Jyoti Chandekar Passes Away: ‘ठरलं तर मग’फेम ज्येष्ठ अभिनेत्री ज्योती चांदेकरांचे निधन, पुण्यात अखेरचा श्वास

तेजस्विनी पंडितची आई ज्येष्ठ अभिनेत्री ज्योती चांदेकर यांचं निधन आज सकाळी झाले असून स्टार प्रवाहने त्यांना सोशल मीडियावर श्रद्धांजली वाहिली आहे. पुण्यात त्यांनी अखेरचा श्वास घेतला.

ज्योती चांदेकर यांचे निधन (फोटो सौजन्य - इन्स्टाग्राम)

Follow Us:

Follow Us:

• ज्येष्ठ अभिनेत्री ज्योती चांदेकर यांचे पुण्यात निधन
• वयाच्या ६८ व्या वर्षी अखेरचा श्वास
• तेजस्विनी पंडितच्या आईचे पुण्यात रूग्णालयात निधन

आपल्या अभिनयाने सर्वांचं मन जिंकणाऱ्या पूर्णा आजी अर्थात अभिनेत्री ज्योती चांदेकर यांचे पुण्यात निधन झाले. त्या ६८ वर्षांच्या होत्या आणि त्यांच्यावर गेल्या ३-४ दिवसांपासून उपचार चालू होते. अखेर आज त्यांची प्राणज्योत मालवली. स्टार प्रवाहवरील ‘ठरलं तर मग’ या मालिकेतून त्यांनी सर्वांचं मन जिंकून घेतलं होतं. ज्योती चांदेकर या अनेक वर्षांपासून चित्रपट, नाटक आणि मालिकांमधून काम करत आहेत. गेल्या दोन वर्षांपासून मालिकेतील त्यांची आजीची भूमिका गाजत आहे. गेल्या काही दिवसांपासून पुण्यातील रूग्णालयात त्यांच्यावर उपाय चालू होते. मात्र आज संध्याकाळी साधारण ४ च्या सुमारास त्यांची प्राणज्योत मालवल्याची बातमी समोर आली आहे. 

ज्योती चांदेकर यांच्या पश्चात दोन मुली असून तेजस्विनी पंडितदेखील याच क्षेत्रात कार्यरत आहे. त्यांच्या मृत्यूचे नेमके कारण अथवा कोणता आजार होता याबाबत अधिक माहिती मिळू शकलेली नाही. मात्र पुण्यातील वैकुंठ स्मशानगृहात उद्या अर्थात रविवारी १७ ऑगस्ट रोजी सकाळी ११ वाजता त्यांच्या पार्थिवावर अत्यंसंस्कार करण्यात येतील अशी प्राथमिक माहिती सुत्रांकडून मिळाली आहे.

सायलीच खरी तन्वी! सत्य समोर येणार तेवढ्यात… ; ठरलं तर मग मालिकेत मोठा ट्विस्ट; ‘असं’ येणार नवं वळण

स्टार प्रवाहने वाहिली श्रद्धांजली

 

View this post on Instagram

 

A post shared by Star Pravah (@star_pravah)

ज्योती चांदेकर यांचे चित्रपट 

गुरू (२०१६), ढोलकी (२०१५), तिचा उंबरठा, दमलेल्या बाबाची कहाणी, पाऊलवाट (२०११), मी सिंधूताई सपकाळ (२०१०), सलाम (२०१४), सांजपर्व (२०१४) यासारख्या अनेक चित्रपटांमधून ज्योती चांदेकर यांनी तगड्या भूमिका साकारल्या होत्या. दरम्यान ‘ठरलं तर मग’ मधील प्रमुख भूमिका साकारणाऱ्या जुई गडकरीने सर्व कलाकारांसाठी हा एक मोठा धक्का असल्याचे एका संकेतस्थळाला सांगितले आहे. 

आणि ती घरी आली! अमृता गेली भारावून, हातात ट्रॉफी अन् देवाचे आभार, सोशल मीडियावर झाली व्यक्त

गेल्या ३ दिवसांपासून तब्बेत खालावली

गेल्या ३ दिवसांपासून ज्योती चांदेकर यांची तब्बेत खऱाब झाल्याने त्यांना पुण्याच्या रूग्णालयात दाखल करण्यात आले होते. तसंच त्या डायलिससवर असल्याचेही सुत्रांकडून कळले असून त्यांचे अवयव अखेर निकामी होत गेले आणि वेंटिलेटवर ठेवावे लागले असंही सांगण्यात येत आहे. मात्र याबाबत खात्रीलायक माहिती मिळू शकलेली नाही. तेजस्विनी पंडित आणि तिची बहीण या दोघीही तिच्या आईसह असल्याचे सांगण्यात येते.

पूर्णा आजी प्रसिद्ध

गेल्या दोन वर्षापासून सुरू असणाऱ्या ‘ठरलं तर मग’ या मालिकेत सायली आणि अर्जुनची पूर्णा आजी म्हणून अत्यंत प्रेमळ तरीही खमकी अशी भूमिका साकारणाऱ्या ज्योती चांदेकरांचा एक खास चाहता वर्ग आहे आणि अगदी लहान मुलांमध्येही पूर्णा आजी म्हणून त्यांनी प्रसिद्धी मिळवली होती. सध्या या मालिकेत ज्योती चांदेकरांची महत्त्वाची भूमिका होती. त्यामुळे मालिकेत आता मोठी पोकळी निर्माण होणार हे मात्र नक्की!

Web Title: Tejaswini pandit mother tharla tar mag fame jyoti chandekar passes away

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com