शरद केळकरच्या ‘रानटी’मध्ये दिसणार ॲक्शन ड्रामा, चित्रपटाचा दमदार टिझर झाला रिलीज!

अभिनेता शरद केळकर ‘रानटी’नावाच्या चित्रपटातून प्रेक्षकांच्या भेटीला येणार आहे. या चित्रपटाची बरीच चर्चा सुरु असून, या चित्रपटाचा टिझर नुकताच प्रेक्षकांच्या भेटीस आला आहे.

(फोटो सौजन्य- सोशल मीडिया)

Follow Us:

Follow Us:

समित कक्कड दिग्दर्शित ‘रानटी’ या भव्य ॲक्शनपटाचा दमदार टिझर नुकताच प्रदर्शित झाला आहे. आलेल्या परिस्थितीशी दोन हात करण्याची जिद्द असलेल्या विष्णूचा रौद्र अवतार दाखविणाऱ्या ‘रानटी’ चित्रपटाच्या टिझरमधून ॲक्शन, ड्रामा आणि इमोशन्स यांची जबरदस्त गुंफण पहायला प्रेक्षकांना मिळणार आहे. अभिनेता शरद केळकर यांच्यासह अनेक कलाकारांचा जबरदस्त ‘रानटी’ अंदाज या चित्रपटामध्ये दिसत आहे. पुनीत बालन स्टुडिओ निर्मित आणि समित कक्कड दिग्दर्शित ‘रानटी’ हा मराठीतला सगळ्यात मोठा अ‍ॅक्शनपट असणार आहे. आपल्या खलनायकी अवताराने सर्वांचा थरकाप उडवणारे बॉलीवूडचे सुप्रसिद्ध ‘रानटी’ खलनायक जॅकी श्रॉफ आणि संजय दत्त यांनीसुद्धा दिग्दर्शिक समित कक्कड च्या ‘रानटी’ चित्रपटाच्या दमदार टिझरची झलक सोशल मीडियामध्ये शेअर केली आहे.

‘अपून फूल ऑन डेंजर.. डोन्ट टेक मी लाइट’ अशा दमदार डायलॉगने अवतरलेला ‘विष्णू’ हा बेरकी आणि कपटी व्हिलनला स्वतःच्या शक्ती आणि युक्तीने अद्दल घडवताना दिसणार आहे. ॲक्शनच्या जोडीला इमोशन आणि रोमान्सच्या साथीने खुलत जाणारा कथेतला ड्रामा असं एक ‘सुपर पॅकेज’ असलेला पॉवरफुल ॲक्शनपट ‘रानटी’ येत्या २२ नोव्हेंबरला प्रेक्षकांच्या भेटीस येत आहे. प्रेक्षकांना हा चित्रपट पाहण्याची आतुरता लागली आहे. या चित्रपटामध्ये दमदार कलाकार त्याच्या धमाकेदार भूमिकेत काम करताना दिसणार आहेत.

हे देखील वाचा – राशी खन्नाने आगामी चित्रपट ‘द साबरमती रिपोर्ट’ बाबत केला खास खुलासा, म्हणाली…

 

View this post on Instagram

 

A post shared by Sharad Kelkar (@sharadkelkar)

लेखनापासून ते अभिनयापर्यंत आणि निर्मितीमूल्यांपासून सादरीकरणापर्यंत सर्वच पातळीवर दिग्दर्शक समित कक्कड यांचे सर्व चित्रपट लक्षवेधी राहिले आहेत. ‘रानटी’ च्या निमित्ताने मराठीत भव्य ॲक्शनपट घेऊन आले आहेत. या चित्रपटाच्या पहिल्या पोस्टरपासून त्यातील वेगळेपणा आणि भव्यता दिसून आली आहे. ‘रानटी’चा टिझर पाहताना सर्वांच्याच अंगावर अक्षरशः काटे येतात. हा टिझर पाहिल्यानंतर चाहत्यांमध्ये चित्रपटाबद्दलची उत्सुकता आणखी वाढली आहे.

हे देखील वाचा – संगीत निर्माता अंशुल गर्गचे स्वप्नं पूर्ण, तब्बल 30 कोटी मोजून घेतलं नवं ऑफिस!

‘रानटी’ चित्रपटासाठी हृषिकेश कोळी यांचं लिखाण, अजित परब यांचं संगीत, अमर मोहिले यांचं पार्श्वसंगीत, एझाज गुलाब यांची साहसदृष्ये, सेतु श्रीराम यांचं छायाचित्रण, आशिष म्हात्रे यांचं संकलन अशी भक्कम तांत्रिक बाजू असलेली टीम चित्रपटाला लाभलेली आहे. पुनीत बालन स्टुडिओ निर्मित आणि समित कक्कड दिग्दर्शित ‘रानटी’ हा मराठीतला मोठा अ‍ॅक्शनपट २२ नोव्हेंबरला प्रेक्षकांच्या भेटीस येत आहे. चाहते हा चित्रपट रिलीज होण्याआधिच या चित्रपटाच्या टिझरला चांगलाच प्रतिसाद मिळत आहे.

Web Title: Sharad kelkar raanti the action drama the powerful teaser of the film has been released

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com