बुधवार, 24 जून 2026
Marathi Breaking news updates: नेपाळच्या माजी मुख्य न्यायाधीश सुशीला कार्की यांनी नेपाळच्या अंतरिम पंतप्रधान म्हणून शपथ घेतली. शितल निवास येथे झालेल्या समारंभात राष्ट्रपती राम चंद्र पौडेल यांनी त्यांना पद आणि गोपनीयतेची शपथ दिली. देशासमोरील राजकीय आणि आर्थिक आव्हानांना तोंड देण्यासाठी प्रतिष्ठित माजी मुख्य न्यायाधीश कार्की यांची निवड करण्यात आली आहे.
13 Sep 2025 06:41 PM (IST)
Islamic NATO : कतारमध्ये इस्रायलने केलेल्या हवाई हल्ल्याने आखाती देशांच्या राजकारणाला अक्षरशः हादरा दिला आहे. हमासच्या नेतृत्वाला लक्ष्य करण्याच्या नावाखाली राजधानी दोहा येथे झालेल्या या बॉम्बस्फोटाने फक्त कतारच नव्हे तर संपूर्ण अरब जग संतप्त झाले आहे. “ही लाल रेषा ओलांडली गेली आहे,” असे अनेक अरब तज्ज्ञ स्पष्टपणे म्हणू लागले आहेत. आता या हल्ल्याला सामूहिक पातळीवर उत्तर द्यायचे का, हा मोठा प्रश्न आखाती देशांसमोर उभा आहे.
13 Sep 2025 06:28 PM (IST)
Maratha Reservation: मनोज जरांगे पाटील यांनी मराठा समाजाला आरक्षण मिळावे यासाठी मोठे आंदोलन उभे केले होते. आरक्षण मिळाल्याशिवाय मुंबई सोडणार नाही असा निर्धार तयांनी केला होता. अखेर राज्य सरकारने मनोज जरांगे पाटील यांच्या 8 पैकी 6 मागण्या मान्य करत मराठा आरक्षणाचा जीआर काढला. मात्र यावरून राजकारण तापले आहे. ओबीसी समाज देखील या जीआरविरुद्ध आक्रमक झाला आहे. तसेच छत्रपती संभाजीनगरमध्ये लागलेल्या एका बॅनरची जोरदार चर्चा सुरू झाली आहे. या बॅनरमुळे पुन्हा आरक्षणचा वाद पेटण्याची शक्यता आहे.
13 Sep 2025 06:02 PM (IST)
सुझुकी मोटरसायकलने त्यांची लोकप्रिय स्पोर्टी स्कूटर सुझुकी एवेनिस एका नवीन अंदाजात सादर केली आहे. कंपनीने अॅनिमे मालिकेतील नारुतो शिपुडेनसोबत एक विशेष पार्टनरशिप केली आहे. केवळ जपानमध्येच नाही तर जगभरात प्रसिद्ध असलेला हा अॅनिमे आता भारतातील तरुणांना सुझुकीच्या नवीन थीमशी जोडणार आहे. हा खास स्कूटर फक्त 94 000 रुपयांच्या एक्स-शोरूम किमतीत लाँच करण्यात आला आहे.
13 Sep 2025 05:57 PM (IST)
Sergio Gor US envoy controversy : अमेरिकेचे माजी राष्ट्रीय सुरक्षा सल्लागार जॉन बोल्टन यांनी पुन्हा एकदा राष्ट्राध्यक्ष डोनाल्ड ट्रम्प यांच्यावर कठोर टीका केली आहे. भारतातील पुढील अमेरिकन राजदूत म्हणून सर्जियो गोर यांची नियुक्ती करण्याच्या निर्णयावर बोल्टन यांनी थेट आक्षेप नोंदवला आहे. त्यांचे म्हणणे आहे की, गोर या पदासाठी लायक नाहीत आणि अनुभवहीन आहेत. बोल्टन यांनी एएनआयशी संवाद साधताना म्हटले की, भारतासारख्या महत्त्वाच्या देशाशी संबंध सांभाळण्यासाठी योग्य राजनैतिक अनुभव आवश्यक असतो. मात्र ट्रम्प यांनी केलेली निवड ही केवळ राजकीय जवळिकीवर आधारित आहे.
13 Sep 2025 05:45 PM (IST)
पंतप्रधान नरेंद्र मोदी आणि त्यांच्या आईशी मिळता जुळत्या एआय व्हिडिओवरून नव्या वादाला तोंड फुटले आहे. बिहार कॉंग्रेसच्या अधिकृत पेजवर हा व्हिडीओ पोस्ट करण्यात आला आहे. त्यानंतर भाजपाने काँग्रेसविरोधात आक्रमक पवित्रा घेत निषेध नोंदवला आहे .कल्याण मध्ये भाजप महिला आघाडीच्या वतीने काटेमानवली येथे काँग्रेसचा निषेध नोंदवला.यावेळी महिला कार्यकर्त्यांनी हातात निषेधाचा फलक घेत “माताजी का ये अपमान नहीं सहेगा हिंदुस्थान ” शरम करो शरम करो काँग्रेस पार्टी शरम करो ,महिला के सन्मान मे भाजप मैदान मे अशा जोरदार घोषणाबाजी केली
13 Sep 2025 05:41 PM (IST)
SadaBhau Khot On Devendra Fadnavis: आमदार सदाभाऊ खोत यांनी मुख्यमंत्री देवेंद्र फडणवीस यांच्याबाबत एक विधान केले आहे. मुख्यमंत्री देवेंद्र फडणवीस यांचे कौतुक सदाभाऊ खोत यांनी केले आहे. मुख्यमंत्री देवेंद्र फडणवीस यांच्यामुळेच मी आमदार झालो अशी भावना सदाभाऊ खोत यांनी व्यक्त केली आहे. देवेंद्र फडणवीस यांचे आडनाव फडणवीस आहे, म्हणूनच मी आमदार झालो, असे खोत म्हणाले. मात्र आता या विधानाने राजकारण तपण्याची शक्यता आहे.
13 Sep 2025 05:33 PM (IST)
हैदराबाद गॅझेटवरून काढलेल्या जीआर विरोधात हायकोर्टात तीन याचिका दाखल झाल्या आहे. यावर मंत्री उदय सामंत यांनी प्रतिक्रिया दिली आहे. राज्याचे उद्योग मंत्री उदय सामंत हे काल रात्री उशिरा अहिल्यानगर शहरात कार्यक्रमानिमित्त उपस्थित होते. यावेळी त्यांनी माध्यमांशी संवाद साधला. यावेळी ओबीसी समाजाचे कुठले आरक्षण कमी होऊ नये ही दक्षता घेऊन जीआर काढण्यात आला असल्याचं त्यांनी म्हटले आहे. जर काही शंका असेल तर समितीचे अध्यक्ष विखे पाटील शंका दूर करतील, तसेच वेळ पडल्यास दोन्ही समितीचे अध्यक्ष एकत्र चर्चा करून शंका दूर करू शकतात असं सामान त्यांनी म्हटल आहे. तसेच ओबीसींवर अन्याय होणार नाही ही महायुती सरकारची भूमिका असल्याचं त्यांनी सांगितलं आहे.
13 Sep 2025 05:24 PM (IST)
Women's Hockey Asia Cup 2025 : भारतीय संघ महिला हॉकी आशिया कपमध्ये भारतीय महिला संघ अंतिम फेरीत पोहचला. भारताने सुपर-४ च्या शेवटच्या सामन्यात भारताने जपानसोबत १-१ अशी बरोबरी साधून अंतिम फेरीत धडक मारली आहे.
13 Sep 2025 05:20 PM (IST)
२०१२ मध्ये आलेल्या ‘कॉकटेल’ चित्रपटाने त्याच्या कथेने, संगीताने आणि स्टारकास्टने प्रेक्षकांची मने जिंकली. आता दिग्दर्शक होमी अदजानिया त्याचा सिक्वेल घेऊन परतत आहेत, ज्यामध्ये यावेळी शाहिद कपूर, क्रिती सेनन आणि रश्मिका मंदान्ना हे कलाकार दिसणार आहेत. ‘कॉकटेल २’ बद्दल अपडेट आल्यापासून या स्टार्सचे चाहते खूप उत्सुक आहेत. तसेच ही बातमी ऐकून चाहते देखील आता खुश झाले आहेत.
13 Sep 2025 05:15 PM (IST)
कामधेनू ब्रँडअंतर्गत विक्री केल्या जाणाऱ्या टीएमटी बारची गुजरातमधील उत्पादक व्हीएमएस टीएमटी लिमिटेड (‘कंपनी’)ने आज त्यांच्या आगामी इनिशियल पब्लिक ऑफरिंग (आयपीओ)साठी प्रति इक्विटी शेअर ९४ रूपये ते ९९ रूपये प्राइस बँड जाहीर केला. हा इश्यू बुधवार, १७ सप्टेंबर २०२५ रोजी सबस्क्रिप्शनसाठी सुरू होईल आणि शुक्रवार, १९ सप्टेंबर २०२५ रोजी बंद होईल. अँकर गुंतवणूकदार बोली मंगळवार, १६ सप्टेंबर २०२५ रोजी सुरू होईल.
13 Sep 2025 05:09 PM (IST)
बोईसर तारापूर एमआयडीसी परिसरातील प्लॉट क्र. D-15 (क्लोथवेरी प्रिंटिंग कारखाना) येथून घातक रासायनिक पाण्याची बेकायदेशीर विल्हेवाट लावल्याचा आरोप सालवड ग्रामपंचायतीने केला आहे.१२ सप्टेंबरच्या मध्यरात्री ग्रामपंचायत सदस्यांनी संशयित टॅंकर पकडून बोईसर पोलिसांच्या ताब्यात दिला. जिल्हाधिकाऱ्यांच्या आदेशानुसार संध्याकाळी ६ ते सकाळी ६ दरम्यान टॅंकर बंदी असतानाही हा टॅंकर औद्योगिक क्षेत्रात शिरल्याची माहिती समोर आली आहे.या बेकायदेशीर सांडपाण्यामुळे सालवड पास्थळ गावातील कुपनलिकेत रासायनिक पाणी आढळल्याने जलप्रदूषणाचा धोका गंभीर झाला आहे. स्थानिकांनी अशा टॅंकरमुळे पाणीपुरवठा व आरोग्यावरील धोक्याबाबत चिंता व्यक्त केली आहे.बोईसर पोलिसांचे सहाय्यक निरीक्षक सतिश अस्वर यांनी या प्रकरणी तपास सुरू असल्याचे सांगितले.
13 Sep 2025 05:00 PM (IST)
KDMC उंबर्डे घनकचरा प्रकल्पात बाहेरून येणाऱ्या कचरा गाड्या स्थानिकांनी रोखून धरल्या. बाहेरून येणारा कचरा येथे नको असा पवित्रा स्थानिक नागरिकांनी घेतला होता.
13 Sep 2025 04:50 PM (IST)
नागपूर जिल्हा सत्र न्यायालय परिसराबाहेर शुक्रवारी संध्याकाळी मोठी घटना घडली. न्यायाधीश श्रीधर मौदेकर यांच्या कारला अचानक भीषण आग लागल्याने परिसरात क्षणभरातच खळबळ उडाली. मात्र प्रसंगावधानाने आणि दमकल दलाच्या तत्परतेने मोठा अनर्थ टळला.
13 Sep 2025 04:45 PM (IST)
अंबरनाथ मधील एका जिल्हा परिषदेच्या शाळेतील आदिवासी विद्यार्थ्यांची शिष्यवृत्ती पालकांची बनावट सही आणि अंगठ्याचे ठसे वापरुन परस्पर लाटल्याचा धक्कादायक आरोप पालकांनी केला आहे. याबाबत विद्यार्थ्यांचे पालक आणि वांगणी मनविसेच्या विभाग अध्यक्षांनी अंबरनाथ पंचायत समितीच्या गट शिक्षण अधिकाऱ्यांकडे शाळेची तक्रार केली आहे.
13 Sep 2025 04:35 PM (IST)
नितेश राणे यांचा मोठा आरोप – ठाकरेंनी असलम शेख यांना उपमुख्यमंत्री पदाचे आश्वासन दिले होते. तसेच भारत-पाक मॅचवरून ठाकरेंवर जोरदार टीका – "आदित्य ठाकरे उद्या बुरख्यात मॅच पाहतील" अशी खोचक टीप्पणी.
13 Sep 2025 04:30 PM (IST)
भारत सरकार च्या वित्त विभागाच्या निर्देशानुसार खोपोलीत सर्व बँकाचे शिबीर संपन्न. अर बी आय चे एकझीक्युटीव्ह डायरेक्टर नीरज निगम यांची उपस्थिती. भारत सरकारच्या वित्त विभागाच्या निर्देशानुसार आज खोपोली शहरात बँकाचे शिबीर आयोजित करण्यात आले होते. या शिबिरात शहरातील जवळपास बारा प्रमुख बँकानी भाग घेतला.
13 Sep 2025 04:25 PM (IST)
बोईसर तारापूर एमआयडीसी परिसरातील प्लॉट क्र. D-15 (क्लोथवेरी प्रिंटिंग कारखाना) येथून घातक रासायनिक पाण्याची बेकायदेशीर विल्हेवाट लावल्याचा आरोप सालवड ग्रामपंचायतीने केला आहे. १२ सप्टेंबरच्या मध्यरात्री ग्रामपंचायत सदस्यांनी संशयित टॅंकर पकडून बोईसर पोलिसांच्या ताब्यात दिला. जिल्हाधिकाऱ्यांच्या आदेशानुसार संध्याकाळी ६ ते सकाळी ६ दरम्यान टॅंकर बंदी असतानाही हा टॅंकर औद्योगिक क्षेत्रात शिरल्याची माहिती समोर आली आहे.
13 Sep 2025 04:15 PM (IST)
खड्डे, दररोजची होणारी वाहतूक कोंडी आणि अवजड वाहनांमुळे रस्त्याची झालेली बिकट अवस्था अशा अनेक कारणांमुळे ठाणेकर अक्षरश हैराण झाला आहे. या संकटातून बाहेर पडण्यासाठी घोडबंदरवासीय अखेर आज रस्त्यावर उतरले. सकाळी 9 वाजता आनंदनगर नाक्यावर शांततेत निषेध आंदोलन करण्यात आले असून आपल्या व्यथा प्रशासनापर्यंत पोहोचवल्या आहेत.
13 Sep 2025 04:10 PM (IST)
बोईसर तारापूर एमआयडीसी परिसरातील प्लॉट क्र. D-15 (क्लोथवेरी प्रिंटिंग कारखाना) येथून घातक रासायनिक पाण्याची बेकायदेशीर विल्हेवाट लावल्याचा आरोप सालवड ग्रामपंचायतीने केला आहे. १२ सप्टेंबरच्या मध्यरात्री ग्रामपंचायत सदस्यांनी संशयित टॅंकर पकडून बोईसर पोलिसांच्या ताब्यात दिला. जिल्हाधिकाऱ्यांच्या आदेशानुसार संध्याकाळी ६ ते सकाळी ६ दरम्यान टॅंकर बंदी असतानाही हा टॅंकर औद्योगिक क्षेत्रात शिरल्याची माहिती समोर आली आहे.
13 Sep 2025 04:05 PM (IST)
बीडच्या शृंगारवाडी येथे ओबीसी नेते लक्ष्मण हाके यांनी ओबीसी आरक्षणासाठी बलिदान दिलेल्या तरुणाला श्रद्धांजली अर्पण केली. यावेळी त्यांनी मराठा नेते मनोज जरांगे यांच्यावर निशाणा साधला.
13 Sep 2025 04:05 PM (IST)
Manipur News: पंतप्रधान नरेंद्र मोदी आज मणिपूर राज्याच्या दौऱ्यावर होते. गेल्या वर्षी मणिपूरमध्ये मोठ्या प्रमाणात हिंसाचार उफाळून आला होता. त्यानंतर जवळपास वर्षभराने पंतप्रधान नरेंद्र मोदी हे मणिपूर दौऱ्यावर आले होते. यावेळी त्यांनी 8,500 कोटींच्या विकासकामांचे उद्घाटन आणि लोकार्पण केले आहे. तसेच चुराचांदपुर येथील सभेला मोदींनी संबोधित केले आहे. तसेच त्यांनी यावेळी शांततेचे आवाहन देखील केले आहे.
13 Sep 2025 03:09 PM (IST)
Terrorist Attack In Pakistan: पाकिस्तानला पुन्हा एकदा दहशतवादी हल्ल्याचा सामना करावा लागला आहे. पाकिस्तानच्या दक्षिण वाजिरीस्तान या भागात दहशतवाद्यांनी मोठा हल्ला केला आहे. बॉम्ब ब्लास्ट करत सैनिकांची बस उडवून दिली आहे. त्यामुळे या परिसरात एकच खळबळ उडाली आहे.
13 Sep 2025 02:55 PM (IST)
आयकर विवरणपत्र (ITR) फाईलिंगच्या सिझनसोबत करदात्यांवरील कागदपत्रांचे ओझे वाढतेच, पण त्याचवेळी टॅक्स घोटाळ्यांचा धोका देखील वाढतो. सायबर गुन्हेगार या काळातील गोंधळ, अंतिम मुदतीची भीती आणि टॅक्स परताव्याच्या आनंदाचा गैरफायदा घेतात. ते लोकांना वैयक्तिक माहिती उघड करण्यास, दुर्भावनापूर्ण लिंक्सवर क्लिक करण्यास किंवा बनावट शुल्क भरण्यास प्रवृत्त करतात. परिणामी वापरकर्त्यांना फिशिंगच्या प्रयत्नांना बळी पडण्याचा, ओळख चोरीचा किंवा आर्थिक नुकसानीचा धोका संभवतो. सायबर तज्ज्ञांच्या माहितीनुसार, गुन्हेगार टॅक्स व्यावसायिक, सरकारी संस्था किंवा परतावा सेवा यांचे सोंग आणून वापरकर्त्यांचा वैयक्तिक डेटा, पैसे किंवा टॅक्स परतावा चोरतात.
13 Sep 2025 02:50 PM (IST)
आज पूर्वेकडील राज्य असलेल्या मिझोराम देशासाठी अत्यंत आनंदाची बातमी आहे. तेथील नागरिकांसाठी खुशखबर आहे. आज ऐतिहासिक दिवस असून, मिझोराम राज्य पहिल्यांदाच रेल्वेच्या नकाशावर आले आहे. आजपासून मिझोराम राज्यात रेल्वे धावणार आहे. पंतप्रधान नरेंद्र मोदी यांनी मिझोरामला ही छान भेट दिली आहे.पंतप्रधान नरेंद्र मोदी आज पूर्वोत्तर राज्यांच्या दौऱ्यावर आहेत. आज त्यांनी मणिपूरला देखील भेट दिली आहे. त्यानंतर त्यांनी मिझोराम राज्याचा दौरा केला आहे. मिझोराम राज्यात पंतप्रधान नरेंद्र मोदी यांनी तब्बल 9 हजार कोटींच्या विकासकामांचे लोकार्पण व उद्घाटन केले आहे.
13 Sep 2025 02:45 PM (IST)
पाकिस्तानचे पंतप्रधान शाहबाज शरीफ यांनी शनिवारी मोठी घोषणा केली. २०२७ मध्ये पाकिस्तान शांघाय सहकार्य संघटनेच्या (SCO) शिखर परिषदेचे आयोजन करणार आहे. रावळपिंडीतील एका रस्ते विकास प्रकल्पाच्या उद्घाटनप्रसंगी त्यांनी ही घोषणा केली. इस्लामाबादला आंतरराष्ट्रीय दर्जाचे स्वरूप देण्यासाठी आतापासून तयारी सुरू करण्याची सूचना शरीफ यांनी दिली. यापूर्वी चीनच्या तियानजिन येथे नुकतीच SCO परिषद झाली होती. त्यानंतर केवळ दोन आठवड्यांत पाकिस्तानने पुढील शिखर परिषदेबाबत तयारी दाखवून दिली आहे. या तियानजिन परिषदेच्या वेळी पाकिस्तानने सिंधू पाणी कराराचा मुद्दा मांडला होता. एप्रिल महिन्यात जम्मू-काश्मीरमधील पहलगाम येथे झालेल्या दहशतवादी हल्ल्यानंतर भारताने हा करार स्थगित केला होता. त्या हल्ल्यात २६ जणांचा बळी गेला होता.
13 Sep 2025 02:44 PM (IST)
PM Narendra Modi: आज पूर्वेकडील राज्य असलेल्या मिझोराम देशासाठी अत्यंत आनंदाची बातमी आहे. तेथील नागरिकांसाठी खुशखबर आहे. आज ऐतिहासिक दिवस असून, मिझोराम राज्य पहिल्यांदाच रेल्वेच्या नकाशावर आले आहे. आजपासून मिझोराम राज्यात रेल्वे धावणार आहे. पंतप्रधान नरेंद्र मोदी यांनी मिझोरामला ही छान भेट दिली आहे.
13 Sep 2025 02:33 PM (IST)
मराठी सिनेसृष्टीतील लोकप्रिय अभिनेत्री प्रिया मराठेचे 31 ऑगस्ट रोजी पहाटे कर्करोगामुळे निधन झाले. प्रियाने वयाच्या 38 व्या वर्षी मीरा रोड येथील राहत्या घरात अखेरचा श्वास घेतला. तिच्या अचानक झालेल्या निधनामुळे सहकलाकार आणि चाहत्यांना मोठा धक्का बसला. प्रिया गेल्या कित्येक वर्षांपासून कर्करोगाशी झुंज देत होती. 31 ऑगस्टरोजी तिची ही झुंज अपयशी ठरली.
13 Sep 2025 02:15 PM (IST)
गेल्या काही दिवसांमध्ये देशभरात पावसाचा जोर कमी झाल्याचे चित्र पहायला मिळत होते. मात्र आता भारतीय हवामान विभागाने पुढील दोन ते तीन दिवस देशातील अनेक राज्यांमध्ये मुसळधार पावासाचा इशारा दिला आहे. पंजाब, दिल्ली या राज्यांना पुराचा फटका देखील बसला. राजधानी दिल्लीत देखील हवामानात बदल होण्याची शक्यता आहे. भारतीय हवामान विभागाने पुढील 72 तास म्हणजे तीन दिवस देशभरातील अनेक राज्यांमध्ये मुसळधार पावसाचा इशारा दिला आहे. राजधानी दिल्लीत दोन दिवसांपासून पावसाने विश्रांती घेतल्याचे चित्र निर्माण झाले होते. मात्र आता पुढील तीन दिवस राज्यात पावसाचा जोर वाढणार आहे. त्यामुळे नागरिकांना उकाड्यापासून दिलासा मिळणार आहे.
13 Sep 2025 02:05 PM (IST)
मध्य प्रदेशातून एक महत्त्वाची अपडेट समोर आली आहे. मुख्यमंत्री मोहन यादव एका कार्यक्रमासाठी मंदसौर जिल्ह्यात गेले होते. याठिकाणी एका गरम हवेचा फुग्यात (Hot Air Balloon) स्वार होण्यासाठी गेले होते. पण फुगा फुगवताना अचानक फुग्याला आग लागली. यावेळी मोहन यादव यांच्या सुरक्षा रक्षकांनी तातडीने त्यांना सुरक्षितरित्य बाहेर काढले आणि पुढचा अनर्थ टळला. पण अचानक फुग्याला आग लागल्यामुळे त्याठिकाणी एकच गोंधळ उडाला होता. दरम्यान, फुग्याच्या खालच्या भागात आग लागली. मुख्यमंत्री पूर्णपणे सुरक्षित आहेत.
13 Sep 2025 01:50 PM (IST)
दशावतार या बहुप्रतिक्षित सिनेमाची प्रेक्षक आतुरतेने वाट पाहत होतं, अखेर हा सिनेमा 12सप्टेंबर प्रेक्षकांच्या भेटीला आला आहे. या चित्रपटाने 12 सप्टेंबरला एक दोन नाही तर तब्बल तीन मराठी सिनेमे रिलीज झालेत. बॉक्स ऑफिसवर सध्या हिंदी सोबतच मराठी चित्रपटांची तगडी स्पर्धा रंगल्याचे पाहायला मिळत आहे. शुक्रवारी मराठीमध्ये एक नाही तर तीन चित्रपट प्रेक्षकांच्या भेटीला आले आहेत. दशावतार, आरपार, आणि बिन लग्नाची गोष्ट असे तीन तीन मराठी चित्रपट शुक्रवारी प्रदर्शित झाले आहेत.
13 Sep 2025 01:30 PM (IST)
प्रेमसंबंधांत अनेकदा अनेक जोडपी शारिरीक संबंध प्रस्थापित करतात पण नंतर काही कारणास्तव वेगळे झाल्यास पुरूषांना बलात्काराची धमकी दिली जाते. असे अनेक प्रकार आतापर्यंत उघडकीस आले आहेत. या सर्व प्रकरणात महिला आणि पुरूष दोघांनाही मानसिक त्रासही सहन करावा लागतो. अशाच एका प्रकरणात अहलाहाबाद उच्च न्यायालयाने एक महत्त्वाची टिपण्णी दिली आहे. “दीर्घकालीन संमतीने प्रेमसंबंधात शारीरिक संबंधांना बलात्कार मानले जाऊ शकत नाही.” असे अलाहाबाद उच्च न्यायालयाने म्हटले आहे. महोबा जिल्ह्यातील एका महिलेने तिच्या सहकारी लेखपालविरुद्ध दाखल केलेली याचिका फेटाळताना न्यायमूर्ती अरुण कुमार सिंह देशवाल यांच्या खंडपीठाने ही टिप्पणी केली.
13 Sep 2025 01:25 PM (IST)
जुनैद खान आणि साई पल्लवी लवकरच ‘मेरे रहो’ चित्रपटात दिसणार आहेत. हा चित्रपट आमिर खान आणि मन्सूर खान यांनी संयुक्तपणे तयार केला आहे. तब्बल १७ वर्षांनी आमिर खान आणि मन्सूर खान हे दोन्ही भाऊ प्रेक्षकांसाठी काहीतरी खास घेऊन येत आहे. हा चित्रपट आता लवकरच सिनेमागृहात प्रदर्शित होणार आहे. याबद्दलची संपूर्ण माहिती आता आपण जाणून घेणार आहोत.
13 Sep 2025 01:20 PM (IST)
आजच्या डिजिटल युगात आर्टिफिशियल इंटेलिजेंस (AI) केवळ तंत्रज्ञानापुरते मर्यादित राहिलेले नाही. औद्योगिक क्षेत्र, आरोग्यसेवा, शिक्षण या सर्व क्षेत्रांमध्ये AI क्रांती घडवत आहे. मात्र आता राजकारण आणि शासन व्यवस्थेतदेखील कृत्रिम बुद्धिमत्तेचा (AI) औपचारिक प्रवेश झाला आहे. आणि हा ऐतिहासिक पाऊल टाकणारा पहिला देश ठरला आहे अल्बेनिया. अल्बेनियाने आपल्या कॅबिनेटमध्ये व्हर्च्युअल एआय मंत्री “डिएला” यांची नियुक्ती करून जागतिक स्तरावर नवा आदर्श निर्माण केला आहे. तिच्यावर सर्वात महत्त्वाची जबाबदारी सोपवण्यात आली आहे सरकारी करारांमधील भ्रष्टाचार रोखणे आणि पारदर्शकता सुनिश्चित करणे.
13 Sep 2025 01:18 PM (IST)
चिपळूण : महाराष्ट्र शासनाने मांडलेल्या जनसुरक्षा विधेयकाच्या विरोधात चिपळूण शहरातील छत्रपती शिवाजी महाराज पुतळा येथे महाविकास आघाडी तर्फे तीव्र आंदोलन करण्यात आले. या वेळी कार्यकर्त्यांकडून शासनाविरोधात घोषणाबाजी करण्यात आली व निषेध व्यक्त करण्यात आला.
13 Sep 2025 01:17 PM (IST)
शिवसेनेच्या (उद्धव बाळासाहेब ठाकरे) खासदार प्रियांका चतुर्वेदी यांनी १४ सप्टेंबर रोजी दुबईमध्ये होणाऱ्या भारत-पाकिस्तान क्रिकेट सामन्याला तीव्र विरोध केला आहे. अलिकडच्या दहशतवादी कारवाया लक्षात घेऊन सामना रद्द करण्याचे आवाहन त्यांनी केले आहे. अमेरिकेत बनवलेल्या व्हिडिओमध्ये प्रियांका चतुर्वेदी यांनी आठवण करून दिली की त्यांनी सामना रद्द करण्यासाठी बीसीसीआय अध्यक्षांना पत्र लिहिले होते, कारण पाकिस्तानी क्रिकेटपटू अनेकदा त्यांच्या सोशल मीडियावर भारत आणि ऑपरेशन सिंदूरचा अपमान करताना आढळले आहेत.
13 Sep 2025 01:17 PM (IST)
व्हिटॅमिन डी हे शरीरासाठी अत्यंत महत्त्वाचे पोषक तत्व आहे. जर त्याची कमतरता असेल तर त्याचा पहिला परिणाम कॅल्शियमच्या शोषणावर होतो. जर शरीरात व्हिटॅमिन डी नसेल तर कॅल्शियम योग्यरित्या शोषले जाणार नाही आणि त्यामुळे हाडे कमकुवत होतात. व्हिटॅमिन डी रक्तदाब नियंत्रित करण्यात आणि पॅराथोर्मोन संतुलित करण्यातदेखील महत्त्वाची भूमिका बजावते. पॅराथोर्मोन कॅल्शियमचे चयापचय नियंत्रित करते. व्हिटॅमिन डीच्या कमतरतेमुळे शरीरात सूज येणे, सतत शरीरदुखी, पाठदुखी, खांदेदुखी आणि सांधेदुखी यासारख्या समस्या उद्भवू शकतात.
13 Sep 2025 01:05 PM (IST)
मिझोरममधील ऐझॉलमधील हवामान खराब आहे. अशा परिस्थितीत, पंतप्रधान ऐझॉल विमानतळावरूनच व्हिडिओ कॉन्फरन्सद्वारे ९००० कोटी रुपयांच्या प्रकल्पांची पायाभरणी आणि उद्घाटन करतील. पूर्वनियोजित कार्यक्रमानुसार, पंतप्रधान आसाम रायफल्स ग्राउंडवर जनतेला संबोधित करणार होते. खराब हवामानामुळे त्यांचे हेलिकॉप्टर विमानतळावरून बैठकीच्या ठिकाणी पोहोचू शकले नाही.
13 Sep 2025 12:55 PM (IST)
रशियाच्या कामचटका प्रदेशाच्या पूर्व किनाऱ्याजवळ ७.१ रिश्टर स्केलचा भूकंप झाला. त्याचे केंद्र १० किमी खोलीवर होते. त्यानंतर, ३०० किमीच्या परिघात असलेल्या समुद्रकिनाऱ्यांसाठी त्सुनामीचा इशारा देण्यात आला आहे.
13 Sep 2025 12:45 PM (IST)
राज्याचे मुख्यमंत्री डॉ. मोहन यादव यांनी शुक्रवारी संध्याकाळी मंदसौर जिल्ह्यातील गांधी सागर येथे गांधी सागर फॉरेस्ट रिट्रीटचे उद्घाटन केले. रात्र पडताच मुख्यमंत्र्यांनी गांधी सागर येथील हिंगलाज रिसॉर्टमध्ये रात्रीचा मुक्काम केला. आज सकाळी मुख्यमंत्र्यांनी चंबळ नदीत बोटिंग केली, त्यानंतर ते एयर बलूनवर स्वार होण्यासाठी गेले, परंतु वाऱ्याचा वेग जास्त असल्याने एयर बलून उडू शकला नाही. या दरम्यान, फुग्याच्या खालच्या भागात आग तीव्र झाली, जी तिथे उपस्थित कर्मचाऱ्यांनी विझवली. दुसरीकडे, मुख्यमंत्री डॉ. यादव ज्या ट्रॉलीमध्ये स्वार होते ती सुरक्षा रक्षकांनी हाताळली.
13 Sep 2025 12:35 PM (IST)
मुख्यमंत्री देवेंद्र फडणवीस यवतमाळ दौऱ्यावर आहेत. यवतमाळ मध्ये सुरू असलेल्या मोरारी बाप्पू यांच्या रामकथा कार्यक्रमाला सर्वात आधी उपस्थित राहणार आहेत. त्यानंतर पडणवीस हे पोस्टल ग्राउंड वर आयोजित आदिवासी विकास विभाग कार्यक्रमालाही लावणार हजेरी.
13 Sep 2025 12:25 PM (IST)
ठाण्यात वाहतूक कोंडीमुळे वाहतूक विभागाच्या विरोधात मनसे आक्रमक होणार आहे. वाहतूक विभाग वाहतूक कोंडी सोडवण्यास असमर्थ ठरलं आहे. ठाण्यातील तीन हात नाका या ठिकाणी असणाऱ्या वाहतूक विभाग कार्यालयासमोर मनसेच्या वतीने येत्या सोमवारी 15 सप्टेंबर आंदोलन करण्यात येणार आहे. यावेळी वाहतूक विभागाला देखील जाब विचारला जाणार आहे. त्यामुळे जास्तीत जास्त लोकांनी उपस्थित राहावे, असे आवाहन मनसे नेते अविनाश जाधव यांनी केले आहे.
13 Sep 2025 12:15 PM (IST)
सातारा हाफ हिल मॅरेथॉन स्पर्धा रविवारी 14 सप्टेंबर रोजी पार पडत आहे. हे या स्पर्धेचे 14 वे वर्ष आहे. याची मोठी जय्यत तयारी करण्यात आली आहे. यासाठी सध्या सातारा पोलीस कवायत मैदानावर सुरु आहे. भारतामधून आलेल्या स्पर्धकांची राहण्याची कोणतीही गैरसोय होऊ नये यासाठी आयोजकांकडून विशेष लक्ष दिले जात आहे. स्पर्धा पार पडत असताना साताराहून कास पठाराकडे जाणारा मॅरेथॉन रस्ता सकाळी सहा ते दहा या सुमारास बंद ठेवण्यात येणार असल्याची माहिती आयोजकांकडून देण्यात आली आहे.
13 Sep 2025 12:07 PM (IST)
महाराष्ट्र नवनिर्माण सेनेचे ज्येष्ठ नेते प्रकाश महाजन यांनी मनसेला सोडचिठ्ठी दिली आहे. वय झाल्यामुळे आपण थांबत असल्याचे प्रकाश महाजन यांनी म्हटलं आहे.
13 Sep 2025 12:05 PM (IST)
परळी तालुक्यातील डाबी येथील शोभा तुकाराम मुंडे या महिलेचा खून… शोभा यांचे पती तुकाराम यांनीच शोभा यांचा खून केला खून करून तुकाराम पळून गेला आहे… घटनास्थळी ग्रामीण पोलीस दाखल झाले आहेत… खून कशामुळे केला अजूनही स्पष्ट झाले नाही…
13 Sep 2025 11:55 AM (IST)
मोदींचा अपमान केल्यावरून भाजप आक्रमक… नाशिकच्या रविवार कारंजा वर भाजपाकडून घोषणाबाजी… राहुल गांधी आणि काँग्रेस विरोधात घोषणाबाजी करण्यात येत आहे.
13 Sep 2025 11:44 AM (IST)
शारदीय नवरात्र उत्सव काळात तुळजाभवानी देवीचे व्हीआयपी दर्शन महाग होणार आहे. व्हीआयपी दर्शनाच्या पासच्या किमतीत वाढ 20 सप्टेंबर पासून वाढ करण्यात आली आहे. दोनशे रुपयांचा देणगी दर्शन पास तीनशे रुपयांना मिळणार, तर पाचशे रुपयांच्या देणगी दर्शन पास 1000 रुपयांना मिळणार आहे. स्पेशल गेस्ट रेफरल पासची किंमत ही दोनशे रुपयावरून वाढ होऊन पाचशे रुपये करण्यात आली आहे. सकाळच्या अभिषेक पासची संख्या तीनशेवरून चारशे करण्यात आली आहे. तुळजाभवानी मंदिर संस्थानकडून परिपत्रक काढून नवे दर जाहीर करण्यात आले आहे.
13 Sep 2025 10:59 AM (IST)
पुणे- सोलापूर महामार्गावर भीषण अपघाताची घटना समोर आली आहे. अपघातात तीन गाड्यांचे मोठे नुकसान झाले असून लाखो रुपयांची हानी झाली आहे. सुदैवाने कोणतीही जीवितहानी झालेली नाही. हा अपघात रिल स्टार म्हणून ओळखला जाणारा प्रतीक राम शिंदे (वय 24, रा. भादलवाडी, ता. इंदापूर) याच्या फॉर्च्युनर गाडीमुळे घडला असल्याचे समोर आले आहे.
13 Sep 2025 10:55 AM (IST)
गेल्या काही महिन्यापासून मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यात अंतर्गत मतभेद सुरू असल्याच्या चर्चा राजकीय वर्तुळात सुरू आहेत. राज्याच्या नगरविकास खात्यात फडणवीस यांनी काही फेरबदल केल्यामुळे एकनाथ शिंदे नाराज होते. त्यानंतर आता पुन्हा एकदा फडणवीसांनी घेतलेल्या निर्णयामुळे फडणवीस आणि शिंदेंमध्ये वादाची ठिणगी पडली आहे.
13 Sep 2025 10:45 AM (IST)
दिशा पटानी आणि खुशबू पटानी यांच्या घरावर जोरदार गोळीबार झाला. पहाटे साडेतीन वाजता दिशाच्या बरेली येथील घरावर दुचाकीवरून आलेल्या दोन अज्ञात हल्लेखोरांनी गोळीबार केला. रोहित गोदरा टोळीने या गोळीबाराची जबाबदारी घेतली आणि सोशल मीडिया पोस्टद्वारे त्याची पुष्टीही केली. आता दिशाचे वडील जगदीश सिंह पटानी यांनी निवेदन दिले आहे. जगदीश म्हणाले की, पोलिसांनी तत्परता दाखवली आणि गोळीबार प्रकरणाची चौकशी करण्याचे आश्वासन दिले. त्यांनी सांगितले की, पोलिसांनी त्यांना सुरक्षा दिली आहे. संपूर्ण घर पोलिसांनी वेढले आहे.
13 Sep 2025 10:36 AM (IST)
रिअॅलिटी टीव्ही शो ‘बिग बॉस १९’ चा एक नवीन प्रोमो व्हिडिओ रिलीज झाला आहे. या आठवड्यात वीकेंड का वार सलमान खान नाही तर ज्येष्ठ चित्रपट निर्माती फराह खान होस्ट करणार आहे. नवीन प्रोमो व्हिडिओमध्ये फराह खान कुनिका सदानंद, बशीर अली आणि नेहल चुडासमा यांना फटकारताना दिसत आहे. कुनिका सदानंद देखील होस्ट फराह खानशी वागताना दिसत आहे. फराह तिला समजावून सांगत असताना, कुनिका तिला विचित्र हावभाव करताना दिसत आहे.
