‘आम्ही कमी टॅलेंटेड आहोत का?’…’परम सुंदरी’मधील जान्हवी कपूरचे मल्याळी ऐकून भडकली अभिनेत्री, प्रश्नांची केली सरबत्ती

मल्याळम अभिनेत्री पवित्रा मेननने 'परम सुंदरी'मधील जान्हवी कपूरच्या कास्टिंगवर प्रश्नचिन्ह उपस्थित केले आहे. या चित्रपटात जान्हवीने केरळमधील सुंदरी नावाच्या मुलीची भूमिका साकारली आहे.

पवित्रा मेननने जान्हवी कपूरच्या मल्याळी भाषेवर डागली तोफ (फोटो सौजन्य - Instagram)

Follow Us:

Follow Us:

• जान्हवी कपूरच्या मल्याळी भाषेवर चढला अभिनेत्रीचा पारा
• परम सुंदरीसाठी जान्हवीला का घेतले विचारला प्रश्न 
• मल्याळी अभिनेत्री पवित्रा मेननने थेट विचारले प्रश्न 

‘परम सुंदरी’ या आगामी चित्रपटात बॉलिवूड अभिनेत्री जान्हवी कपूर सिद्धार्थ मल्होत्राच्या सोबत दिसणार आहे. काही दिवसांपूर्वीच या चित्रपटाचा ट्रेलर प्रदर्शित झाला. यामध्ये दोन्ही स्टार्स हलक्याफुलक्या रोमान्ससह विनोदाचा तडका लावताना दिसत आहेत. आता मल्याळम चित्रपट अभिनेत्री पवित्रा मेनन हिने ‘परम सुंदरी’ मध्ये जान्हवी कपूरच्या कास्टिंगवर प्रश्न उपस्थित केले आहेत. ती म्हणते की एका मल्याळी अभिनेत्रीला चित्रपटात का कास्ट केले नाही?

व्हिडिओमध्ये पवित्रा मेनन म्हणते, ‘मी एक मल्याळी आहे आणि मी परम सुंदरीचा ट्रेलर पाहिला आणि मला खरोखर या मुद्द्यावर बोलायचे आहे की, खरे मल्याळी कलाकारांना का कास्ट केले जात नाहीत? आपण कमी प्रतिभावान आहोत का? आपण फक्त मोहिनीअट्टम करत आहोत. हे केरळमध्ये घडत नाही भाऊ. जसे मी हिंदीत बोलत आहे, तसेच मी मल्याळीमध्येही खूप चांगले बोलू शकते. मला समजत नाही, हिंदी चित्रपटात या भूमिकेसाठी मल्याळी शोधणे इतके कठीण आहे का?’

पवित्रा मेननचा पारा चढला 

पवित्रा पुढे म्हणाली, ‘तुम्हाला माहिती आहे, आम्हीही मोठमोठी कामं केली आहेत. ९० च्या दशकातील मल्याळम चित्रपटांमध्ये, जेव्हा आम्हाला पंजाबी दाखवण्यासाठी बले-बले बोलावे लागत असे. आता २०२५ आहे. मला वाटते की आता सर्वांना माहीत आहे की मल्याळी कसे बोलले जाते आणि ते इतरांसारखे सामान्य आहेत. आम्ही फक्त जास्वंदीची फुले घालत नाही आणि सर्वत्र मोहिनीअट्टम करत नाही आणि ऑफिस आणि घरात फिरत असतो. कृपया माझी एक विनंती आहे – जर तुम्ही तिरुवनंतपुरम म्हणू शकत नसाल तर त्रिवेंद्रम म्हणा, आम्हाला आनंद होईल.’

‘19 व्या वर्षी मला शब्दांना आवर घालायला हवी होती…’ मृणाल ठाकूरने मागितली बिपाशा बासूची माफी, काय आहे प्रकरण

काय म्हणाली पवित्रा

 

View this post on Instagram

 

A post shared by PAVITHRA MENON (@pavithramenon)

चाहत्यांनी पवित्रा मेननचे कौतुक केले

पवित्राच्या व्हायरल व्हिडिओबद्दल युजर्स मात्र दोन भागात विभागले गेले आहेत. काही नेटिझन्सनी या व्हिडिओबद्दल तिचे कौतुक केले आहे. एका चाहत्याने म्हटले, ‘फॅन्टास्टिक, खूप चांगले सांगितले. आता हे मूर्ख स्टिरियोटाइप्स संपले आहेत’. दुसऱ्याने टिप्पणी केली, ‘परम सुंदरीचा ट्रेलर पाहणाऱ्या प्रत्येक मल्याळीचा हा आवाज आहे.’

काही युजर्सनी ट्रोल केले

दुसरीकडे, काही युजर्सनी पवित्रालाही ट्रोल केले आहे. एका युजरने कमेंट केली की, ‘ती चित्रपटात मोहिनीअट्टम नृत्य शिक्षिकेची भूमिका साकारत आहे आणि ती काय करेल’. दुसऱ्या युजरने विचारले, ‘तर तुमच्या तर्कानुसार, मृणाल ठाकूरने ‘सन ऑफ सरदार २’ मध्ये पंजाबी भूमिका साकारायला नको होती, ऐश्वर्या रायने उत्तर भारतीय पात्रे साकारायला नको होती आणि रश्मिका, कीर्ती सुरेश, पार्वती आणि सर्वांनी बॉलिवूड चित्रपटांमध्ये काम करणे थांबवायला हवे होते?’

War 2 चा ऐतिहासिक रेकॉर्ड, Hrithik आणि NTR च्या चित्रपटाने स्वातंत्र्य दिनाच्या दिवशी 100 कोटीचा आकडा केला पार

‘परम सुंदरी’ या दिवशी प्रदर्शित होणार आहे

जान्हवी कपूरने ‘परम सुंदरी’ या चित्रपटात केरळच्या एका मुलीची भूमिका साकारली आहे, तिचे नाव सुंदरी आहे. त्याच वेळी, सिद्धार्थ मल्होत्रा या चित्रपटात दिल्लीच्या परमच्या भूमिकेत दिसणार आहे. ‘परम सुंदरी’ हा रोमँटिक ड्रामा चित्रपट २९ ऑगस्ट २०२५ रोजी थिएटरमध्ये प्रदर्शित होणार आहे. हा चित्रपट तुषार जलोटा दिग्दर्शित करत आहेत.

Web Title: Malayalam actress pavithra menon questioned jahnvi kapoor casting in param sundari asked questions on talent

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com