रोझलिन खान सायबर क्राईमची शिकार, आधार कार्डच्या कोडवरून झाली फसवणूक; काय आहे प्रकरण

अभिनेत्री आणि मॉडेल रोझलिन खान सायबर क्राईम फसवणुकीत अडकली आहे. तिने मुंबई पोलिसांकडे तक्रार दाखल केली आहे. तसेच सोशल मीडियावर या संपूर्ण प्रकरणाची माहिती दिली आहे.

(फोटो सौजन्य - इन्स्टाग्राम)

Follow Us:

Follow Us:

• रोझलिन खान सायबर क्राईमची शिकार
• आधार कार्डच्या कोडवरून झाली फसवणूक
• अभिनेत्रीने पोस्ट शेअर करून दिली माहिती

अभिनेत्री आणि मॉडेल रोझलिन खान आधार कार्ड फसवणूकीला बळी पडली आहे. रेहाना खान म्हणून प्रसिद्ध असलेली ही अभिनेत्री या फसवणुकीबाबत मुंबई पोलिसांकडे तक्रार दाखल करणार आहे. तिने सांगितले की कोणीतरी तिच्या आधार कार्ड माहितीचा वापर करून तिच्या नावावर कर्जावर मोबाईल फोन घेतला आहे. आता कर्ज वसुली एजंट तिला फोन आणि मेसेज करून त्रास देत आहेत. ती म्हणते की हा फोन उत्तर प्रदेशातील मुरादाबाद येथील व्यक्तीने घेतला आहे. तो व्यक्ती तिचा नवरा असल्याचे सांगत आहे. रोझलिन म्हणाली की, ‘मी विवाहित नाही, हा नवरा कुठून आला?’.

रोझलिन खान अलीकडेच स्टेज फोर मेटास्टॅटिक कॅन्सरमधून बरी झाली आहे. तिने सांगितले की रिकव्हरी एजंट तिला आणि तिच्या बहिणीला सतत फोन करत आहेत. ते त्यांना व्हॉट्सॲपवर मेसेज देखील पाठवत आहेत. एजंट म्हणतात की हा फोन तिच्या आधार कार्ड आणि ओटीपी वापरून खरेदी करण्यात आला आहे.

एका नवीन शोसोबत परतले अश्नीर ग्रोव्हर; ‘Rise And Fall’ ची घोषणा, ‘१६’ सेलिब्रिटी करणार धमाका

रोझलिनने प्रश्न उपस्थित केले
रोझलिन खानने हे नाकारले आहे. तिने सांगितले की मी मुंबईत राहते, मग मी उत्तर प्रदेशात मोबाईल फोन खरेदी करण्यासाठी का जाऊ? तिने कर्ज वसुली एजंटना सांगितले की तिने कर्जावर कोणताही मोबाईल खरेदी केलेला नाही परंतु ते तिला त्रास देत आहेत. कर्ज वसुली एजंटनी सांगितले की तिच्या आधार वापरून ६० हजार रुपयांचा मोबाईल खरेदी करण्यात आला आहे. या मोबाईल फोनसाठी तिला ३० ईएमआय भरावे लागतील.

शेअर केलेले स्क्रीनशॉट
कामानिमित्त प्रवास करतानाही त्रास दिला जात असल्याबद्दल अभिनेत्रीने संताप व्यक्त केला. तिने सोशल मीडियावर व्हॉट्सॲप संभाषणांचे स्क्रीनशॉट शेअर केले. तिने उपहासात्मकपणे लिहिले की आधार कार्ड माझे आहे. फोन मुरादाबादमध्ये आहे, पण मला ईएमआय भरावा लागणार आहे… मला वाटतं याला डिजिटल इंडिया म्हणतात. असे लिहून सगळे स्क्रीनशॉट अभिनेत्रीने शेअर केले आहेत.

Shilpa Shetty च्या घरी येणार नाही बाप्पा! मोडणार परंपरा, स्वतःच कारण देत केला खुलासा; झाली भावूक

‘मी विवाहित नाही, माझा नवरा कुठून आला?’
रोझलिनने अधिक पोस्ट केल्या. तिने लिहिले की बँकेच्या लोकांनी सांगितले की मी माझ्या आधार कार्डची माहिती दिली जेणेकरून माझा पती मोबाईल खरेदी करू शकेल. मी अनेक वर्षांपासून चित्रपट उद्योगात काम करत आहे. सर्वांना माहित आहे की मी विवाहित नाही. अभिनेत्रीने खिल्ली उडवली, ‘माझ्या नवऱ्याचा जन्म कधी झाला हे मला माहित नाही, परंतु वसुली विभागाकडे आधीच त्याची कुंडली तयार आहे. माझा डेटा आधार कार्ड वरून लीक झाला आहे की विवाह नोंदणीतून… पण कर्जाचे बिल नेहमीच माझ्यापर्यंत पोहचत आहेत.’

रोझलिन सध्या पटनामध्ये आहे
रोझलिनने सांगितले की ती सध्या तिच्या एका कामाच्या संदर्भात पटनामध्ये आहे. ती मुंबईत परतल्यानंतर एफआयआर दाखल करेल. त्या व्यक्तीला तिचे आधार कार्ड कसे आणि कुठून मिळाले याचे तिला आश्चर्य वाटते, असे तिने सांगितले आहे. ती म्हणाली की, ‘माझी माहिती इतर कोणत्या कारणांसाठी वापरली गेली असेल याची मला भीती वाटत आहे.’

Web Title: Uttar pradesh muradabad man baught mobile at emi from rozlyn khan aadhaar

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com