Marathi News »
Maharashtra »
Thane »
Thane News Social Awareness Will Be Maintained During Dahi Handi Festival Chief Ministers Relief Fund Will Receive Financial Assistance

Thane News : दहीहंडी उत्सवात जपले जाणार सामाजिक भान; मुख्यमंत्री सहाय्यता निधीला मिळणार आर्थिक मदत

नवयुग मित्र मंडळ आणि आंब्रे कॅन्सर केअर ट्रस्ट आयोजित केलेल्या दहीहंडी उत्सवात सामाजिक भान राखले जाणार आहे. या निमित्ताने मुख्यमंत्री सहाय्यता निधीस अर्थसाहाय्य करण्यात येत आहे.

By तृप्ती गायकवाड

Updated On: Aug 14, 2025 | 02:30 PM

Thane News : दहीहंडी उत्सवात जपले जाणार सामाजिक भान; मुख्यमंत्री सहाय्यता निधीला मिळणार आर्थिक मदत

ठाणे /स्नेहा जाधव,काकडे : नवयुग मित्र मंडळ आणि आंब्रे कॅन्सर केअर ट्रस्टने आयोजित केलेल्या दहीकाला उत्सवात सामाजिक भान राखले जाणार आहे. चौथ्या थरापासून नऊ थर लावणाऱ्या सर्वच गोविंदा पथकांना आयोजकांकडून बक्षिसे तर दिली जाणारच आहेत. शिवाय, मुख्यमंत्री सहाय्यता निधीस एक लाख अकरा हजार एकशे अकरा रूपयांचे अर्थसाहाय्य देखील करण्यात येणार आहे.

गौरव स्वीट समोर, नेताजी सुभाष चंद्र बोस चौक (हैप्पी वेली), टिकूजिनीवाडी रोड, मानपाडा, येथे भारतीय जनता पार्टी ठाणे शहर (जिल्हा) पुरस्कृत नवयुग मित्र मंडळ (रजि.) व आंब्रे कॅन्सर केअर ट्रस्ट आयोजनाने मंडळाचे संस्थापक, भाजपा ठाणे शहर (जिल्हा) उपाध्यक्ष रमेश बा. आंब्रे व मा. नगरसेविका व मंडळाच्या कार्याध्यक्षा सौ. स्नेहा रमेश आंब्रे व मंडळाचे मार्गदर्शक व सरचिटणीस व आंब्रे कॅन्सर केअर ट्रस्ट संस्थापक डॉ. सागर रमेश आंब्रे यांच्या पुढाकारातून या दहीकाला तथा दहीहंडी उत्सवाचे आयोजन करण्यात आले आहे. यंदा या उत्सवाचे 21 वे वर्ष आहे.

Thane News : “नाद करा पण आमचा कुठं” ; स्पेनचे गोविंदा देणार मानवी मनोरे रचून सलामी

या उत्सवास 15 ऑगस्टच्या मध्यरात्री कृष्णजन्मोत्सवाने सुरूवात होणार आहे. 16 ऑगस्ट रोजी दहीहंडी फोडण्यासाठी ठाणे – मुंबईतील अनेक गोविंदाना निमंत्रण देण्यात आले असून 1 लाख 11 हजार 111 रूपयांचे पहिले पारितोषिक विजेत्या पथकास देण्यात येणार आहे. तसेच,4 ते 7 थराच्या पथकांना विशेष पारितोषिके;7 थर लावणाऱ्या पथकास स्नेहा ताई नारीशक्ती गौरव पुरस्कार; 8 थर लावणाऱ्या गोविंदा पथकास मनोज सिंग थर संघ सन्मान पुरस्कार आणि 9 थर लावणाऱ्या पथकास शंकर पवार मानाचा गोविंदा पुरस्कार देऊन सन्मानित करण्यात येणार आहे. या प्रसंगी मुख्य अतिथी म्हणून मुख्यमंत्री देवेंद्र फडणवीस हे उपस्थित राहणार असून नवयुग मित्र मंडळ (रजि.) तर्फे मुख्यमंत्री सहाय्यता निधीला1 लाख 11 हजार 111 रूपये रकमेचा धनादेश फडणवीस यांच्याकडे देण्यात येणार आहे.