मुंबईत जैन समाजाचा विराट मोर्चा; लाखो समाजबांधव रस्त्यावर, मंदिर पाडल्यावरुन महापालिकेचा निषेध

न्यायालयातली सुनावणी होण्यापूर्वीच मुंबई महापालिकेने जैन समाजाचे विर्लेपार्ले येथील मंदिरावर तोडक कारवाई केली. यामुळे जैन समाजात तीव्र संताप उसळला आहे. लाखो जैन समाजबांधव रस्त्यावर उतरले आहेत.

मुंबईत जैन समाजाचा विराट मोर्चा; लाखो समाजबांधव रस्त्यावर, मंदिर पाडल्यावरुन महापालिकेचा निषेध (फोटो सौजन्य: सोशल मीडिया)

Follow Us:

Follow Us:

मुंबई: न्यायालयातली सुनावणी होण्यापूर्वीच मुंबई महापालिकेने जैन समाजाचे विर्लेपार्ले येथील मंदिरावर तोडक कारवाई केली. यामुळे जैन समाजात तीव्र संताप उसळला आहे. लाखो जैन समाजबांधव रस्त्यावर उतरले आहेत. विलेपार्ले पूर्व येथील नेमिनाथ को-ऑपरेटिव्ह हाऊसिंग सोसायटीच्या आवारातील ३० वर्षे जुने जैन चैतालय या मंदिरावर महापालिका प्रशासनाने बुलडोझर चालवला होता. यामुळे जैन धर्मीय व्यथित झाले आहेत.

मुंबईत जैन समाजाचा विराट मोर्चा

जैन मंदिर पाडल्याच्या निषेधार्थ शनिवारी (19 एप्रिल) समुदायाकडून मुंबईत विराट मोर्चा काढण्यात आला. यावेळी मुंबईतील संपूर्ण जैन आणि हिंदू समाज हिंदू विश्व परिषदेचे सदस्य, जैन समाजाचे सर्व विश्वस्त, मंडळे, संस्था सहभागी झाल्या होत्या. विलेपार्ले पश्चिम रेल्वे स्थानकापासून शांततेत हा मोर्चा निघाला.

न्यायालयात धाव

महापालिकेने चैतालय मंदिर पाडण्याच्या संदर्भात नोटीस दिली होती. या विरोधात येथील जैन बांधवांनी शहर दिवाणी न्यायालयात धाव घेतली होती. सूत्रांनुसार, या याचिकेवर १७ एप्रिल रोजी सुनावणी होणार होती. त्यामुळे मंदिरावर कारवाई करू नका, अशी विनंती लोकांनी केली होती. मात्र, सुनावणी होण्यापूर्वीच १६ एप्रिलला कारवाई करण्यात आली. मंदिर पाडण्यास परवानगी देण्यास न्यायालयाने तोंडी स्थगिती दिल्याचे जैन धर्मियांचे म्हणणे आहे.

राजकीय घडामोडी संबंधित बातम्या – Raj Thackeray-Uddhav Thackeray News: राज यांच्या सादेला उद्धव यांचा प्रतिसाद; नव्या समीकरणांची नांदी?

 

View this post on Instagram

 

A post shared by PopDiaries (@ipopdiaries)

दोन प्रमुख मागण्या

• समुदायाकडून दोन मागण्या करण्यात आल्या आहेत. विरोध असतानाही महापालिका के. पूर्व प्रभागाचे सहाय्यक आयुक्त नवनाथ घाडगे यांनी कोणताही विचार न करता आदेश काढल्याचा आरोप जैन धर्मियांनी केला आहे.
• मुख्यमंत्री देवेंद्र फडणवीस यांच्याकडे घाडगे यांच्यावर निलंबनाची कारवाईची करावी. जैन मंदिर पुन्हा बांधून देण्यात यावे, अशा दोन मागण्या जैन धर्मियांनी केल्या आहेत.

ईस्ट विभागाच्या सहाय्यकांची बदली

या पार्श्वभूमीवर के-ईस्ट विभागाचे सहाय्यक आयुक्त नवनाथ घाडगे यांची तात्काळ बदली करण्यात आली आहे, अशी माहिती महापालिका आयुक्त भूषण गगरानी यांनी दिली. मात्र, जैन समाजाच्या संतप्त भावना अद्याप शमलेल्या नाहीत.

या आंदोलनात भाजपचे मंत्री मंगलप्रभात लोढा, आमदार पराग आळवणी, शिवसेनेचे आदित्य ठाकरे, काँग्रेसच्या वर्षा गायकवाड यांच्यासह अनेक राजकीय नेते सहभागी झाले. सर्वच नेत्यांनी महापालिकेच्या कारवाईवर नाराजी व्यक्त करत याला “बुलडोझर सरकार”ची मनमानी कारवाई म्हटले.

राजकीय घडामोडी संबंधित बातम्या – Mumbai Politics: राज ठाकरे -उद्धव ठाकरे एकत्र येणार? संजय राऊतांचे सूचक विधान

Web Title: Jain community protest in mumbai jain community outrage spills on to streets after mumbai temple demolition

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com