(फोटो सौजन्य- इन्स्टाग्राम)
म्युझिक बँड सुपरट्रॅम्पने त्यांचे सह-संस्थापक रिक डेव्हिस यांच्या निधनाबद्दल शोक व्यक्त करणारे निवेदन जारी केले आहे. एएनआयच्या वृत्तानुसार, म्युझिक बँड सुपरट्रॅम्पने म्हटले आहे की, ‘रिक डेव्हिस यांच्या निधनाची घोषणा करताना खूप दुःख होत आहे. ५ सप्टेंबर रोजी दीर्घ आजारानंतर रिक यांचे लॉंग आयलंड येथील त्यांच्या घरी निधन झाले. आम्हाला त्यांना जाणून घेण्याची आणि पन्नास वर्षांहून अधिक काळ त्यांच्यासोबत काम करण्याची संधी मिळाली. आम्ही त्यांच्या कुटुंबाप्रती आमच्या मनापासून संवेदना व्यक्त करतो.’
राधिकाच्या ‘अंधाधुन’, ‘पॅडमॅन’ सारख्या चित्रपटांनी जिंकले मन; जाणून घ्या अभिनेत्रीचा संपूर्ण प्रवास
रिक डेव्हिस कर्करोगाशी हरले लढाई
व्हरायटीच्या सूत्रानुसार, कर्करोगाशी दीर्घ लढाईनंतर रिक डेव्हिसने जगाचा निरोप घेतला. त्यांचे वयाच्या ८१ व्या वर्षी निधन झाले. २०१५ मध्ये त्यांना मल्टिपल मायलोमा नावाचा आजार असल्याचे निदान झाले. आणि आता त्यांनी अखेरचा श्वास घेऊन जगाचा निरोप घेतला आहे.
Bigg Boss 19 : या ४ स्पर्धकांवर नाॅमिनेशनची टांगली तलवार, कोणत्या स्पर्धकाचा होणार पत्ता कट?
‘ब्रेकफास्ट इन अमेरिका’ सर्वात लोकप्रिय अल्बम
रिक डेव्हिस हे ब्रिटिश बँड सुपरट्रॅम्पचे सह-संस्थापक होते. त्यांच्या रॉक म्युझिक बँडने ‘ब्रेकफास्ट इन अमेरिका’ नावाचा अल्बम रिलीज केला, जो त्याच्या काळात संगीत चार्टमध्ये अव्वल स्थानावर होता. याशिवाय रिक डेव्हिसने ‘गुडबाय स्ट्रेंजर’ आणि ‘ब्लडी वेल राईट’ सारखी हिट गाणी लिहिली आणि गायली. रिकचा आवाज खूप खोल आणि खास होता. त्याचा साथीदार रॉजर हॉजसनसोबत त्याने संगीतप्रेमींचे खूप मनोरंजन केले. पण १९८३ मध्ये हॉजसन त्याच्यापासून वेगळे झाले. अशा परिस्थितीतही रिक डेव्हिसने संगीत बँड सुरू ठेवला.
