कुणबी प्रमाणपत्र ही कोणतीही शाश्वत बाब नसून, ते कधीही रद्द होऊ शकते. त्यामुळे समाजाला भ्रमात ठेवण्याऐवजी थेट ‘मराठा’ म्हणूनच आरक्षण द्यावे, ही आमची स्पष्ट भूमिका आहे. त्याचबरोबर, राजकीय पक्षांनीही मराठा समाजाच्या आरक्षणाच्या मुद्द्यावर भूमिका स्पष्ट करावी, अशी मागणी मोर्चाने केली आहे.
